വൈറസ് സാന്നിധ്യം; ഇന്ത്യയില്‍ നിന്നുള്ള ചെമ്മീന്‍ ഇറക്കുമതിക്ക് നിരേധനം ഏര്‍പ്പെടുത്തി സൗദി

റിയാദ്: ഇന്ത്യയില്‍ നിന്നുള്ള ചെമ്മീന്‍ ഇറക്കുമതിക്ക് സൗദി ഫുഡ് ആന്‍ഡ് ഡ്രഗ് അതോറിറ്റി (എസ്എഫ്ഡിഎ) താല്‍ക്കാലിക വിലക്ക് ഏര്‍പ്പെടുത്തി. ഇന്ത്യയില്‍ നിന്ന് ഇറക്കുമതി ചെയ്യുന്ന ശീതീകരിച്ച ചെമ്മീന്‍ ഉല്‍പന്നങ്ങളില്‍ വൈറ്റ് സ്‌പോട്ട് സിന്‍ഡ്രോം വൈറസിന്റെ സാന്നിധ്യം കണ്ടെത്തിയതിനെ തുടര്‍ന്നാണ് സസ്‌പെന്‍ഷന്‍.

Also Read: നാട്ടിലെത്തിക്കാന്‍ പണം ചെലവഴിക്കാന്‍ ബുദ്ധിമുട്ടാണ്, മൃതദേഹം അവിടെ തന്നെ സംസ്‍കരിക്കൂ; ഉള്ളുപൊള്ളുന്ന അനുഭവം പങ്കുവെച്ച് അഷ്റഫ് താമരശേരി. ഒരു മലയാളി യുവാവിന്റെ കുടുംബാംഗങ്ങളുമായി സംസാരിച്ചപ്പോള്‍ അവരില്‍ നിന്ന് പ്രതികരണമാണ് അദ്ദേഹം ഫേസ്‍ബുക്ക് പോസ്റ്റില്‍ കുറിച്ചത്.

അതിര്‍ത്തി കടന്ന് ഇറക്കുമതി ചെയ്യുന്ന ചെമ്മീന്‍ ഉള്‍പ്പെടെയുള്ള സമുദ്രോത്പന്നങ്ങളുടെ സാമ്പിളുകള്‍ ശേഖരിക്കാന്‍ പരിസ്ഥിതി, ജല, കൃഷി മന്ത്രാലയം നിര്‍ദേശിച്ചതായി അതോറിറ്റി പ്രസ്താവനയില്‍ പറഞ്ഞു. സാമ്പിളുകളുടെ പരിശോധനയില്‍ ഇന്ത്യയില്‍ നിന്ന് ഇറക്കുമതി ചെയ്ത ശീതീകരിച്ച ചെമ്മീന്‍ ഉല്‍പന്നങ്ങളില്‍ വൈറസ് അടങ്ങിയതായി കണ്ടെത്തിയതിനെ തുടര്‍ന്നാണ് താല്‍ക്കാലിക നിരോധനം ഏര്‍പ്പെടുത്താന്‍ അതോറിറ്റി തീരുമാനിച്ചത്.


Also Read: ഷാര്‍ജയില്‍ ഭാര്യയെയും രണ്ട് മക്കളെയും കൊലപ്പെടുത്തിയ ശേഷം പ്രവാസി കെട്ടിടത്തില്‍ നിന്ന് ചാടി മരിച്ചു

സൗദി അറേബ്യയിലെ മല്‍സ്യ മേഖലയിലേക്ക് വൈറസ് പകരുന്നത് തടയുക എന്ന ലക്ഷ്യത്തോടെയാണ് നടപടി. രാജ്യത്തേക്ക് കയറ്റുമതി ചെയ്യുന്ന ഉല്‍പ്പന്നങ്ങളുടെ സുരക്ഷ ഉറപ്പാക്കുന്ന കാര്യത്തില്‍ ഇന്ത്യ മതിയായ ഉറപ്പ് നല്‍കുന്നതുവരെ നിരോധനം തുടരുമെന്ന് എസ്എഫ്ഡിഎ അറിയിച്ചു. ചെമ്മീനിന്റെ വൈറല്‍ അണുബാധയാണ് വൈറ്റ് സ്‌പോട്ട് സിന്‍ഡ്രോം എന്നത് ശ്രദ്ധേയമാണ്. ഈ രോഗം വളരെ മാരകവും പെട്ടെന്ന് പകരുന്നതുമാണ്. ഇവ ചെമ്മീനുകളെ വേഗത്തില്‍ കൊന്നു തീര്‍ക്കുമെന്ന സവിശേഷതയുണ്ട്. അതേസമയം, ഇത് മനുഷ്യന്റെ ആരോഗ്യത്തിനോ ഭക്ഷ്യസുരക്ഷയ്ക്കോ ഭീഷണിയല്ലെന്നും അധികൃതര്‍ അറിയിച്ചു.

Read Latest Gulf News and Malayalam News