12 വയസ്സിന് താഴെ പ്രായമുള്ള കുട്ടികള്‍ റോഡിലൂടെ സൈക്കിള്‍ ഓടിക്കരുത്; മുന്നറിയിപ്പുമായി സൗദി
ഈദ് ആഘോഷിക്കുമ്പോള്‍ കുട്ടികളുടെ സുരക്ഷ ഉറപ്പാക്കാന്‍ ആഘോഷ സംവിധാനങ്ങളുടെ ഉടമകള്‍ക്ക് ഉത്തരവാദിത്തമുണ്ട്
Samayam Malayalam 23 Apr 2023, 6:08 pm
ഹൈലൈറ്റ്:
- കുട്ടികളുടെ സുരക്ഷയും ആരോഗ്യവും അപകടപ്പെടുത്തുന്ന വിനോദ പരിപാടികളില്‍ പങ്കെടുക്കുന്നതില്‍ നിന്ന് അവരെ വിലക്കിയതായും പബ്ലിക് പ്രൊസിക്യൂഷന്‍ പ്രഖ്യാപിച്ചു.
- കുട്ടികള്‍ക്ക് സൈക്കിള്‍ നല്‍കുമ്പോള്‍ സുരക്ഷാ ആക്‌സസറികള്‍ ലഭ്യമാക്കണമെന്ന് നിര്‍ദ്ദേശമുണ്ട്.
റിയാദ്: 12 വയസ്സിന് താഴെയുള്ള കുട്ടികള്‍ക്ക് സൈക്കിള്‍ വാടകയ്ക്ക് നല്‍കുന്നത് നിരോധിട്ട് സൗദി അറേബ്യ. ഇങ്ങനെ വാടകയ്ക്ക് നല്‍കിയ സൈക്കിള്‍ ഓടിക്കുമ്പോള്‍ അവര്‍ക്കോ മറ്റുള്ളവര്‍ക്കോ ഉണ്ടാകുന്ന അപകടങ്ങള്‍ക്ക് സൈക്കിള്‍ വാടകയ്ക്ക് നല്‍കിയവര്‍ ഉത്തരവാദികളാവും. 12 വയസ്സിന് താഴെ പ്രായമുള്ള കുട്ടികള്‍ക്ക് പൊതു റോഡുകളില്‍ സൈക്കിള്‍ ഓടിക്കാന്‍ അനുവാദമില്ലെന്നും തത്ഫലമായുണ്ടാകുന്ന നാശനഷ്ടങ്ങള്‍ക്ക് അവരുടെ രക്ഷിതാക്കള്‍ ഉത്തരവാദികളായിരിക്കുമെന്നും രാജ്യത്തിന്റെ പബ്ലിക് പ്രോസിക്യൂഷന്‍ പറഞ്ഞു.
Also Read:
കുട്ടികളുടെ സുരക്ഷിതത്വം ഉറപ്പുവരുത്തുന്നതിന്റെ ഭാഗമായി, കുട്ടികള്‍ ഉപയോഗിക്കുന്ന ഊഞ്ഞാലുകളുടെയും മറ്റ് ഗെയിമുകളുടെയും സീറ്റുകളില്‍ സുരക്ഷാ ബെല്‍റ്റുകള്‍ ഘടിപ്പിക്കേണ്ടത് ആവശ്യമാണെന്ന് പ്രോസിക്യൂഷന്‍ പറഞ്ഞു. ഗെയിമുകള്‍ കുട്ടിയുടെ പ്രായത്തിനും കഴിവുകള്‍ക്കും അനുസൃതമായിരിക്കണം. ഓരോ ഗെയിമിനും അടുത്തായി ഉചിതമായ ഉപയോഗ പ്രായം, ഒരു സമയത്ത് ഉപകരണം എത്ര പേര്‍ക്ക് ഉപയോഗിക്കാം, ഗെയിം ഉപയോഗിക്കേണ്ട രീതി തുടങ്ങി ആവശ്യമായ വിവരങ്ങള്‍ ഉള്‍പ്പെടുത്തി ബോര്‍ഡ് സ്ഥാപിക്കണം. കുട്ടികള്‍ക്ക് സൈക്കിള്‍ നല്‍കുമ്പോള്‍ സാധ്യമാകുമ്പോഴെല്ലാം, സൈക്കിളുകളുടെ വശങ്ങളിലെ അധിക ചക്രങ്ങള്‍, സംരക്ഷണ ഹെല്‍മെറ്റുകള്‍, എല്‍ബോ പാഡുകള്‍ എന്നിവ പോലുള്ള സുരക്ഷാ ആക്‌സസറികള്‍ കുട്ടികള്‍ക്ക് ലഭ്യമാക്കണമെന്നും നിര്‍ദ്ദേശമുണ്ട്.
