റിയാദ്: സൗദി അറേബ്യയുടെ വിവിധ ഭാഗങ്ങളില്‍ ഇടിമിന്നലോടെയുള്ള കനത്ത മഴയും ശക്തമായ കാറ്റും രേഖപ്പെടുത്തി. മഴയത്തുടര്‍ന്നുണ്ടായ പ്രളയത്തിലും വെള്ളപ്പൊക്കത്തിലും വലിയ നാശനഷ്ടങ്ങളുണ്ടായതായി റിപ്പോര്‍ട്ടുണ്ട്. മദീനയിലാണ് ഏറ്റവും ശക്തമായ മഴയുണ്ടായതെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. മദീന മേഖലയിലെ അല്‍ ഈസ് ഗവര്‍ണറേറ്റില്‍ കനത്ത മഴ പെയ്തതോടെ താഴ്വരകളും വാദികളും കവിഞ്ഞൊഴുകി ശക്തമായ ജലപ്രവാഹം രൂപപ്പെട്ടു.മദീനയില്‍ റെഡ് അലര്‍ട്ട് പ്രഖ്യാപിച്ചു
മഴയും കാറ്റും തുടര്‍ന്നുണ്ടായ പ്രളയവും പരിഗണിച്ച് സൗദി നാഷനല്‍ സെന്റര്‍ ഓഫ് മെറ്റീരിയോളജി മദീനയില്‍ മുന്നറിയിപ്പ് ലെവല്‍ റെഡ് ആയി ഉയര്‍ത്തി. ദുരന്തം ലഘൂകരിക്കുന്നതിനായി സിവില്‍ ഡിഫന്‍സ് ഉള്‍പ്പെടെയുള്ള സുരക്ഷാ സംവിധാനങ്ങള്‍ രംഗത്തെത്തി. കനത്ത മഴയുടെ പശ്ചാത്തലത്തില്‍ പൊതുജനങ്ങള്‍ ജാഗ്രത പാലിക്കണമെന്ന് മദീന മേഖലയിലെ സൗദി സിവില്‍ ഡിഫന്‍സ് ഡയറക്ടറേറ്റ് മുന്നറിയിപ്പ് നല്‍കി. താഴ്വരകളും നീരൊഴുക്കുകളും ഒഴിവാക്കാനും കാര്‍ഷിക മേഖലയിലെ റോഡുകളിലൂടെ സഞ്ചരിക്കുമ്പോള്‍ ജാഗ്രത പാലിക്കാനും നിവാസികള്‍ക്ക് നിര്‍ദ്ദേശം നല്‍കിയിട്ടുണ്ട്. വരും ദിവസങ്ങളിലും ഇടിമിന്നലോടും കൂടിയ കാറ്റിനോടും കൂടിയ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നല്‍കി. തുടര്‍ന്നുള്ള ദിവസങ്ങളില്‍ രാജ്യത്തിന്റെ വിവിധ പ്രദേശങ്ങളിലേക്കും ഇത് വ്യാപിക്കുമെന്നും അധികൃതര്‍ അറിയിച്ചു.
