Prince Khalid Appointed Defense Minister Takes Over Vital Role
ഖാലിദ് ബിന്‍ സല്‍മാന്‍; എഫ്- 15 പൈലറ്റില്‍ നിന്ന് സൗദി പ്രതിരോധ മന്ത്രി പദത്തിലേക്ക്
2017 മുതല്‍ 2019 വരെയുള്ള കാലയളവില്‍ യുഎസ്സിലെ സൗദി അംബാസഡറായിരുന്നു ഇപ്പോള്‍ പ്രതിരോധ മന്ത്രിയായി തെരഞ്ഞെടുക്കപ്പെട്ട പ്രിന്‍സ് ഖാലിദ് ബിന്‍ സല്‍മാന്‍.
Samayam Malayalam28 Sept 2022, 11:56 am
റിയാദ്: പുതിയ മന്ത്രിസഭാ പുനസ്സംഘടനയില്‍ സൗദി പ്രതിരോധ മന്ത്രിയായി നിയമിക്കപ്പെട്ട ഖാലിദ് ബിന്‍ സല്‍മാന്‍ രാജകുമാരന്‍ യുദ്ധതന്ത്രത്തിലും യുദ്ധ വിമാനങ്ങള്‍ പറത്തുന്നതിലും അതിവിദഗ്ധന്‍. സിറിയയില്‍ ഐസിസിനെതിരായ അന്താരാഷ്ട്ര സഖ്യത്തിന്റെ ഭാഗമായി സൗദി സേന പ്രവര്‍ത്തിച്ചിരുന്ന വേളയില്‍ സിറിയയിലേക്ക് 50ലേറെ തവണ യുദ്ധ വിമാനം പറത്തിയ പൈലറ്റ് കൂടിയാണ് സല്‍മാന്‍ രാജാവിന്റെ മക്കളിലൊരാളായ ഖാലിദ് ബിന്‍ സല്‍മാന്‍ രാജകുമാരന്‍.
2017 മുതല്‍ 2019 വരെയുള്ള കാലയളവില്‍ യുഎസ്സിലെ സൗദി അംബാസഡറായിരുന്നു ഇപ്പോള്‍ പ്രതിരോധ മന്ത്രിയായി തെരഞ്ഞെടുക്കപ്പെട്ട പ്രിന്‍സ് ഖാലിദ് ബിന്‍ സല്‍മാന്‍. സൗദി- അമേരിക്ക ബന്ധം ശക്തമാക്കുന്നതില്‍ നിര്‍ണായക പങ്ക് വഹിച്ച അദ്ദേഹം, ഇരുരാജ്യങ്ങള്‍ക്കുമിടയിലെ പ്രതിരോധ സഹകരണം മെച്ചപ്പെടുത്തുന്നതില്‍ നേതൃത്വപരമായ പങ്ക് വഹിക്കുകയും ചെയ്തിരുന്നു. അതിനു മുമ്പ് അമേരിക്കയിലെ സൗദി എംബസിയിലും റിയാദിലെ പ്രതിരോധ മന്ത്രാലയത്തിലും ഉപദേശകനായും അദ്ദേഹം പ്രവര്‍ത്തിച്ചിരുന്നു.
ടെക്‌സാസിലെ റാന്‍ഡോള്‍ഫ് എയര്‍ ഫോഴ്‌സ് ബെയ്‌സ്, മിസിസിപ്പിയിലെ കൊളമ്പസ് എയര്‍ ഫോഴ്‌സ് ബെയ്‌സ് എന്നിവിടങ്ങളില്‍ നിന്നും പൈലറ്റ് പരിശീലനവും അദ്ദേഹം സ്വായത്തമാക്കിയിരുന്നു. ഫ്രാന്‍സില്‍ നിന്നും അദ്ദേഹം വിദഗ്ധ സൈനിക പരിശീലനം നേടുകയുണ്ടായി. നിലവില്‍ ഡെപ്യൂട്ടി പ്രതിരോധ മന്ത്രിയായി സേവനം അനുഷ്ഠിച്ചു വരികയായിരുന്നു ഖാലിദ് ബിന്‍ സല്‍മാന്‍ രാജകുമാരന്‍.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
