സ്ഥാപനത്തിലെ റിസപ്ഷനിസ്റ്റായിരുന്നു യുവതി
വന്‍തുകയുടെ സാധനങ്ങള്‍ ആണ് യുവതി ഇവിടെ നിന്നും മോഷ്ടിച്ചിരിക്കുന്നത്. ക്ലിനിക്കില്‍ ജോലി ചെയ്യുന്ന പ്ലാസ്റ്റിക് സര്‍ജന്‍ വഴിയാണ് യുവതിയുടെ മോഷണം സംബന്ധിച്ച ഉടമ അറിയുന്നത്. സ്ഥാപനത്തിലെ റിസപ്ഷനിസ്റ്റായിരുന്നു യുവതി. പ്ലാസ്റ്റിക് സര്‍ജനെ വിളിച്ച് തനിക്ക് ക്ലിനിക്കിന് പുറത്ത് ഒരു സ്ഥലത്തുവെച്ച് ബോട്ടോക്സ് ഇഞ്ചക്ഷന്‍ നല്‍കാമോ എന്ന് യുവതി ചോദിച്ചു. ഡോക്ടർ ഇത് ഉടമയെ വിളിച്ച് അറിയിച്ചു അങ്ങനെയാണ് മോഷണ കഥ പുറത്തറിയുന്നത്.
ഏകദേശം 21,000 ദിര്‍ഹത്തിന്റെ ഇഞ്ചക്ഷനുകള്‍ കാണാനില്ല
യുവതിയുടെ കൈയിലുള്ള സാധനങ്ങള്‍ ക്ലിനിക്കില്‍ നിന്ന് മോഷ്ടിച്ചതാണെന്ന് സംശയം തോന്നിയപ്പോൾ ആണ് ഡോക്ടർ ഇത് ഉടമയെ അറിയിച്ചത്. പോലീസിൽ വിവരം അറിയിക്കാൻ വേണ്ടി ക്ലിനിക്കിലെ സാധനങ്ങളുടെ കണക്കെടുക്കാന്‍ ഉടമ ജീവനക്കാര്‍ക്ക് നിര്‍ദേശം നല്‍കി.
അപ്പോഴാണ് ഏകദേശം 21,000 ദിര്‍ഹത്തിന്റെ ഇഞ്ചക്ഷനുകള്‍ കാണാനില്ലെന്ന് കണ്ടെത്തിയത്. പിന്നീട് സിസിടിവി ദൃശ്യങ്ങള്‍ പരിശോധിച്ചു. ഇതിൽ നിന്നാണ് റിസപ്ഷനിസ്റ്റ് ഇഞ്ചക്ഷനുകള്‍ മോഷ്ടിച്ചതെന്ന് കണ്ടെത്തി. അങ്ങനെ തെളിവുകൾ സഹിതം പോലീസിന് ഉടമ പരാതി കെെമാറി.
റെയില്‍വെ സ്റ്റേഷനുകളിൽ കഞ്ചാവ് വേട്ട തുടർകഥ
യുവതിക്ക് ജയില്‍ ശിക്ഷയും പിഴയും
കഴിഞ്ഞ ദിവസം ആയിരുന്നു കേസിന്റെ വിചാരണ വിചാരണ പൂര്‍ത്തിയായപ്പോള്‍ യുവതി തടവും ശിക്ഷയും ലഭിച്ചു. മൂന്ന് മാസം ജയില്‍ ശിക്ഷയും, മോഷ്ടിച്ച സാധനങ്ങളുടെ വിലയ്ക്ക് തുല്യമായ 21,000 ദിര്‍ഹം പിഴയും ആണ് കോടതി ശിക്ഷ വിധിച്ചിരിക്കുന്നത്. കൂടാതെ ശിക്ഷ കഴിഞ്ഞാൽ യുഎഇയിൽ നിന്നും നാട് കടത്താൻ ആണ് വിധിച്ചിരിക്കുന്നത്