നാട്ടിൽ പോയി ഒരാഴ്ച മുമ്പ് തിരിച്ചെത്തിയ മലയാളി സൗദിയിൽ മരിച്ചു

സൗദി: കുടുംബത്തോടൊപ്പം സൗദിയിൽ നിന്നും നാട്ടിലേക്ക് പോയി തിരിച്ചെത്തിയ മലയാളി മരിച്ചു. മലപ്പുറം കോട്ടക്കൽ സ്വദേശി കുനിക്കകത്ത് വീട്ടിൽ മുസ്തഫ ആണ് മരിച്ചത്. 53 വയസായിരുന്നു. നാട്ടിൽ പോയി അവധിയാഘോഷിച്ച് കഴിഞ്ഞ ആഴ്ചയാണ് തിരിച്ചെത്തിയത്. പടിഞ്ഞാറൻ പ്രവിശ്യയിലെ യാമ്പുവിൽ ആണ് ഇദ്ദേഹം താമസിച്ചിരുന്നത്. ഞായറാഴ്ച്ച വൈകുന്നേരം ആണ് മുസ്തഫ മരിക്കുന്നത്.

Also Read: പാസ്‍പോര്‍ട്ടും വേണ്ട, ടിക്കറ്റും വേണ്ട; വിമാനത്താവളത്തില്‍ ഇനി 'മുഖം കാണിച്ചാല്‍' മതി

കാൽനൂറ്റാണ്ടായി മുസ്തഫ പ്രവാസം തുടങ്ങിയിട്ട്. പെയിന്റ് നിർമാണ കമ്പനിയിൽ ക്വാളിറ്റി കൺട്രോളറായി ജോലി ചെയ്യുകയായിരുന്നു. വിസിറ്റ് വിസയിൽ കുടുംബത്തെ സൗദിയിലേക്ക് കൊണ്ടുവന്നിരുന്നു. ഇവരുടെ കൂടെ നാട്ടിലേക്ക് പോയി തിരിച്ചു വന്നതായിരുന്നു. ഒരാഴ്ച മുമ്പാണ് സൗദിയിൽ എത്തിയത്. കഴിഞ്ഞ ദിവസം രാവിലെ ശാരീരിക അസ്വാസ്ഥ്യമുണ്ടായതിനെ തുടർന്ന് ആശുപത്രിയിൽ എത്തിച്ചു. ആശുപത്രിയിൽ കാണിച്ച് ശേഷം വെെകുന്നേരും മുറിയിൽ എത്തി. എന്നാൽ വീണ്ടും ചെറിയ ചില അസ്വാസ്ഥ്യകൾ ഉണ്ടായി അവിടെ വെച്ച് കുഴഞ്ഞു വീണ് മരിക്കുകയായിരുന്നു.

Also Read: സൗദി വിദ്യാഭ്യാസ മേഖലയില്‍ നിക്ഷേപത്തിന് അവസരം; മന്ത്രാലയം ആസ്ഥാനത്ത് ബിസിനസ് സെന്റര്‍ തുറന്നു

പരേതരായ കുനിക്കകത്ത് കുഞ്ഞിമൊയ്തീൻ - ബീയുമ്മ ദമ്പതികളുടെ മകനാണ് മരണപ്പെട്ട മുസ്തഫ. ഭാര്യ: സാബിറ, മക്കൾ: മുഹമ്മദ് ഷാനിബ്, മുഹമ്മദ് ഷാദിൽ, സഫ്‌വാന യാസ്മിൻ, മരുമകൻ: അബ്ദുൽ അസീസ് മാറാക്കര, സഹോദരങ്ങൾ: കമ്മു, അബ്ദുസ്സലാം, പാത്തു, ആയിഷ, ഖദീജ, മൈമൂന. മൃതദേഹം നാട്ടിലേക്ക് കൊണ്ടുപോയി ഖബറടക്കാൻ ആണ് തീരുമാനിച്ചിരിക്കുന്നത്.