സൗദി പൗരന്മാര്‍ക്ക് ഇനി ഇന്ത്യയിലേക്ക് വരാന്‍ ഇ- വിസ; ഓണ്‍ലൈന്‍ വഴി അപേക്ഷിക്കാം

റിയാദ്: സൗദി അറേബ്യയിലെ പൗരന്മാര്‍ക്ക് ഇന്ത്യയിലേക്ക് വരാന്‍ ഇലക്ട്രോണിക് വിസ. ഇ- വിസ സംവിധാനം പുനഃരാരംഭിച്ചതായി റിയാദിലെ ഇന്ത്യന്‍ എംബസിയാണ് വാര്‍ത്താക്കുറിപ്പില്‍ ഇക്കാര്യം അറിയിച്ചത്.

Also Read: സ്ത്രീധനം വേണ്ടെന്ന് പറഞ്ഞു കല്യാണം ഉറപ്പിച്ചു, തവണകളായി പണം വാങ്ങി; വാക്ക് മാറിയപ്പോൾ പെണ്‍കുട്ടി ജീവനൊടുക്കി

ഇ- ടൂറിസ്റ്റ് വിസ, ഇ- ബിസിനസ് വിസ, ഇ- മെഡിക്കല്‍ വിസ, ഇ- മെഡിക്കല്‍ അറ്റന്റന്‍സ് വിസ, ഇ- കോണ്‍ഫറന്‍സ് എന്നിങ്ങനെ അഞ്ച് ഉപവിഭാഗങ്ങളിലും ഇലക്ട്രോണിക് വിസ പുനഃരാരംഭിച്ചു. ഓണ്‍ലൈന്‍ വഴി അപേക്ഷിച്ച് വിസ നേടാം. ഇന്ത്യന്‍ വിസ ഓണ്‍ലൈന്‍ (https://indianvisaonline.gov.in/evisa/tvoa.html) എന്ന സൈറ്റിലാണ് ഇലക്ട്രോണിക് വിസക്കായി അപേക്ഷിക്കേണ്ടത്. കൂടുതല്‍ വിവരങ്ങള്‍ https://eoriyadh.gov.in/page/visa-services/ എന്ന സൈറ്റില്‍ നിന്ന് ലഭിക്കും.

Also Read: ജീവിച്ചതും മരിച്ചതും അവസാന യാത്രയും ഒരുമിച്ച്; വിൻസന്‍റിന്‍റെയും ഡെയ്സിയുടെയും മൃതദേഹം നാട്ടിലേക്ക് അയച്ചു

ഗള്‍ഫ് രാജ്യങ്ങള്‍ നിയമവിധേയമായി താമസിക്കുന്ന എല്ലാവര്‍ക്കും സൗദിയിലേക്ക് ടൂറിസ്റ്റ് വിസ അനുവദിക്കുമെന്ന് സൗദി ടൂറിസം മന്ത്രാലയം അറിയിച്ചിരുന്നു. ഇത്തരത്തില്‍ വിസ അനുവദിക്കുന്നതിന് ഗള്‍ഫ് രാജ്യങ്ങളില്‍ താമസിക്കുന്നവരുടെ പ്രൊഫഷന്‍ മാനദണ്ഡമാക്കില്ല. ടൂറിസ്റ്റ് വിസയില്‍ സൗദിയില്‍ എത്തുന്നവര്‍ക്ക് ഉംറ നിര്‍നഹിക്കാനും മദീന സന്ദര്‍ശിക്കാവും രാജ്യത്ത് എവിടെയും സഞ്ചരിക്കാനും അനുവാദം ഉണ്ടാകും.

Read Latest Gulf News and Malayalam News