റിയാദ്: സൗദി അറേബ്യയിലെ റിയാദില് തീപിടിച്ചുണ്ടായ ദുരന്തത്തിന്റെ ഞെട്ടലില് നിന്ന് മുക്തരായിട്ടില്ല പ്രവാസി സമൂഹം. പെട്രോള് പമ്പിന് സമീപത്തെ താമസ സ്ഥലത്തുണ്ടായ തീപിടുത്തത്തില് 2 മലയാളികള് ഉള്പ്പെടെ 6 പേര്ക്കാണ് ജീവന് നഷ്ടമായത്. മലപ്പുറം വളാഞ്ചേരി പെങ്കണ്ണൂര് തറക്കല് യൂസഫിന്റെ മകന് ഹക്കീം, മേല്മുറി നൂറങ്ങല് കാവുങ്ങത്തൊടി വീട്ടില് ഇര്ഫാന് ഹബീബ് എന്നിവരാണ് അപകടത്തില് മരിച്ച മലയാളികള്. ഉറ്റ സുഹൃത്തുക്കളും സഹപ്രവര്ത്തകരുമായിരുന്നു മരിച്ച ഹക്കീമും ഇര്ഫാനും. ഇവരെ കൂടാതെ രണ്ട് തമിഴ്നാട് സ്വദേശികളും ഒരു ഗുജറാത്ത് സ്വദേശിയും ഒരു മഹാരാഷ്ട്ര സ്വദേശിയുമാണ് മരിച്ചത്.
കോട്ടക്കല് എഞ്ചിനീയറിംഗ് കോളേജില് നിന്നും ബി.ടെക് പഠനം പൂര്ത്തിയാക്കിയവരാണ് ഹക്കീമും ഇര്ഫാനും. നാട്ടിലും ഇരുവരും ഒരുമിച്ചായിരുന്നു ജോലി നോക്കിയിരുന്നത്. ഗള്ഫില് മികച്ച അവസരം ലഭിച്ചതോടെ ഇരുവരും സൗദിയിലേക്ക് പോവുകയായിരുന്നു.
Read Latest Gulf Newsand Malayalam News