മാസ്‌ക് ഒഴിവാക്കുന്നത് വിശദമായ വിലയിരുത്തലുകള്‍ക്ക് ശേഷം മാത്രം: സൗദി

സൗദി: സൗദിയിൽ കെവിഡ് കേസുകൾ കുറഞ്ഞു വരുന്നു. എന്നാൽ നിയന്ത്രണങ്ങൾ പൂർണ്ണമായും എടുത്തുമാറ്റുന്നതിനെ കുറിച്ച് സൗദി ഇതുവരെ അറിയിപ്പ് ഒന്നും പുറത്തുവിട്ടിട്ടില്ല. മാസ്‌ക് ഒഴിവാക്കുന്നത് വിശദമായ വിലയിരുത്തലുകള്‍ക്ക് ശേഷം ആയിരിക്കും എന്നാണ് സൗദി അധികൃതർ അറിയിച്ചിരിക്കുന്നത്. ആരോഗ്യ മന്ത്രാലയം ആണ് ഇക്കാര്യങ്ങൾ അറിയിച്ചത്.

Also Read: പ്രായഭേദമന്യേ എല്ലാവര്‍ക്കും ഉംറ തീര്‍ഥാടനം നിര്‍വഹിക്കാം: സൗദി ഹജ്ജ് ഉംറ മന്ത്രാലയം

രാജ്യത്തെ കൊവിഡ് കേസുകളെ പറ്റി സംസാരിക്കാൻ വിളിച്ച വാർത്ത സമ്മേളനത്തിൽ ആണ് ആരോഗ്യമന്ത്രാലയം ഇക്കാര്യങ്ങൾ വ്യക്തമാക്കിയത്. കൊവിഡിനെ പിടിച്ചുകെട്ടാനുള്ള പ്രതിരോധ പ്രവർത്തനങ്ങളിലൂടെയാണ് രാജ്യം കടന്നു പോകുന്നത്. ഇത് അന്ത്യമഘട്ടത്തിലാണ്. പുതിയ പദ്ധതികൾ വിലയിരുത്തിയതിന് ശേഷം മാത്രമേ മറ്റു നടപടികളിലേക്ക് പോകുകയുള്ളു എന്ന് ആരോഗ്യമന്ത്രാലയം വക്താവ് ഡോ. മുഹമ്മദ് അല്‍അബ്ദുല്‍ ആലി പറ‍ഞ്ഞു.

Also Read: പ്രണവിനോടുള്ള പ്രണയം അവിടെ നിക്കട്ടെ; "വെറ്റിലേം, പാമ്പും" ചവച്ചിട്ട് എന്തായി!! ട്രോളുകൾ

രാജ്യത്തെ കൊവി‍ഡ് കേസുകളിൽ 90% ത്തിലധികം കുറവുണ്ടായിട്ടുണ്ട്. ഇപ്പോൾ സൗദിയിൽ റിപ്പോർട്ട് ചെയ്യുന്ന കൊവി‍ഡ് കേസുകളുടെ എണ്ണത്തിൽ വലിയ കുറവുണ്ടെന്നും അടുത്ത ദിവസങ്ങളിൽ ഇതിനെ കുറിച്ച് വലിയ പഠനങ്ങൾ നടത്തിയ ശേഷം മാത്രമേ മറ്റു തീരുമാനങ്ങൾ സ്വീകരിക്കുകയുള്ളു എന്ന് അദ്ദേഹം വിശദീകരിച്ചു.

അതേസമയം, വലിയ മാറ്റങ്ങൾ ആണ് യുഎഇയിൽ വരുന്നത്. കൊവിഡ് നിയന്ത്രണങ്ങളിൽ വലിയൊരു ഇളവ് ആണ് നൽകിയിരിക്കുന്നത്. രണ്ടുവർഷമായി ഒപ്പമുണ്ടായിരുന്ന മാസ്ക് ഒഴിവാക്കി. ഇനി പൊതുസ്ഥലങ്ങളിൽ എത്തുന്നവർക്ക് മാസ്ക് നിർബന്ധമില്ല. താൽപര്യമുള്ളവർക്ക് ധരിക്കാം. എന്നാൽ അടച്ചിട്ട സ്ഥലങ്ങളിൽ പരിപാടികൾ നടത്തുമ്പോൾ മാസ്ക് ധരിക്കുന്നത് നിർബന്ധമാണ്. നിയമം ഇന്നലെ മുതൽ പ്രാബല്യത്തിൽ വന്നു.