ആദ്യ ഡോസ് കൊവിഡ് വാക്‌സിന്‍ സ്വീകരിച്ച് സല്‍മാന്‍ രാജാവ്

റിയാദ്: സൗദി രാജാവ് സല്‍മാന്‍ ബിന്‍ അബ്ദുല്‍ അസീസ് കൊവിഡ് വാക്‌സിന്റെ ആദ്യ ഡോസ് സ്വീകരിച്ചു. സല്‍മാന്‍ രാജാവിന് കൊവിഡ് വാക്‌സിന്‍ കുത്തിവെയ്‌പ്പെടുക്കുന്ന ദൃശ്യം സൗദി വാര്‍ത്താ ഏജന്‍സിയാണ് പുറത്തുവിട്ടത്.

Also Read: ശ്രദ്ധിക്കുക ! ഖത്തറിലേക്ക് സൗദിയില്‍ നിന്നെത്തുന്നവര്‍ക്ക് ക്വാറന്റൈനില്‍ മാറ്റം, നിബന്ധനകള്‍ ഇങ്ങനെ

ഡിസംബര്‍ 17 നാണ് സൗദി അറേബ്യ കൊവിഡ് വാക്‌സിന്‍ വിതരണം ആരംഭിച്ചത്. ഫൈസര്‍ വാക്‌സിനാണ് നിലവില്‍ സൗദിയില്‍ വിതരണം ചെയ്യുന്നത്.

രാജ്യത്ത് മൂന്ന് ഘട്ടങ്ങളിലായാണ് വാക്‌സിന്‍ കാമ്പെയിന്‍ നടക്കുന്നത്. 65 വയസ്സിന് മുകളിലുള്ളവര്‍ക്കും ആരോഗ്യപരമായ അപകടസാധ്യത ഉള്ളവര്‍ക്കുമാണ് ആദ്യ ഘട്ടത്തില്‍ വാക്‌സിന്‍ വിതരണം ചെയ്യുന്നത്.


രണ്ടാം ഘട്ടത്തില്‍ 50 വയസ്സിന് മുകളിലുള്ളവര്‍ക്കാണ് വാക്‌സിന്‍ നല്‍കുന്നത്. ബാക്കിയുള്ളവരെയെല്ലാം മൂന്നാംഘട്ടത്തിലാണ് ഉള്‍പ്പെടുത്തിയിരിക്കുന്നത്. പൗരന്മാര്‍ക്കും സൗദിയിലെ താമസക്കാര്‍ക്കും സൗജന്യമായിട്ടാണ് വാക്‌സിന്‍ വിതരണം ചെയ്യുന്ന

Also Read: ഒടുവിൽ ബഹ്റൈനും സമ്മതിച്ചു; ഖത്തറുമായുള്ള ബന്ധം പുനഃസ്ഥാപിക്കും

സൗദിയില്‍ ഇതുവരെ 363,000 കൊവിഡ് കേസുകളാണ് റിപ്പോര്‍ട്ട് ചെയ്തിട്ടുള്ളത്. 6,000 പേര്‍ക്ക് കൊവിഡ് മൂലം ജീവന്‍ നഷ്ടപ്പെട്ടിട്ടുണ്ട്. ഗള്‍ഫ് രാജ്യങ്ങളിലെ ഏറ്റവും ഉയര്‍ന്ന കേസുകള്‍ സൗദിയിലാണ് ഉള്ളത്. അതേസമയം, രാജ്യത്ത് ഉയര്‍ന്ന രോഗമുക്തി നിരക്കാണ് റിപ്പോര്‍ട്ട് ചെയ്തിട്ടുള്ളത്.