കുടുംബം വിസിറ്റ് വിസയിൽ എത്തിയിട്ട് ഒരാഴ്ച; മലയാളി യുവാവ് സൗദിയിൽ മരിച്ചു

സൗദി: ഹൃദയാഘാതം മൂലം മലയാളി യുവാവ് സൗദിയിൽ മരിച്ചു. മലപ്പുറം വറ്റല്ലൂർ സ്വദേശി ചക്രതൊടിക സലീം ആണ് മരിച്ചത്. മക്കയിൽ വെച്ചാണ് മരണം സംഭവിച്ചത്. മക്കയിലെ നുസ്ഹയിൽ റസ്റ്ററൻ്റിൽ ജോലിചെയ്തു വരികയായിരുന്നു സലീം. കിങ് അബ്ദുൽ അസീസ് ആശുപത്രിയിൽ‍ ചികിത്സയിൽ കഴിയുന്നതിന് ഇടയിൽ ആയിരുന്നു മരണം സംഭവിച്ചത്.

കുടുംബം സന്ദർശക വിസയിൽ എത്തിയിട്ട് ഒരാഴ്ച ആയിട്ടുണ്ടായിരുന്നുള്ളു. വാപ്പയും ഉമ്മയും ഭാര്യയും മകനും സൗദിയിൽ എത്തിയിരുന്നു. വിസിറ്റ് വിസയിൽ ആയിരുന്നു കുടുംബം എത്തിയിരുന്നത്. നടപടികൾ പൂർത്തിയാക്കി മൃതദേഹം മക്കയിൽ തന്നെ ഖബറടക്കാൻ ആണ് തീരുമാനിച്ചിരിക്കുന്നത്.

Also Read: സന്തോഷം അടക്കാൻ ആവാതെ സൗദി; അര്‍ജന്‍റീനക്കെതിരെ അട്ടിമറി ജയം സമ്മാനിച്ച എല്ലാ ഫുട്ബോള്‍ താരങ്ങള്‍ക്കും സൗദി രാജകുമാരന്‍ നല്‍കുന്നത് കണ്ണഞ്ചിപ്പിക്കുന്ന സമ്മാനം

അതേസമയം, ഹൃദയാഘാതത്തെ തുടര്‍ന്ന് കഴിഞ്ഞ ദിവസം മരണപ്പെട്ട ഉത്തര്‍പ്രദേശ് സ്വദേശിയുടെ മൃതദേഹം ഖബറടക്കി. ഇസ്‌റാര്‍ അഹമ്മദ് എന്ന ആളുടെ മൃതദേഹം ആണ് ഖബറടക്കിയത്. കേളി കലാസാംസ്‌കാരിക വേദിയുടെ ഇടപെടൽ വഴിയാണ് കാര്യങ്ങൾ നടന്നത്. 2 വര്‍ഷമായി അല്‍ഖര്‍ജിലെ ഒരു വര്‍ക്ക്‌ഷോപ്പില്‍ വെല്‍ഡര്‍ ആയി ജോലി ചെയ്യുകയായിരുന്നു. ജോലി സ്ഥലത്ത് വെച്ച് ദേഹാസ്വാസ്ഥ്യ അനുഭവപ്പെട്ടു. ഇവിടെ നിന്നും ആശുപത്രിയിലേക്ക് കൊണ്ട് പോകും വഴി മരണം സംഭവിക്കുകയായിരുന്നു. ഭാര്യ ഷമ്മി നിസ, ഇയാൾക്ക് അഞ്ചുകുട്ടികള്‍ ആണ് ഉള്ളത്. കേളി അല്‍ ഖര്‍ജ് ഏരിയ ജീവകാരുണ്യ വിഭാഗത്തിന്റെ നേതൃത്വത്തിൽ ആണ് മ‍‍ൃതദേഹം ഖബറടക്കാൻ വേണ്ടിയുളള പ്രവർത്തനങ്ങൾ‌ നടന്നത്.

Also Read: കുവൈറ്റില്‍ നിന്ന് ഒരു വര്‍ഷം മുമ്പാണ് സൗദിയിലെത്തിയത്; ദമ്മാമില്‍ ന്യൂമോണിയ ബാധിച്ച് മലയാളി യുവാവ് മരിച്ചു

അതേസമയം, മറ്റൊരു മലയാളി കൂടി സൗദിയിൽ മരിച്ചു. ന്യൂമോണിയ ബാധിച്ച് ആണ് മരിച്ചത്. കോഴിക്കോട് പൂനൂര്‍ ഉണ്ണിക്കുളം കോളിക്കല്‍ തോട്ടത്തില്‍ മുഹമ്മദ് അബ്ദുല്‍ ബാസിത്ത് ആണ് മരിച്ചത്. 26 വയസായിരുന്നു. മുസ്താഫ് സമൂസ കമ്പനിയില്‍ സെയിൽസ്മാനായി ജോലി ചെയ്യുകയായിരുന്നു. ദമമാമില്‍ ജോലിയുടെ ഭാഗമായി എത്തിയിരുന്നത്. മൂന്ന് ദിവസം മുമ്പ് ആണ് ബാസിത്തിനെ നി ബാധിച്ച് ദമ്മാം മെഡിക്കല്‍ കോംപ്ലക്‌സ് തീവ്ര പരിചരണ വിഭാഗത്തില്‍ പ്രവേശിപ്പിക്കുന്നത്. ഇവിടെ നിന്നും ന്യുമോണിയ സ്ഥിരീകരിച്ചു. വിദഗ്ധ ചികിത്സ നടക്കുന്നതിനിടയില്‍ മരിക്കുകയായിരുന്നു.

Read Latest Gulf News and Malayalam News