നോമ്പു തുറയ്ക്കിടെ ദേഹാസ്വാസ്‌ഥ്യം അനുഭവപ്പെട്ട് കുഴഞ്ഞു വീണു; പ്രവാസി മലയാളി ദമാമിൽ മരിച്ചു

സൗദി: നോമ്പു തുറന്നു ഭക്ഷണം കഴിക്കുന്നതിന് ഇടയിൽ കുഴഞ്ഞു വീണ് മലയാളി മരിച്ചു. തൃശൂര്‍ വാടാനാപ്പള്ളി പുതിയവീട്ടില്‍ അബ്ദുല്‍ റസാഖ് ആണ് മരിച്ചത്. 52 വയസായിരുന്നു. ഹൃദയാഘാതത്തെ തുടർന്ന് ആണ് ഇദ്ദേഹത്തിന്റെ മരണം സംഭവിച്ചതെന്ന് സ്ഥിരീകരിച്ചു. കുഴഞ്ഞു വീണ ഉടൻ തന്നെ അദ്ദേഹത്തെ ആശുപത്രിയിൽ എത്തിച്ചിരുന്നു. എന്നാൽ ജീവൻ രക്ഷിക്കാൻ സാധിച്ചില്ല.

Also Read: പൊതുസ്ഥലങ്ങൾ, പള്ളികൾ, കച്ചവട കേന്ദ്രങ്ങള്‍, എന്നിവിടങ്ങളിൽ റമദാൻ എത്തിയപ്പോൾ അധികൃതർ പരിശോധന ശക്തമാക്കിയിരുന്നു.

20 വർഷമായി ഇദ്ദേഹം പ്രവാസിയായിട്ട്. അഡ്വര്‍ടൈസിങ് കമ്പനിയില്‍ ടെക്നീഷ്യന്‍ ആയി ജോലി ചെയ്യുകയായിരുന്നു. പിതാവ് പരേതനായ മുഹമ്മദ്‌, മാതാവ് ഫാത്തിമ. ഭാര്യ: നസീറ. മൂന്നു മക്കളുണ്ട്. മൃതദേഹം നാട്ടിലെത്തിക്കാനുള്ള നടപടികൾ സ്വീകരിച്ചു വരുകയാണ്. നടപടി ക്രമങ്ങള്‍ പൂർത്തീകരിക്കന്നതിന് സാമൂഹിക പ്രവർത്തകർ രംഗത്തുണ്ട്.

ദമ്മാം നോമ്പു തുറ ടെൻ്റിൽ ഇസ്ലാമിക് എക്സിബിഷൻ തുടക്കമായി

ദമ്മാം: ശരീഅ: കോടതിക്ക് സമീപമുള്ള ദമ്മാം ഐസിസി ഇഫ്താർ ടെൻ്റിൽ ദമാം ഇന്ത്യൻ ഇസ്ലാഹി സെൻ്റർ യുവജന വിഭാഗം സംഘടിപ്പിച്ച ഇസ്ലാമിക്ക് എക്സിബിഷന് തുടക്കമായി .ദമാം ഐസിസി ഡയറക്ടർ ഡോ അബ്ദുൽ വാഹിദ് അൽ മസ്റൂഈ എക്സിബിഷൻ ഉദ്ഘാടനം ചെയ്തു.

ഐസിസി പ്രബോധന വിഭാഗം തലവൻ മുബാറക് ഫാഇ സ്,അബ്ദുൽ ജബ്ബാർ മദീനി,നൗഷാദ് തൊളിക്കോട്,ഫൈസൽ കൈതയിൽ എന്നിവർ സംസാരിച്ചു . മനുഷ്യ ജീവിതത്തിൻ്റെ ആരംഭം മുതൽ മരണം വരെ യുള്ള കാര്യങ്ങളിൽ വിശുദ്ധ ഖുർ ആൻ അധ്യാപനങ്ങൾ വിവരിക്കുന്ന എക്സിബിഷൻ ശ്രദ്ധേയമായി.

മലയാളം വിഭാഗം ദിനേന നടത്തുന്ന വിജ്ഞാന സദസ്സ്,നോമ്പു തുറ വിരുന്ന് എന്നിവയിൽ പങ്കെടുക്കാൻ എത്തുന്ന വിശ്വാസികൾക്കും പൊതു ജനങ്ങൾക്കും റമദാൻ എല്ലാ ദിവസവും വൈകീട്ട് 4 മണി മുതൽ എക്സിബിഷൻ സന്ദർശിക്കാം. വിവിധ വിഷയങ്ങളിൽ ദിനേനയുള്ള മത പ്രഭാഷണങ്ങൾ,വാരാന്ത്യ നിശാ പഠന സംഗമം,യൂത്ത് മീറ്റ് തുടങ്ങി വിവിധ ദഅവാ പരിപാടികൾ നോമ്പു തുറ ടെൻ്റിൽ നടന്നു വരുന്നതായി ഐസിസി മലയാള വിഭാഗം അറിയിച്ചു.

Read Latest Gulf News and Malayalam News