നാട്ടിൽ പോയിട്ട് ഒമ്പത് വര്‍ഷം; പ്രവാസി മലയാളി ഒടുവില്‍ മരണത്തിന് കീഴടങ്ങി

സൗദി: ഒമ്പത് വർഷമായി നാട്ടിൽ പോകാൻ സാധിക്കാതിരുന്ന പ്രവാസി മലയാളി മരിച്ചു. സൗദി അറേബ്യയിലെ റിയാദിൽ വെച്ചാണ് പാലക്കാട് മുതലമട കമ്പ്രത്തുചല്ല സ്വദേശി പുത്തൻപീടിക അബുബക്കർ മുഹമ്മദ് മരിക്കുന്നത്. 65 വയസായിരുന്നു. ഹൃദയാഘാതത്തെ തുടർന്നാണ് അദ്ദേഹം മരിക്കുന്നത്.

Also Read: ദുകം-റിയാദ് റെയിൽപാത; പദ്ധതിയുടെ സാധ്യതകളെ കുറിച്ച് പഠിച്ചുകൊണ്ടിരിക്കുകയാണെന്ന് അധികൃതർ

2013 സെപ്റ്റംബറിൽ അവധി കഴിഞ്ഞ് നാട്ടിൽ നിന്നും തിരിച്ചെത്തി. എന്നാൽ പിന്നീട് തിരിച്ചു നാട്ടിലേക്ക് പോകാൻ സാധിച്ചില്ല. ചില നിയമപ്രശ്നങ്ങൾ കൊണ്ട് പോകാനാവാതെയാണ് അദ്ദേഹം സൗദിയിൽ കുടുങ്ങിയത്. ഒമ്പത് വർഷമായി അദ്ദേഹം സൗദിയിൽ കഴിയുകയായിരുന്നു.

Also Read: കുരു മുതല്‍ കോപ്പ വരെ; സൗദി കാപ്പിയുടെ വളര്‍ച്ചയ്ക്ക് പുതിയ പദ്ധതികളുമായി അറബിക് കോഫി ഇന്‍സ്റ്റിറ്റ്യൂട്ട്

ജിദ്ദയിൽ ആണ് അബുബക്കർ ജോലി ചെയ്തിരുന്നത്. കഴിഞ്ഞ മാസമാണ് സ്പോൺസറുടെ കൂടെ റിയാദിൽ എത്തിയത്. ഫെബ്രുവരി 27-ന് ദേഹാസ്വാസ്ഥ്യത്തെ തുടർന്ന് ആശുപത്രിയിൽ പ്രവേശിപ്പിച്ചു. റിയാദിലെ കിങ് ഖാലിദ് ആശുപത്രിയിൽ ആണ് പ്രവേശിപ്പിച്ചത്. വെൻറിലേറ്ററിന്റെ സഹായത്തോടെയാണ് ജീവൻ നിലനിർത്തിയിരുന്നത്. റിയാദിലെ സാമുഹിക പ്രവർത്തകരായ നിഹ്മത്തുല്ല, ഹുസൈൻ ഭവാദ്മി, റസാഖ് വയൽക്കര തുടങ്ങിയവർ ആശുപത്രിയിൽ ഇദ്ദേഹത്തിന് വേണ്ട സഹായത്തിനായി ഉണ്ടായിരുന്നു. മൃതദേഹം റിയാദിൽ ഖബടക്കാൻ ആണ് തീരുമാനിച്ചിരിക്കുന്നത്. അതിന് വേണ്ടിയുള്ള നടപടികളുമായി മുന്നോട്ടു പോകുകയാണ് സാമൂഹിക പ്രവർത്തകർ.

Read Latest Gulf News and Malayalam News