സ്വ​കാ​ര്യ ആ​ശു​പ​ത്രി​ക​ളു​മാ​യി യോ​ജി​ച്ച്​ പ്ര​വ​ർ​ത്തി​ക്കാ​ൻ സൗദി ആ​രോ​ഗ്യ​മ​ന്ത്രാ​ല​യം നൂ​റി​ല​ധി​കം കരാറുകൾ ഒപ്പിട്ടു

സൗദി: സ്വകാര്യ ആശുപത്രികളുമായി യോജിച്ച് പ്രവർത്തിക്കാൻ സൗദി ആരോഗ്യ മന്ത്രാലയം തീരുമാനിച്ചു. ആതുരശുശ്രൂഷാരംഗത്ത് യോജിച്ച് പ്രവർത്തിക്കാൻ ആരോഗ്യമന്ത്രാലയം നൂറിലധികം ആശുപത്രികളുമായി കരാറിൽ ഒപ്പിട്ടു. സർക്കാറും സ്വകാര്യമേഖലയും തമ്മിൽ യോജിച്ച് പ്രവർത്തിക്കാൻ ആണ് ഇപ്പോൾ തീരുമാനിച്ചിരിക്കുന്നത്. ഇതുമായി ബന്ധപ്പെട്ട് നിരവധി കരാറുകളിൽ ആണ് ഒപ്പുവെച്ചിരിക്കുന്നത്. രാജ്യത്തിന്റെ സ്വകാര്യ മേഖലയും സർക്കാർ മേഖലയും തമ്മിൽ തന്ത്രപരമായ പങ്കാളിത്തം ഉണ്ടാക്കിയെടുക്കാൻ വേണ്ടിയാണ് ഇത്തരത്തിലൊരു പദ്ധതിയുമായി സർക്കാർ രംഗത്തെത്തിയിരിക്കുന്നത്.

Also Read: പരിസ്ഥിതി നിയമം ലംഘനം; സൗദിയിൽ 30 പേർകൂടി പിടിയിൽ


പൊതു-സ്വകാര്യമേഖലകളുടെ സംയുക്ത പദ്ധതിയിലേക്കുള്ള ചുവടുവെപ്പിന്റെ ഭാഗമായാണ് ഇത്തരത്തിലൊരു കാരാറിൽ ഒപ്പുവെക്കാൻ സൗദി തീരുമാനിച്ചത്. രാജ്യത്തെ ആതുരസേവനം മികവുറ്റതാക്കാൻ സൗദി ലക്ഷ്യം വെക്കുന്നുണ്ട്. സ്വകാര്യ മേഖലയും സർക്കാറും ചേർന്ന് പ്രവർത്തിക്കുമ്പോൾ വലിയ മുന്നേറ്റം ആരോഗ്യ മേഖലയിൽ കെെവരിക്കാൻ സാധിക്കും

രാജ്യത്തെ പൗരൻമാർക്ക് മാത്രമല്ല വിദേശികൾക്കും ആരോഗ്യപരിരക്ഷ മെച്ചപ്പെടുത്തുന്നതിന് ഇത്തരത്തിലുള്ള പദ്ധതികൾ സഹായിക്കും. 'വിഷൻ 2030' ലക്ഷ്യം കൈവരിക്കുന്നതിന് ആരോഗ്യ മേഖലയിലെ ഏറ്റവും പ്രധാനപ്പെട്ട പദ്ധതികളിലൊന്നാണ് 'ഹെൽത്ത് പെർഫോമൻസ്'. ഇതുകൂടാതെ നിരവധി പദ്ധതികൾ ആണ് സൗദിയിലെ ആരോഗ്യമേഖലയിൽ നടപ്പിലാക്കാൻ തീരുമാനിച്ചിരിക്കുന്നത്.

Also Read: ചൊവ്വയും ശുക്രനും ചന്ദ്രനും ഒന്നിച്ചെത്തുന്നു; ആകാശക്കാഴ്ച ഇന്ന് അറബ് ലോകത്തും ദൃശ്യമാകുമെന്ന് ബഹിരാകാശ നിരീക്ഷകർ

അതേസമയം, റിയാദ് സീസൺ ഫെസ്റ്റ് വെൽ സന്ദർശിച്ചവരുടെ എണ്ണം 1.2 കോടി കഴിഞ്ഞു. പൊതുവിനോദ അതോറിറ്റി മേധാവി തുർക്കി ആലുശൈഖ് ആണ് ഇക്കാര്യം പുറത്തുവിട്ടത്. അദ്ദേഹം ട്വിറ്ററിലൂടെയാണ് ഇക്കാര്യം അറിയിച്ചത്. കഴിഞ്ഞ ഒക്ടോബറിലാണ് റിയാദ് സീസൺ ഫെസ്റ്റവെൽ പരിപാടികൾ ആരംഭിച്ചത്. ദേശീയ അന്തർദേശീയ കലാകാരന്മാരെയും പ്രതിഭകളെ അണിനിർത്തിയാണ് റിയാദിൽ പരിപാടികൾ നടന്നത്.