മരുഭൂമിയില്‍ പെണ്‍കുട്ടിയെ പീഡിപ്പിക്കാന്‍ ശ്രമം; 3 പേര്‍ക്ക് ജീവപര്യന്തം ശിക്ഷയും പിഴയും

അബുദാബി: മരുഭൂമിയില്‍ പെണ്‍കുട്ടിയെ പീഡിപ്പിക്കാന്‍ ശ്രമിച്ച മൂന്ന് പേര്‍ക്ക് ജീവപര്യന്തം തടവ് ശിക്ഷയും പിഴയും വിധിച്ച് അബുദാബി ക്രിമിനല്‍ കോടതി. വാഹനത്തിലെത്തിയ മൂന്ന് പേരും കത്തികാട്ടി പെണ്‍കുട്ടിയെ ഭീഷണിപ്പെടുത്തിയായിരുന്നു പീഡന ശ്രമം.

Also Read: മലക്കം മറിഞ്ഞ് കുവൈറ്റ്; ഇന്നുമുതല്‍ യാത്രാവിലക്ക് നീക്കുമെന്ന തീരുമാനം മാറ്റി

ഒന്നാം പ്രതിയ്ക്ക് ലഹരി ഉപയോഗിച്ചതിന് 3 വര്‍ഷം തടവും 50,000 ദിര്‍ഹം പിഴയും പോലീസ് വാഹനം കേടുവരുത്തിയതിന് 1 വര്‍ഷം തടവും ലഹരി ഉപയോഗിച്ച് വാഹനമോടിച്ചതിന് 6 മാസം തടവും 30,000 ദിര്‍ഹം പിഴയും വിധിച്ചു. രണ്ടാം പ്രതിയ്ക്ക് 3 വര്‍ഷം തടവും 50,000 ദിര്‍ഹം പിഴയും മൂന്നാം പ്രതിയ്ക്ക് 2 വര്‍ഷം തടവും 50,000 ദിര്‍ഹം പിഴയുമാണ് മറ്റ് ശിക്ഷകള്‍.

പെണ്‍കുട്ടിയ്ക്ക് നേരെയുള്ള പീഡനശ്രമത്തിനിടെ പോലീസ് എത്തുന്നതു കണ്ട് വാഹനത്തില്‍ കയറി രക്ഷപ്പെടാന്‍ ശ്രമിക്കവെ പിന്തുടര്‍ന്ന പോലീസ് വാഹനത്തിലും ഇടിച്ച് പ്രതികള്‍ രക്ഷപ്പെടുകയായിരുന്നു.
എന്നാല്‍, പ്രതികളെ പിന്നീട് പിടികൂടി പ്രോസിക്യൂഷന് കൈമാറുകയായിരുന്നു.

Also Read: കുവൈറ്റില്‍ സ്‌കൂളുകള്‍ തുറക്കണമെന്നാവശ്യപ്പെട്ട് ക്യാംപയിന്‍

പ്രതിയുടെ ലൈസന്‍സ് കുറച്ച് കാലത്തേയ്ക്ക് മരവിപ്പിച്ചിട്ടുണ്ട്. ലൈസന്‍സ് പുതുക്കുന്നതും പുതിയ ലൈസന്‍സ് എടുക്കുന്നതും തടഞ്ഞു. നമ്പര്‍ പ്ലേറ്റ് മറച്ചുകൊണ്ട് വാഹനമോടിച്ചതിന് 6 മാസം തടവും 30,000 ദിര്‍ഹം പിഴയുമുണ്ട്.