റിയാദ്: സൗദി ബഹിരാകാശ സഞ്ചാരികളായ റയ്യാന ബര്നാവിയും അലി അല്ഖര്നിയും അന്താരാഷ്ട്ര ബഹിരാകാശ നിലയത്തിലെത്തിയ ശേഷം ഭൂമിയിലേക്ക് ആദ്യ സന്ദേശം അയച്ചു. ആദ്യ അറബ് വനിതാ ബഹിരാകാശയാത്രികയെ അയച്ച് പുതു ചരിത്രം സൃഷ്ടിച്ച സൗദി ഭരണാധികാരികള്ക്കും പിന്തുണ നല്കിയ ജനങ്ങള്ക്കും ഇരുവരും അഭിവാദ്യം അര്പ്പിച്ചു. തിങ്കളാഴ്ച അര്ധ രാത്രിക്ക് ശേഷമാണ് ബര്നാവിയും അല്ഖര്നിയും ഫ്ളോറിഡയിലെ നാസയുടെ കെന്നഡി ബഹിരാകാശ കേന്ദ്രത്തില് നിന്ന് നിലയത്തിലേക്ക് കുതിച്ചത്. 'ബഹിരാകാശത്ത് നിന്നുള്ള ഹലോ, ഈ ക്യാപ്സ്യൂളില് നിന്ന് ഭൂമി കാണുന്നത് അതിശയകരമായി തോന്നുന്നു,' ആദ്യത്തെ ഓണ്ഓര്ബിറ്റ് ക്രൂ ഫ്ളൈറ്റ് സ്റ്റാറ്റസ് ഇവന്റില് ബര്ണവി പറഞ്ഞു. 'ഞങ്ങള് ഇവിടെ മൈക്രോഗ്രാവിറ്റി അനുഭവിച്ചുകൊണ്ടിരിക്കുന്നു. സൗദി അറേബ്യക്കും നേതാക്കളായ സല്മാന് രാജാവിനും കിരീടാവകാശി മുഹമ്മദ് ബിന് സല്മാന് രാജകുമാരനും ഈ ദൗത്യത്തില് അവര് നല്കിയ പിന്തുണക്കും നന്ദി. ബര്ണവി തന്റെ കുടുംബത്തെയും പ്രത്യേകം പ്രശംസിച്ചു.
'ലോകമെമ്പാടുമുള്ള ആളുകള്ക്ക് ഭാവി വളരെ ശോഭനമാണ്. നിങ്ങള് വലിയ സ്വപ്നങ്ങള് കാണാനും സ്വന്തത്തിലും മനുഷ്യത്വത്തിലും വിശ്വാസം അര്പ്പിക്കാനും ഞാന് ആഗ്രഹിക്കുന്നു- അവര് പറഞ്ഞു. ഈ നിമിഷം എനിക്ക് മാത്രമല്ല, എല്ലാ സൗദികള്ക്കും ചരിത്ര നിമിഷമാണെന്ന് അല്ഖര്നിയും പറഞ്ഞു. ഓരോ സൗദിയും അഭിമാനിക്കേണ്ട നിമിഷം. അവരുടെ ഒരിക്കലും അവസാനിക്കാത്ത ശാക്തീകരണത്തിനും പിന്തുണക്കും വിശ്വാസത്തിനും അദ്ദേഹം നന്ദി പറഞ്ഞു.
Also Read:
നേരത്തേ പുതു ചരിത്രം കുറിച്ച് അന്താരാഷ്ട്ര ബഹിരാകാശ നിലയത്തില് എത്തിയ സൗദി യാത്രികര്ക്ക് അവിടെയുണ്ടായിരുന്ന യുഎഇ ബഹിരാകാശ സഞ്ചാരി സുല്ത്താന് അല്നെയാദിയുടെ നേതൃത്വത്തില് ഊഷ്മള വരവേല്പ്പ് നല്കിയിരുന്നു. അറബ് ലോകത്തെ ആദ്യത്തെ വനിത ഉള്പ്പെടെയുള്ള സംഘത്തിന് നെയാദി വെള്ളവും ലഘുഭക്ഷണവും നല്കുന്നതിന്റെയും അവരുടെ ഫോട്ടോ പകര്ത്തുന്നതിന്റെയും വീഡിയോ പുറത്തുവന്നിരുന്നു. അല്നെയാദി ഉള്പ്പെടെ ഐഎസ്എസിലുള്ള ഏഴു പേര്ക്കായി സൗദി ബഹിരാകാശയാത്രികര് പരമ്പരാഗത കാപ്പിയും ഈന്തപ്പഴവും കൊണ്ടുപോയിരുന്നു.
