ആപ്പ്ജില്ല

സൗദിയില്‍ നമസ്‌കാര സമയങ്ങളില്‍ നിര്‍ബന്ധിച്ച് കടകള്‍ അടപ്പിക്കില്ല; ഇനി പുതിയ രീതി

പുതിയ നിയമ നടപടി സംബന്ധിച്ച് മതകാര്യ വകുപ്പ് മേധാവി ശൈഖ് അബ്ദുറഡ്മാന്‍ അസനദാണ് അറിയിച്ചത്.

Samayam Malayalam 3 Jan 2021, 3:35 pm
റിയാദ്: സൗദി അറേബ്യയില്‍ നമസ്‌കാര സമയങ്ങളില്‍ കടകള്‍ അടപ്പിക്കുന്നതിന് പുതിയ രീതി. മുന്‍കാലങ്ങളിലെ പോലെ സൗദിയില്‍ മതകാര്യ വകുപ്പ് ഉദ്യോഗസ്ഥര്‍ നമസ്‌കാര സമയങ്ങളില്‍ നിര്‍ബന്ധിച്ച് കടകള്‍ അടപ്പിക്കില്ല. പകരം പരമാവധി മൂന്ന് പ്രാവശ്യം മുന്നറിയിപ്പ് നല്‍കുകയായിരിക്കും മതകാര്യ പോലീസ് ആദ്യം ചെയ്യുക.
Samayam Malayalam Namaz
ഫയല്‍ ചിത്രം


Also Read: ഒരു നഗരം മുഴുവന്‍ വെള്ളത്തിനടിയില്‍ കഴിഞ്ഞത് 1200 വര്‍ഷങ്ങള്‍; നിഗൂഢത നിറഞ്ഞ ആ കണ്ടെത്തലുകള്‍ക്ക് പിന്നില്‍....

കടയുടമ നിയമം ലംഘിച്ച് അടയ്ക്കാതിരിക്കുകയാണെങ്കില്‍ മതകാര്യ വകുപ്പ് ഉദ്യോഗസ്ഥര്‍ പോലീസിന് റിപ്പോര്‍ട്ട് ചെയ്യും. തുടര്‍ന്ന്, നിയമ ലംഘകനെതിരെ പോലീസ് നടപടി സ്വീകരിക്കും.

പുതിയ നിയമ നടപടി സംബന്ധിച്ച് മതകാര്യ വകുപ്പ് മേധാവി ശൈഖ് അബ്ദുറഡ്മാന്‍ അസനദാണ് അറിയിച്ചത്. അല്‍ അറേബ്യ ചാനലിന് നല്‍കിയ അഭിമുഖത്തിലാണ് ഇക്കാര്യം വ്യക്തമാക്കിയത്.

Also Read: പ്രവാസികളുടെ മെഡിക്കല്‍ ഇന്‍ഷുറന്‍സ്; സൗദിയില്‍ ആശ്രിതരായി പരിഗണിക്കുന്നത് ആരെയെല്ലാം?

മതകാര്യ വകുപ്പ് ടൂറിസം വകുപ്പുമായി യോജിച്ച പ്രവര്‍ത്തന പദ്ധതിയുണ്ട്. വിനോദസഞ്ചാര മന്ത്രാലയത്തിന്റെ സംയുക്ത പ്രവര്‍ത്തന സംവിധാനവുമായി സഹകരിക്കുന്ന ആദ്യ സ്ഥാപനങ്ങളിലൊന്നാണ് മതകാര്യ കമ്മിഷന്‍. വിനോദസഞ്ചാരികളെ സ്വീകരിക്കാന്‍ മതകാര്യ കമ്മീഷന്‍ അംഗങ്ങള്‍ക്ക് പരിശീലനം നല്‍കിയിട്ടുണ്ട്. ടൂറിസം അതോറിറ്റി മതകാര്യ വിഭാഗം അംഗങ്ങള്‍ക്കായി അതിഥികളെ സ്വീകരിക്കുന്നതുമായി ബന്ധപ്പെട്ട് 20 മുതല്‍ 25 വരെ കോഴ്‌സുകള്‍ നല്‍കുകയുണ്ടായി.

ആര്‍ട്ടിക്കിള്‍ ഷോ