ക്ലാസ്സുകള്‍ ഓണ്‍ലൈനിലേക്ക് മാറ്റി
ശക്തമായ മഴയെ തുടര്‍ന്ന് റിയാദ് മേഖലയിലെ സ്‌കൂളുകളില്‍ നേരിട്ടുള്ള ക്ലാസുകള്‍ താല്‍ക്കാലികമായി നിര്‍ത്തിവച്ചതായി റിയാദ് മേഖല വിദ്യാഭ്യാസ വകുപ്പ് അറിയിച്ചു. എല്ലാ ആണ്‍കുട്ടികള്‍ക്കും പെണ്‍കുട്ടികള്‍ക്കുമായി അംഗീകൃത പ്ലാറ്റ്ഫോമുകള്‍ക്ക് പുറമേ, മദ്രസത്തീ, റൗധതി പ്ലാറ്റ്ഫോമുകള്‍ വഴി ഓണ്‍ലൈനായി ക്ലാസുകള്‍ നടക്കും. മഴക്കെടുതിയെ കുറിച്ച് നാഷണല്‍ സെന്റര്‍ ഓഫ് മെറ്റീരിയോളജിയില്‍ നിന്ന് ലഭിച്ച റിപ്പോര്‍ട്ടുകളുടെ അടിസ്ഥാനത്തിലാണ് എല്ലാവരുടെയും സുരക്ഷ ഉറപ്പാക്കുകയെന്ന ലക്ഷ്യത്തോടെ പഠനം ഓണ്‍ലൈനിലേക്ക് മാറ്റിയതെന്ന് വിദ്യാഭ്യാസ വകുപ്പ് അറിയിച്ചു. മേഖലയിലെ വിദ്യാഭ്യാസ വകുപ്പിന് കീഴിലുള്ള സ്‌കൂളുകളിലെ അധ്യാപകര്‍ക്കും അഡ്മിനിസ്ട്രേറ്റീവ് ജീവനക്കാര്‍ക്കും ഈ തീരുമാനം ബാധകമാകുമെന്ന് വകുപ്പ് എക്സ് സോഷ്യല്‍ മീഡിയ പ്ലാറ്റ്ഫോമില്‍ പ്രസിദ്ധീകരിച്ച പ്രസ്താവനയില്‍ വ്യക്തമാക്കി. ജിദ്ദയിലെ കിംഗ് അബ്ദുല്‍ അസീസ് യൂണിവേഴ്സിറ്റി, ജിദ്ദ യൂണിവേഴ്സിറ്റി, തായിഫ് യൂണിവേഴ്സിറ്റി, മക്കയിലെ ഉമ്മുല്‍ ഖുറ യൂണിവേഴ്സിറ്റി എന്നിവ ഷെഡ്യൂള്‍ ചെയ്ത പരീക്ഷകള്‍ ഇനിയൊരു അറിയിപ്പ് ഉണ്ടാകുന്നതുവരെ മാറ്റിവെച്ചു. മദീനയിലെ തൈബ സര്‍വകലാശാലയും ജിദ്ദയിലെ സൗദി ഇലക്ട്രോണിക് യൂണിവേഴ്സിറ്റിയുടെ ശാഖയും വിദൂര പഠനത്തിലേക്ക് മാറി.
Also Read:
UAE Weather : യുഎഇയില്‍ വീണ്ടും മഴ മുന്നറിയിപ്പ്; ജാഗ്രതാ നിര്‍ദ്ദേശം; ദുബായ് വിദ്യാലയങ്ങള്‍ ഓണ്‍ലൈനിലേക്ക് മാറി
വെള്ളിയാഴ്ച വരെ പ്രതികൂല കാലാവസ്ഥ തുടരും
അതിനിടെ, സൗദി അറേബ്യയുടെ ഭൂരിഭാഗം പ്രദേശങ്ങളിലും വെള്ളിയാഴ്ച വരെ കടുത്ത കാലാവസ്ഥ അനുഭവപ്പെടുമെന്ന് സൗദി അധികൃതര്‍ നിവാസികള്‍ക്ക് മുന്നറിയിപ്പ് നല്‍കി. മദീന, മക്ക, ജിദ്ദ, ബഹ, നജ്റാന്‍ മേഖലകളില്‍ ശക്തമായ കാറ്റിനും ആലിപ്പഴ വര്‍ഷത്തിനും ഇടിമിന്നലിനും ഇടയില്‍ മിതമായതോ കനത്തതോ ആയ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം പ്രവചിച്ചു. ഇതേത്തുടര്‍ന്ന് സൗദി അറേബ്യയുടെ ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് സുരക്ഷാ നിര്‍ദ്ദേശങ്ങള്‍ക്കൊപ്പം കടുത്ത കാലാവസ്ഥാ മുന്നറിയിപ്പും നല്‍കി. അസീര്‍, ജസാന്‍, ഖാസിം, ജൗഫ്, ഹായില്‍, തബൂക്ക്, വടക്കന്‍ അതിര്‍ത്തികള്‍, റിയാദ്, കിഴക്കന്‍ പ്രവിശ്യ എന്നിവിടങ്ങളില്‍ ശക്തമായ മഴയ്ക്കും കാറ്റിനും സാധ്യതയുണ്ടെന്നും സിവില്‍ ഡിഫന്‍സ് അറിയിച്ചു. മുന്‍കരുതലുകള്‍ എടുക്കാനും കൊടുങ്കാറ്റുള്ള കാലാവസ്ഥയില്‍ വീടിനുള്ളില്‍ തന്നെ തുടരാനും തങ്ങളുടെ അപ്പപ്പോഴുള്ള നിര്‍ദ്ദേശങ്ങള്‍ പാലിക്കാനും ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് ജനങ്ങളോട് അഭ്യര്‍ത്ഥിച്ചു.
