സൗദിയിൽ പ്രവാസി തൊഴിലാളികള്‍ സഞ്ചരിച്ച ബസും ട്രക്കും കൂട്ടിയിടിച്ച് രണ്ട് പേര്‍ മരിച്ചു

സൗദി: സൗദിയിൽ പ്രവാസി തൊഴിലാളികൾ‍ സഞ്ചരിച്ചിരുന്ന ബസും ട്രക്കും കൂട്ടിയിടിച്ച് രണ്ട് പേര്‍ മരിച്ചു. സൗദിയുടെ വടക്കൻ പ്രവിശ്യയിലെ തുറൈഫിൽ പ്രവാസികൾ ജോലിക്ക് പോകുമ്പോൾ ആണ് അപകടം സംഭവിച്ചത്. തൊഴിലാളികളെ കൊണ്ടുപോയ ബസിന്റെ പിന്നിൽ ട്രക്ക് വന്നിടിച്ചാണ് വൻ അപകടമുണ്ടായത്. ബസിൽ ഉണ്ടായിരുന്ന നിരവധി പേർക്ക് പരിക്കേറ്റിട്ടുണ്ട്. രണ്ടു പേർ മരിക്കുകയും ചെയ്തു.

Also Read: ബിഗ് ടിക്കറ്റ് നറുക്കെടുപ്പില്‍ ലഭിച്ച 65 ലക്ഷം രൂപ 'യഥാര്‍ത്ഥ അവകാശിക്ക്' കൈമാറി മലയാളി യുവാവ് ; മലയാളി പൊളിയല്ലേ? കയ്യടിച്ച് സോഷ്യൽ മീഡിയ

ബസിന്റെ പിന്നിൽ ഇരുന്നവർ ആണ് മരിച്ചത്. ഇടിയുടെ ആഘാതത്തിൽ ഇവർ തൽക്ഷണം മരിക്കുകയായിരുന്നു. മൂന്ന് പേർക്ക് ഗുരുതരമായ പരിക്കുകൾ ആണ് സംഭവിച്ചിരിക്കുന്നത്. തുറൈഫ് ജനറൽ ആശുപത്രിയിൽ ആണ് ഇവർ കഴിയുന്നത്. ബസിൽ ഉണ്ടായിരുന്ന 21 പേർക്ക് ചെറുതും വലുതുമായ വലിയ പിരിക്കുകൾ സംഭവിച്ചിട്ടുണ്ട്. ഇന്നലെ രാവിലെ ആറു മണിക്കായിരുന്നു സംഭവം. തുറൈഫ് നഗരത്തിൽ നിന്ന് പോകുന്ന അറാർ ഹൈവേയിലാണ് അപകടം നടന്നത്.

Also Read: രജിസ്റ്റര്‍ ചെയ്യാതെ വിദേശികളെ വിവാഹം ചെയ്യുന്ന സൗദികള്‍ക്ക് മുന്നറിയിപ്പുമായി അധികൃതര്‍

‌ അപകടത്തിൽ മരിച്ചവരും അപകടം പറ്റിയവരുമെല്ലാം കിഴക്കൽ ഏഷ്യക്കാർ ആണ്. അപകടം സംഭവിച്ച ഉടൻ തന്നെ സൗദി അറേബ്യന്‍ റെഡ് ക്രസന്റ് സൊസൈറ്റിയുടെ ആംബുലൻസുകളും ആരോഗ്യ വകുപ്പിന്റെ ആംബുലൻസുകളും സ്ഥലത്തെത്തി. അപകടത്തിൽപ്പെട്ടവരെ രക്ഷിച്ചു. ഇവർ തന്നെയാണ് അപകടത്തിൽപ്പെട്ടവരെ ആശുപത്രിയിലേക്ക് മാറ്റാനുള്ള ശ്രമങ്ങൾ നടത്തിയത്. കൂടുതൽ പേർക്ക് പരിക്കേറ്റതിനാൽ ആശുപത്രിയിൽ കൂടുതൽ ഡോക്ടർമാരെയും നഴ്‌സുമാരെയും ആരോഗ്യ പ്രവർത്തകരെയും നിയോഗിച്ചിട്ടുണ്ട്.

Read Latest Gulf News and Malayalam News