ഭർത്താവിനോടൊപ്പം ഉംറക്കെത്തിയ മലയാളി യുവതി മരിച്ചു

മലപ്പുറം: ഉംറക്കായി ഭർത്താവിനൊപ്പം സൗദിയിൽ എത്തിയ യുവതി മരിച്ചു. മലപ്പുറം സ്വദേശിനി പള്ളിക്കൽ ബസാർ പരുത്തിക്കോട് സ്വദേശിനി അമ്പലങ്ങാടൻ നസീറ ആണ് മരിച്ചത്. ഇവർ മദീനയിൽ വെച്ചാണ് മരിച്ചത്. 36 വയസായിരുന്നു. മക്കയിൽ ഉംറ നിർവഹിച്ച ശേഷം മദീനയിലേക്ക് സന്ദർശനത്തിന് പോയതായിരുന്നു. ഇവിടെ വെച്ച് ദേഹാസ്വാസ്ഥ്യം അനുഭവപ്പെട്ടു. കൂടെയുണ്ടായിരുന്ന ഭർത്താവ് മനക്കടവൻ ചോയക്കാട് വീട്ടിൽ അഷ്‌റഫും സുഹൃത്തുക്കളും ചേർന്ന് ആശുപത്രിയിൽ പ്രവേശിപ്പിച്ചു. കിങ് ഫഹദ് ആശുപത്രിയിൽ ആണ് ഇവരെ പ്രവേശിപ്പിച്ചത്.

Also Read: ബിരുദം ലഭിച്ചതിന്റെ ആഘോഷങ്ങള്‍ക്കിടെ വിവാഹ മോചന വിവരം അറിയിച്ചുള്ള സന്ദേശം വാട്സ്ആപ്പിൽ; സൗദി യുവതിയുടെ വീഡിയോ വെെറൽ

ഫഹദ് ആശുപത്രിയിൽ തീവ്രപരിചണ വിഭാഗത്തിൽ കഴിയുന്നതിന് ഇടയിൽ ആണ് മരണം സംഭവിച്ചത്. ദേവതിയാൽ ഹെവൻസ് സ്ക്കൂളിൽ അധ്യാപികയായി ജോലി ചെയ്യുകയായിരുന്നു നസീറ. പൊതുപ്രവർത്തന രംഗത്ത് വളരെ സജീവമായി നിന്നിരുന്ന വ്യക്തിയായിരുന്നു, ടീൻ ഇന്ത്യ പള്ളിക്കൽ ബസാർ ഏരിയ സെക്രട്ടറിയാണ്. പിതാവ്,, യൂസഫ് അമ്പലങ്ങാടൻ, മാതാവ് ആയിഷ കുണ്ടിൽ. മക്കൾ. അമീർ നാജിഹ്, അഹ്വാസ് നജാവാൻ, സഹോദരങ്ങൽ, നൗഷാദ്, സിയാദ്, സഫ്വാന

Also Read: റമദാനിലേക്കുള്ള ഉംറ പെര്‍മിറ്റിന് ബുക്കിംഗ് തുടങ്ങി; നുസുക്ക് ആപ്പ് വഴി ആദ്യ 20 ദിനങ്ങളിലേക്ക് ബുക്ക് ചെയ്യാം

നടപടികൾ പൂർത്തിയാക്കി മൃതദേഹം മദീനയിൽ തന്നെ ഖബറടക്കാൻ ആണ് തീരുമാനിച്ചിരിക്കുന്നത്. ഇതിന് വേണ്ടിയുള്ള പ്രവർത്തനങ്ങൾ സാമൂഹിക പ്രവർത്തകർ ചെയ്യന്നുണ്ട്. തനിമ സാസ്കാരിക വേദി മദീന ഏരിയ പ്രസിഡന്റ് ജാഫർ ഇതിന്റെ പ്രവർത്തനങ്ങൾക്കായി രംഗത്തുണ്ട്.

Read Latest Gulf News and Malayalam News