ജോ​ലി​സ്ഥ​ല​ത്ത് വെച്ച് അ​പ​ക​ടം; പ​രി​ക്കേ​റ്റ മലയാളി റാ​സ​ൽ​ഖൈ​മ​യി​ൽ മരിച്ചു

റാസൽഖൈമ: ജോലിസ്ഥലത്ത് വെച്ച് അപകടത്തിൽപെട്ട് ദുരുതര പരിക്കേറ്റ് കഴിഞ്ഞിരുന്ന കൊടുങ്ങല്ലൂർ സ്വദേശി മരിച്ചു. കൊടുങ്ങല്ലൂര്‍ കോതപറമ്പ് കണ്ണാംകുളത്ത് അബ്ദുൽ കാദറിന്റെ മകൻ ശംസുദ്ദീനാണ് മരിച്ചത്. 55 വയസായിരുന്നു. ശംസുദ്ദീൻ റാക് റംസ് റോഡിൽ അൽ ഇത്തിഹാദ് അലൂമിനിയം കമ്പനിയിൽ ജോലി ചെയ്യുകയാണ്. കഴിഞ്ഞ 30 വർഷമായി ഗൾഫിൽ ജോലി ചെയ്യുന്നു.

Also Read: ഏഴ് മാറ്റങ്ങളുമായി കുവൈറ്റില്‍ പുതിയ മന്ത്രിസഭ പ്രഖ്യാപിച്ച് അമീര്‍; ഷെയ്ഖ് അഹ്മദ് നവാഫ് തന്നെ പ്രധാനമന്ത്രി

റാക് ഖലീഫ ആശുപത്രിയിൽ തീവ്രപരിചരണ വിഭാഗത്തിൽ ആയിരുന്നു കഴിഞ്ഞിരുന്നത്. ഇവിടെ വെച്ച് ശനിയാഴ്ച രാത്രിയോടെയായിരുന്നു മരിച്ചത്. റാക് അൽ ജസീറ അൽ ഹംറയിലെ നിർമാണസ്ഥലത്ത് സ്കഫോൾഡിങ്ങിൽ നിന്ന് വീഴുകയായിരുന്നു. ഖലീഫ ആശുപത്രി മോർച്ചറിയിൽ മൃതദേഹം സൂക്ഷിച്ചിരിക്കുകയാണ്.

Also Read: ചരിത്രത്തിലേക്ക് നീന്തിക്കയറി സൗദി വനിത; ഡോ. മര്‍യം ബിന്‍ ലാദിന്‍ റെക്കോഡിട്ടത് ചെങ്കലിന് കുറുകെ നീന്തി

മൃതദേഹം നടപടികൾ പൂർത്തിയാക്കി നാട്ടിലെത്തിക്കുമെന്ന് ബന്ധുക്കൾ അറിയിച്ചു. മാതാവ്: ഹാജറ. ഭാര്യ: സമീന. മക്കൾ: ഫാത്തിമ സുഹറ, രിഹാനത്തു സുഹ്‌റ, ആയിഷ സുഹ്‌റ. റാസൽഖൈമയിലെ മലയാളി സമൂഹം ഷംസുദ്ദീന്‍റെ മരണത്തിൽ അനുശോചനം രേഖപ്പെടുത്തി.

Read Latest Gulf News and Malayalam News