റിയാദ്: വാട്ട്സ്ആപ്പ് സന്ദേശമായോ എസ്എംഎസ് വഴിയോ ഉള്ള വിവാഹമോചനം (തലാഖ്) സാധുവാകുമെന്ന് സൗദി പപണ്ഡിതന്റെ ഫത്വ. ഇസ്ലാമിക നിയമപ്രകാരം വിവാഹ മോചനത്തിന് ഇവ മതിയാവുമെന്ന് മുഫ്ത്തി ശെയഖ് അബ്ദുല്ല അല് മുത്ലഖ് അറിയിച്ചു.
സൗദിയിലെ പരമോന്നത പണ്ഡിതസഭയിലെ അംഗമാണ് ഇദ്ദേഹം. ഭര്ത്താവ് ഉച്ചരിക്കുന്ന വാക്കുകള്ക്ക് സമാനമാണ് വാട്ട്സ്ആപ്പ് സന്ദേശങ്ങളും മൊബൈല് എസ്എംഎസ്സുകളുമെന്നും അദ്ദേഹം വ്യക്തമാക്കി. അല് സൗദിയ ടിവിയില് നടന്ന ഫത് വ പരിപാടിയിലാണ് അദ്ദേഹം തന്റെ നിലപാട് വ്യക്തമാക്കിയത്. ഞാന് നിന്നെ വിവാഹമോചനം ചെയ്തു എന്ന് നേരിട്ട് പറഞ്ഞാല് മാത്രമേ അത് സാധുവാകുകയുള്ളൂ എന്നാണ് മുസ്ലിംകളുടെ പൊതുവിശ്വാസം. എന്നാല് അതിന് എതിരായ സമീപനമാണ് സൗദി മുഫ്ത്തി സ്വീകരിച്ചിരിക്കുന്നത്.
Also Read:
മറന്നുവെച്ച സൈക്കിളെടുക്കാൻ മോഷ്ടാവ് തിരിച്ചെത്തി; 22 കാരനെ കയ്യോടെ പൊക്കി ദുബായ് പോലീസിൽ ഏൽപ്പിച്ചുഅടുത്തകാലത്തായി സൗദിയില് വിവാഹ മോചന കേസുകള് വര്ധിച്ചുവരികയാണെന്നാണ് റിപ്പോര്ട്ട്. ഔദ്യോഗിക കണക്കുകള് പ്രകാരം 10 വിവാഹങ്ങളില് മൂന്നും വിവാഹ മോചനത്തില് കലാശിക്കുന്നുവെന്നാണ് റിപ്പോര്ട്ട്.