മഴയും കാറ്റും തുടര്‍ന്നുണ്ടായ പ്രളയവും പരിഗണിച്ച് സൗദി നാഷനല്‍ സെന്റര്‍ ഓഫ് മെറ്റീരിയോളജി മദീനയില്‍ മുന്നറിയിപ്പ് ലെവല്‍ റെഡ് ആയി ഉയര്‍ത്തി. ദുരന്തം ലഘൂകരിക്കുന്നതിനായി സിവില്‍ ഡിഫന്‍സ് ഉള്‍പ്പെടെയുള്ള സുരക്ഷാ സംവിധാനങ്ങള്‍ രംഗത്തെത്തി. കനത്ത മഴയുടെ പശ്ചാത്തലത്തില്‍ പൊതുജനങ്ങള്‍ ജാഗ്രത പാലിക്കണമെന്ന് മദീന മേഖലയിലെ സൗദി സിവില്‍ ഡിഫന്‍സ് ഡയറക്ടറേറ്റ് മുന്നറിയിപ്പ് നല്‍കി. താഴ്വരകളും നീരൊഴുക്കുകളും ഒഴിവാക്കാനും കാര്‍ഷിക മേഖലയിലെ റോഡുകളിലൂടെ സഞ്ചരിക്കുമ്പോള്‍ ജാഗ്രത പാലിക്കാനും നിവാസികള്‍ക്ക് നിര്‍ദ്ദേശം നല്‍കിയിട്ടുണ്ട്. വരും ദിവസങ്ങളിലും ഇടിമിന്നലോടും കൂടിയ കാറ്റിനോടും കൂടിയ കനത്ത മഴയ്ക്ക് സാധ്യതയുണ്ടെന്ന് കാലാവസ്ഥാ വകുപ്പ് മുന്നറിയിപ്പ് നല്‍കി. തുടര്‍ന്നുള്ള ദിവസങ്ങളില്‍ രാജ്യത്തിന്റെ വിവിധ പ്രദേശങ്ങളിലേക്കും ഇത് വ്യാപിക്കുമെന്നും അധികൃതര്‍ അറിയിച്ചു.
ക്ലാസ്സുകള്‍ ഓണ്‍ലൈനിലേക്ക് മാറ്റി
ശക്തമായ മഴയെ തുടര്‍ന്ന് റിയാദ് മേഖലയിലെ സ്‌കൂളുകളില്‍ നേരിട്ടുള്ള ക്ലാസുകള്‍ താല്‍ക്കാലികമായി നിര്‍ത്തിവച്ചതായി റിയാദ് മേഖല വിദ്യാഭ്യാസ വകുപ്പ് അറിയിച്ചു. എല്ലാ ആണ്‍കുട്ടികള്‍ക്കും പെണ്‍കുട്ടികള്‍ക്കുമായി അംഗീകൃത പ്ലാറ്റ്ഫോമുകള്‍ക്ക് പുറമേ, മദ്രസത്തീ, റൗധതി പ്ലാറ്റ്ഫോമുകള്‍ വഴി ഓണ്‍ലൈനായി ക്ലാസുകള്‍ നടക്കും. മഴക്കെടുതിയെ കുറിച്ച് നാഷണല്‍ സെന്റര്‍ ഓഫ് മെറ്റീരിയോളജിയില്‍ നിന്ന് ലഭിച്ച റിപ്പോര്‍ട്ടുകളുടെ അടിസ്ഥാനത്തിലാണ് എല്ലാവരുടെയും സുരക്ഷ ഉറപ്പാക്കുകയെന്ന ലക്ഷ്യത്തോടെ പഠനം ഓണ്‍ലൈനിലേക്ക് മാറ്റിയതെന്ന് വിദ്യാഭ്യാസ വകുപ്പ് അറിയിച്ചു. മേഖലയിലെ വിദ്യാഭ്യാസ വകുപ്പിന് കീഴിലുള്ള സ്‌കൂളുകളിലെ അധ്യാപകര്‍ക്കും അഡ്മിനിസ്ട്രേറ്റീവ് ജീവനക്കാര്‍ക്കും ഈ തീരുമാനം ബാധകമാകുമെന്ന് വകുപ്പ് എക്സ് സോഷ്യല്‍ മീഡിയ പ്ലാറ്റ്ഫോമില്‍ പ്രസിദ്ധീകരിച്ച പ്രസ്താവനയില്‍ വ്യക്തമാക്കി. ജിദ്ദയിലെ കിംഗ് അബ്ദുല്‍ അസീസ് യൂണിവേഴ്സിറ്റി, ജിദ്ദ യൂണിവേഴ്സിറ്റി, തായിഫ് യൂണിവേഴ്സിറ്റി, മക്കയിലെ ഉമ്മുല്‍ ഖുറ യൂണിവേഴ്സിറ്റി എന്നിവ ഷെഡ്യൂള്‍ ചെയ്ത പരീക്ഷകള്‍ ഇനിയൊരു അറിയിപ്പ് ഉണ്ടാകുന്നതുവരെ മാറ്റിവെച്ചു. മദീനയിലെ തൈബ സര്‍വകലാശാലയും ജിദ്ദയിലെ സൗദി ഇലക്ട്രോണിക് യൂണിവേഴ്സിറ്റിയുടെ ശാഖയും വിദൂര പഠനത്തിലേക്ക് മാറി.
Also Read:
UAE Weather : യുഎഇയില്‍ വീണ്ടും മഴ മുന്നറിയിപ്പ്; ജാഗ്രതാ നിര്‍ദ്ദേശം; ദുബായ് വിദ്യാലയങ്ങള്‍ ഓണ്‍ലൈനിലേക്ക് മാറിവെള്ളിയാഴ്ച വരെ പ്രതികൂല കാലാവസ്ഥ തുടരും
അതിനിടെ, സൗദി അറേബ്യയുടെ ഭൂരിഭാഗം പ്രദേശങ്ങളിലും വെള്ളിയാഴ്ച വരെ കടുത്ത കാലാവസ്ഥ അനുഭവപ്പെടുമെന്ന് സൗദി അധികൃതര്‍ നിവാസികള്‍ക്ക് മുന്നറിയിപ്പ് നല്‍കി. മദീന, മക്ക, ജിദ്ദ, ബഹ, നജ്റാന്‍ മേഖലകളില്‍ ശക്തമായ കാറ്റിനും ആലിപ്പഴ വര്‍ഷത്തിനും ഇടിമിന്നലിനും ഇടയില്‍ മിതമായതോ കനത്തതോ ആയ മഴയ്ക്ക് സാധ്യതയുണ്ടെന്ന് ദേശീയ കാലാവസ്ഥാ കേന്ദ്രം പ്രവചിച്ചു. ഇതേത്തുടര്‍ന്ന് സൗദി അറേബ്യയുടെ ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് സുരക്ഷാ നിര്‍ദ്ദേശങ്ങള്‍ക്കൊപ്പം കടുത്ത കാലാവസ്ഥാ മുന്നറിയിപ്പും നല്‍കി. അസീര്‍, ജസാന്‍, ഖാസിം, ജൗഫ്, ഹായില്‍, തബൂക്ക്, വടക്കന്‍ അതിര്‍ത്തികള്‍, റിയാദ്, കിഴക്കന്‍ പ്രവിശ്യ എന്നിവിടങ്ങളില്‍ ശക്തമായ മഴയ്ക്കും കാറ്റിനും സാധ്യതയുണ്ടെന്നും സിവില്‍ ഡിഫന്‍സ് അറിയിച്ചു. മുന്‍കരുതലുകള്‍ എടുക്കാനും കൊടുങ്കാറ്റുള്ള കാലാവസ്ഥയില്‍ വീടിനുള്ളില്‍ തന്നെ തുടരാനും തങ്ങളുടെ അപ്പപ്പോഴുള്ള നിര്‍ദ്ദേശങ്ങള്‍ പാലിക്കാനും ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് ജനങ്ങളോട് അഭ്യര്‍ത്ഥിച്ചു.
