കൊവിഡ് അണുബാധയ്ക്ക് ഒരു മാസത്തിനു ശേഷം രോഗലക്ഷണങ്ങൾ ഉണ്ടായാൽ തുടര്‍ ചികിത്സ നൽകും: സൗദി ആരോഗ്യമന്ത്രാലയം

സൗദി: കൊവിഡ് അണുബാധക്ക് ഒരു മാസത്തിന് ശേഷം രോഗലണങ്ങൾ ഉണ്ടായാൽ തുടർ ചികിത്സ നൽകുമെന്ന് സൗദി ആരോഗ്യമന്ത്രാലയം അറിയിച്ചു. "ലോങ് ടേം കൊറോണ ലക്ഷണങ്ങൾ" എന്ന പേരിൽ ചികിത്സക്കായി രാജ്യത്തെ പ്രധാന ആശുപത്രിയിലും ക്ലിനിക്കുകളിലും ആണ് പദ്ധതി തയ്യാറാക്കിയിരിക്കുന്നത്.

Also Read: രജിസ്ട്രേഷൻ തുടങ്ങി ഒരാഴ്ച; ഫിഫ ലോകകപ്പിന് വളന്‍റിയറാവാൻ സന്നദ്ധത അറിയിച്ചത് എത്തിയത് 1.15 ലക്ഷം പേർ

937 നമ്പറില്‍ വിളിച്ച് ക്ലിനിക്കുകളില്‍ ചികിത്സക്കായി അനുമതി നേടാവുന്നതാണ്. കൊവിഡ് മാറി ഒരുമാസത്തിന് ശേഷവും രോഗലക്ഷണങ്ങൾ നിലനിൽക്കുന്ന സാഹചര്യം പലർക്കും ഉണ്ട്. ഇവർക്ക് ഉചിതമായ ചികിത്സ നൽകാൻ ആവശ്യമായ പദ്ധതികൾ തയ്യാറാക്കാൻ ആണ് സൗദി ആരോഗ്യമന്ത്രാലയം അധികൃതർ തീരുമാനിച്ചിരിക്കുന്നത്.

Also Read: ബിഗ് ബോസ് സീസൺ 4ലെ ചില രംഗങ്ങൾ ആണ് ഇപ്പോൾ ട്രോളുകളിൽ നിറയുന്നത്. സോഷ്യൽ മീഡിയയിൽ വൈറലായ ട്രോളുകൾ കാണാം.

കൊവിഡ് അണുബാധയിൽ നിന്നും സുഖം പ്രാപിച്ചാലും പലർക്കും ഒരുമാസത്തിന് ശേഷവും മറ്റു ചില ലക്ഷണങ്ങൾ ഉണ്ടാകുന്നതായി റിപ്പോർട്ട് വരുന്നുണ്ട്. ചിലപ്പോൾ ആഴ്ചകളോ പലപ്പോഴും മാസങ്ങളോ ഇത് നിലനിൽക്കും. പലർക്കും ദീർഘകാലാടിസ്ഥാനത്തിലുള്ള കൊവിഡ് ലക്ഷണങ്ങൾ ഉണ്ടെന്ന് സൗദി ആരോഗ്യ മന്ത്രാലയം അറിയിച്ചു. ഇതിന് എല്ലാം ആവശ്യമായ ചികിത്സ നൽകാൻ ആണ് തീരുമാനിച്ചിരിക്കുന്നത്.