റിയാദ്: കൊവിഡ് വ്യാപനത്തിന്റെ പശ്ചാത്തലത്തില് നാട്ടിലെത്തിയ ശേഷം സൗദിയില് തിരികെയെത്താന് കഴിയാത്ത പ്രവാസികള്ക്ക് സന്തോഷ വാര്ത്ത. ഇതിനിടയില് വിസയുടെയും ഇഖാമയുടെയും കാലാവധി നാട്ടില് വച്ച് അവസാനിക്കുന്നുവെങ്കില് ടെന്ഷനടിക്കേണ്ട കാര്യമില്ല. അവ നാട്ടില് നിന്ന് തന്നെ പുതുക്കാനുള്ള സംവിധാനം സൗദി ജനറല് ഡയറക്ടറേറ്റ് ഓഫ് പാസ്പോര്ട്ട്സ് അഥവാ ജവാസാത്ത് ഒരുക്കിയിട്ടുണ്ട്.
Also Read: യുഎഇയില് ജുമുഅ പ്രാര്ഥന പുനരാരംഭിക്കുമ്പോള് എന്തൊക്കെ കാര്യങ്ങള് ശ്രദ്ധിക്കണം?
ഓണ്ലൈനായിട്ടാണ് ഇഖാമയും എക്സിറ്റ് റീ എന്ട്രി വിസകളും പുതുക്കേണ്ടതെന്ന് മറുപടിയായി ജവാസാത്ത് ട്വിറ്ററില് കുറിച്ചു.
ഇതിനാവശ്യമായ ഫീസ് സ്പോണ്സറുടെ മുഖീം, അബ്ശിര് പ്ലാറ്റ്ഫോമുകള് വഴി സദദ് പെയ്മെന്റ് സേവനം ഉപയോഗിച്ച് ഓണ്ലൈനായി അടയ്ക്കാവുന്നതാണെന്നും ജവാസാത്ത് വ്യക്തമാക്കി. കൊവിഡ് പശ്ചാത്തലത്തില് നാട്ടില് പോയി തിരികെ വരാന് കഴിയാതെ കുടുങ്ങിപ്പോയ നിരവധി പേര്ക്ക് ഈ സൗകര്യം ആശ്വാസമാവും.