സൗദിയില്‍ വാണിജ്യ ഉത്പന്നങ്ങളില്‍ രാജ്യത്തിന്‍റെ പതാക ഉപയോഗിക്കുന്നതില്‍ നിരോധനം

ജിദ്ദ: സൗദിയില്‍ വാണിജ്യ ഉത്പന്നങ്ങളില്‍ രാജ്യത്തിന്റെ പതാക ഉപയോഗിക്കുന്നതില്‍ നിരോധനം. ദേശീയ ദിനം ഉള്‍പ്പെടെ എല്ലാ സമയത്തും ഈ നിരോധനം ഉണ്ടാകും. പ്രസിദ്ധീകരണങ്ങള്‍, ചരക്കുകള്‍, ഉത്പന്നങ്ങള്‍, ബ്രോഷറുകള്‍, പ്രത്യേക സമ്മാനങ്ങള്‍ എന്നിവ ഉള്‍പ്പെടെയുള്ള വാണിജ്യ പ്രചാരണത്തിനായി സൗദി അറേബ്യന്‍ പതാക ഉപയോഗിക്കുന്നതാണ് വാണിജ്യ മന്ത്രാലയം വിലക്കിയത്

Also Read: യുഎഇയില്‍ ഇനി ആരും 'പട്ടിണി കിടക്കില്ല'; എടിഎം മാതൃകയില്‍ സ്മാര്‍ട്ട് റൊട്ടി മെഷീനുകള്‍

നേതൃത്വത്തിന്റെയും ഉദ്യോഗസ്ഥരുടെയും ചിത്രങ്ങളും വാണിജ്യ ഇടപാടുകളില്‍ അവരുടെ പേരുകളും പ്രചാരത്തിനായി ഉപയോഗിക്കാന്‍ അനുമതിയില്ല. സൗദിയിലെ ദേശീയ പതാകയില്‍ ദൈവത്തിന്റെ നാമവും രണ്ടു വാളുകളും ഈന്തപ്പനയുടെയും ഔദ്യോഗിക ചിഹ്നങ്ങളാണ് ഉള്ളത്.

Also Read: ഹൃദ്യമായി വലവേല്‍പ്; ചീറ്റകളെ വനത്തിലേക്ക് തുറന്നുവിട്ട് മോദി

പുതിയ നിബന്ധന ലംഘിക്കുന്നവര്‍ക്കെതിരെ നിയമനടപടി സ്വീകരിക്കും. ഇത്തരം ലംഘനങ്ങള്‍ നിയന്ത്രിക്കുന്നതിനായി രാജ്യത്തിന്റെ എല്ലാ പ്രദേശങ്ങളിലെയും സ്ഥാപനങ്ങളിലും പരിശോധന ശക്തമാക്കിയതായി മന്ത്രാലയം പറഞ്ഞു. വാണിജ്യ ഇടപാടികളില്‍ രാജ്യത്തിന്റെ ചിഹ്നമായ രണ്ടു വാളുകളും ഈന്തപ്പനയും ഉപയോഗിക്കുന്നത് നിരോധിച്ച് നാല് വര്‍ഷം മുമ്പ് വ്യാപാര സ്ഥാപനങ്ങള്‍ക്ക് സര്‍ക്കുലര്‍ നല്‍കിയിരുന്നു.

Read Latest Gulf Newsand Malayalam News