രാജ്യത്തിന്റെ ശിശു സംരക്ഷണ നിയമത്തിലെ ആര്‍ട്ടിക്കിള്‍ 13 പ്രകാരമാണിത്. ഈ നിയമത്തിലെ വ്യവസ്ഥകളുടെ ലംഘനങ്ങളില്‍ നിന്ന് ഉണ്ടാകുന്ന കുറ്റകൃത്യങ്ങളുടെ അന്വേഷണവും പ്രോസിക്യൂഷനും പബ്ലിക് പ്രൊസിക്യൂഷന്‍ ഏറ്റെടുക്കുമെന്നും ഇതുമായി ബന്ധപ്പെട്ട് പുറത്തിറക്കിയ ഇന്‍ഫോഗ്രാഫിക്‌സ് വ്യക്തമാക്കി.
Also Read:
കുട്ടികളുടെ സുരക്ഷിതത്വം ഉറപ്പുവരുത്തുന്നതിന്റെ ഭാഗമായി, കുട്ടികള്‍ ഉപയോഗിക്കുന്ന ഊഞ്ഞാലുകളുടെയും മറ്റ് ഗെയിമുകളുടെയും സീറ്റുകളില്‍ സുരക്ഷാ ബെല്‍റ്റുകള്‍ ഘടിപ്പിക്കേണ്ടത് ആവശ്യമാണെന്ന് പ്രോസിക്യൂഷന്‍ പറഞ്ഞു. ഗെയിമുകള്‍ കുട്ടിയുടെ പ്രായത്തിനും കഴിവുകള്‍ക്കും അനുസൃതമായിരിക്കണം. ഓരോ ഗെയിമിനും അടുത്തായി ഉചിതമായ ഉപയോഗ പ്രായം, ഒരു സമയത്ത് ഉപകരണം എത്ര പേര്‍ക്ക് ഉപയോഗിക്കാം, ഗെയിം ഉപയോഗിക്കേണ്ട രീതി തുടങ്ങി ആവശ്യമായ വിവരങ്ങള്‍ ഉള്‍പ്പെടുത്തി ബോര്‍ഡ് സ്ഥാപിക്കണം. കുട്ടികള്‍ക്ക് സൈക്കിള്‍ നല്‍കുമ്പോള്‍ സാധ്യമാകുമ്പോഴെല്ലാം, സൈക്കിളുകളുടെ വശങ്ങളിലെ അധിക ചക്രങ്ങള്‍, സംരക്ഷണ ഹെല്‍മെറ്റുകള്‍, എല്‍ബോ പാഡുകള്‍ എന്നിവ പോലുള്ള സുരക്ഷാ ആക്‌സസറികള്‍ കുട്ടികള്‍ക്ക് ലഭ്യമാക്കണമെന്നും നിര്‍ദ്ദേശമുണ്ട്.
രാജ്യത്തിന്റെ ശിശു സംരക്ഷണ നിയമത്തിലെ ആര്‍ട്ടിക്കിള്‍ 13 പ്രകാരമാണിത്. ഈ നിയമത്തിലെ വ്യവസ്ഥകളുടെ ലംഘനങ്ങളില്‍ നിന്ന് ഉണ്ടാകുന്ന കുറ്റകൃത്യങ്ങളുടെ അന്വേഷണവും പ്രോസിക്യൂഷനും പബ്ലിക് പ്രൊസിക്യൂഷന്‍ ഏറ്റെടുക്കുമെന്നും ഇതുമായി ബന്ധപ്പെട്ട് പുറത്തിറക്കിയ ഇന്‍ഫോഗ്രാഫിക്‌സ് വ്യക്തമാക്കി.