കമാന്ഡര് പെഗ്ഗി വിറ്റ്സണും പൈലറ്റ് ജോണ് ഷോഫ്നറും ഉള്പ്പെടുന്ന ആക്സിയം മിഷന് 2ന്റെ ഭാഗമാണ് സൗദിക്കാരായ റയാന ബര്നാവിയും അലി അല്ഖര്നിയും ബഹിരാകാശ നിലയത്തിലെത്തിയത്. ഇവരുടെ സ്പേസ് എക്സ് ഡ്രാഗണ് ബഹിരാകാശ പേടകം സൗദി സമയമം വൈകിട്ട് 4.12ന് ഐഎസ്എസില് എത്തി. നാല് ബഹിരാകാശയാത്രികരും 16 മണിക്കൂര് സഞ്ചരിച്ചാണ് ലക്ഷ്യസ്ഥാനത്ത് എത്തിയത്. എട്ട് ദിവസം ഇവര് ബഹിരാകാശ നിലയത്തില് ചെലവഴിച്ച ശേഷം ഭൂമിയിലേക്ക് തിരിക്കും. ബഹിരാകാശയാത്രികര് മെയ് 30 ന് ബഹിരാകാശ നിലയത്തില് നിന്ന് തിരിച്ചു പുറപ്പെടുമെന്നാണ് നാസ അറിയിച്ചിരിക്കുന്നത്. പുറപ്പെടുന്നതിന് മുമ്പ് വിവിധ മേഖലകളില് 20ലധികം ശാസ്ത്ര സാങ്കേതിക പരീക്ഷണങ്ങള് നടത്തും.
Read Latest Gulf News and Malayalam News
'ലോകമെമ്പാടുമുള്ള ആളുകള്ക്ക് ഭാവി വളരെ ശോഭനമാണ്. നിങ്ങള് വലിയ സ്വപ്നങ്ങള് കാണാനും സ്വന്തത്തിലും മനുഷ്യത്വത്തിലും വിശ്വാസം അര്പ്പിക്കാനും ഞാന് ആഗ്രഹിക്കുന്നു- അവര് പറഞ്ഞു. ഈ നിമിഷം എനിക്ക് മാത്രമല്ല, എല്ലാ സൗദികള്ക്കും ചരിത്ര നിമിഷമാണെന്ന് അല്ഖര്നിയും പറഞ്ഞു. ഓരോ സൗദിയും അഭിമാനിക്കേണ്ട നിമിഷം. അവരുടെ ഒരിക്കലും അവസാനിക്കാത്ത ശാക്തീകരണത്തിനും പിന്തുണക്കും വിശ്വാസത്തിനും അദ്ദേഹം നന്ദി പറഞ്ഞു.
Also Read:
നേരത്തേ പുതു ചരിത്രം കുറിച്ച് അന്താരാഷ്ട്ര ബഹിരാകാശ നിലയത്തില് എത്തിയ സൗദി യാത്രികര്ക്ക് അവിടെയുണ്ടായിരുന്ന യുഎഇ ബഹിരാകാശ സഞ്ചാരി സുല്ത്താന് അല്നെയാദിയുടെ നേതൃത്വത്തില് ഊഷ്മള വരവേല്പ്പ് നല്കിയിരുന്നു. അറബ് ലോകത്തെ ആദ്യത്തെ വനിത ഉള്പ്പെടെയുള്ള സംഘത്തിന് നെയാദി വെള്ളവും ലഘുഭക്ഷണവും നല്കുന്നതിന്റെയും അവരുടെ ഫോട്ടോ പകര്ത്തുന്നതിന്റെയും വീഡിയോ പുറത്തുവന്നിരുന്നു. അല്നെയാദി ഉള്പ്പെടെ ഐഎസ്എസിലുള്ള ഏഴു പേര്ക്കായി സൗദി ബഹിരാകാശയാത്രികര് പരമ്പരാഗത കാപ്പിയും ഈന്തപ്പഴവും കൊണ്ടുപോയിരുന്നു.
കമാന്ഡര് പെഗ്ഗി വിറ്റ്സണും പൈലറ്റ് ജോണ് ഷോഫ്നറും ഉള്പ്പെടുന്ന ആക്സിയം മിഷന് 2ന്റെ ഭാഗമാണ് സൗദിക്കാരായ റയാന ബര്നാവിയും അലി അല്ഖര്നിയും ബഹിരാകാശ നിലയത്തിലെത്തിയത്. ഇവരുടെ സ്പേസ് എക്സ് ഡ്രാഗണ് ബഹിരാകാശ പേടകം സൗദി സമയമം വൈകിട്ട് 4.12ന് ഐഎസ്എസില് എത്തി. നാല് ബഹിരാകാശയാത്രികരും 16 മണിക്കൂര് സഞ്ചരിച്ചാണ് ലക്ഷ്യസ്ഥാനത്ത് എത്തിയത്. എട്ട് ദിവസം ഇവര് ബഹിരാകാശ നിലയത്തില് ചെലവഴിച്ച ശേഷം ഭൂമിയിലേക്ക് തിരിക്കും. ബഹിരാകാശയാത്രികര് മെയ് 30 ന് ബഹിരാകാശ നിലയത്തില് നിന്ന് തിരിച്ചു പുറപ്പെടുമെന്നാണ് നാസ അറിയിച്ചിരിക്കുന്നത്. പുറപ്പെടുന്നതിന് മുമ്പ് വിവിധ മേഖലകളില് 20ലധികം ശാസ്ത്ര സാങ്കേതിക പരീക്ഷണങ്ങള് നടത്തും.
Read Latest Gulf News and Malayalam News