റിയാദിൽ വാഹനാപകടം: ഒരു കുടുംബത്തിലെ ഏഴുപേർ മരിച്ചു

സൗദി: സൗദിയിലെ റിയാദിൽ ഉണ്ടായ വാഹനാപകടത്തിൽ ഒരു കുടംബത്തിലെ ഏർപേർ മരിച്ചു. അല്‍മഹ്ദിയ ഡിസ്ട്രിക്ടിലാണ് വാഹനാപകടം നടന്നത്. ബന്ധുക്കളെ സന്ദര്‍ശിക്കാന്‍ പോകുന്നതിനിടെയാണ് അപകടം സംഭവിച്ചത്. കാറിൽ സഞ്ചരിച്ചിരുന്ന ഒരു കുടുംബത്തിലെ ഏർ പേർ ആണ് മരിച്ചത്.

Also Read: ഉറങ്ങുകയായിരുന്ന സുഹൃത്തിനെ കുത്തിക്കൊല്ലാന്‍ ശ്രമിച്ചു; പ്രവാസിക്ക് മൂന്ന് വര്‍ഷം ശിക്ഷ

സൗദി സ്വദേശികൾ ആണ് മരിച്ചവർ. സൗദി സുരക്ഷാ സേനയിലെ ഉദ്യോഗസ്ഥനായ മുഹമ്മദ് അൽ സുബൈഇ ആണ് മരിച്ച സൗദി പൗരൻ. ഇദ്ദേഹത്തിന്റെ ഭാര്യ, മക്കളായ മിശാഅല്‍, മുനീറ, മുന, അബ്ദുല്‍ ഇലാഹ്, അബ്ദുല്ല എന്നിവർ ആണ് മരിച്ച മറ്റുള്ളവർ. ഇവർ സഞ്ചരിച്ചിരുന്ന കാർ അപകടത്തിൽപെടുകയായിരുന്നു. റിയാദ് അല്‍നസീം ഖബര്‍സ്ഥാനില്‍ മൃതദേഹങ്ങൾ സംസ്കരിച്ചു.

Also Read: അടുത്ത വർഷം മാർച്ചിൽ സന്ദർശിക്കേണ്ട യാത്രാപട്ടിക; ഇടം പിടിച്ച് ഒമാൻ

അതേസമയം, ലോകകപ്പ് ഫുട്ബാൾ ആവേശത്തിൽ ആണ് സൗദിയും. സൗദിയിലുള്ള കളിപ്രേമികൾക്ക് മത്സരം കാണാൻ വേണ്ടി വലിയ സൗകര്യങ്ങൾ ആണ് ഒരുക്കിയിരിക്കുന്നത്. ജിദ്ദ മുനിസിപ്പാലിറ്റി തത്സമയ സംപ്രേഷണത്തിന് വലിയ സ്ക്രീനുകൾ ഒരുക്കിയിട്ടുണ്ട്. കൂടാതെ നഗരത്തിലെ പല സ്ഥലങ്ങളിലും വലിയ സ്ക്രീനുകൾ ഒരുക്കിയിട്ടുണ്ട്. വൈദ്യുത വിളക്കുകൾ അലങ്കരിച്ചു. കൂടാതെ പ്രോത്സാഹജനകമായ സന്ദേശങ്ങൾ നഗരത്തിലെ പല സ്ഥലങ്ങളിലും സ്ഥാപിക്കാൻ ആണ് തീരുമാനിച്ചിരിക്കുന്നത്.

Read Latest Gulf News and Malayalam News