20 മിനിറ്റിനുള്ളില്‍ കൊവിഡ് ഫലം; മൂന്ന് പുതിയ പരിശോധനകള്‍ അംഗീകരിച്ച് അബുദാബി

അബുദാബി: പുതിയ മൂന്ന് കൊവിഡ് പരിശോധനകള്‍ക്ക് അംഗീകാരം നല്‍കി അബുദാബി. ഹെല്‍ത്ത് റെഗുലേറ്റര്‍, ആരോഗ്യവകുപ്പ് (ഡിഒഎച്ച്) അംഗീകരിച്ച പരിശോധനകള്‍ അടിയന്തര പരിചരണ കേന്ദ്രങ്ങളിലും അത്യാഹിത വിഭാഗങ്ങളിലും ഉപയോഗിക്കാം. അവ വേഗത്തില്‍ ഫലം നല്‍കും.

Also Read: ലോകത്തിലെ ഏറ്റവും ആരോഗ്യമുള്ള നഗരം സൗദിയില്‍

മികച്ച ഫലങ്ങള്‍ നല്‍കുന്നതോടൊപ്പം രോഗി പരിചരണ തീരുമാനങ്ങള്‍ എടുക്കാന്‍ ഡോക്ടര്‍മാരെ സഹായിക്കുകയും ചെയ്യുന്നു. ആന്റിജന്‍, ആര്‍ടി- ലാമ്പ് ജനറ്റിക്, സാലിവ സ്‌പെസിമെന്‍സ് എന്നിവയാണ് അബുദാബിയില്‍ പുതുതായി അംഗീകരിച്ച ടെസ്റ്റുകള്‍.

മൂക്ക് വഴി സ്രവം എടുക്കുന്ന രീതിയാണ് ആന്റിജന്‍ പരിശോധന. ഇത് 20 മിനിറ്റിനുള്ളില്‍ ഫലം ലഭിക്കുന്ന ദ്രുത പരിശോധനയാണ്. ഒരു മണിക്കൂറിനുള്ളില്‍ ഫലം ലഭിക്കുന്ന പരിശോധനയാണ് ആര്‍ടി- ലാമ്പ് ജനറ്റിക് ടെസ്റ്റ്. ഇതും മൂക്കിലൂടെ എടുക്കുന്ന സ്രവമാണ് പരിശോധിക്കുന്നത്.

Also Read: നിരവധി തൊഴില്‍ മേഖലകളില്‍ വിദേശികള്‍ക്ക് വിലക്ക് ഏര്‍പ്പെടുത്തി ഒമാന്‍

ഉമിനീരില്‍ നിന്നെടുക്കുന്ന സ്രവമാണ് സാലിവ സ്‌പെസിമെന്‍സ് പരിശോധന. ചില സ്‌കൂളുകളില്‍ മാത്രമാണ് ഈ പരിശോധന നടത്തുന്നത്. മൂക്കില്‍ നിന്ന് സ്രവം പരിശോധനയ്ക്ക് എടുക്കുമ്പോള്‍ കുട്ടികള്‍ക്ക് വേദന എടുക്കുന്നതിനാലാണ് ഈ പരിശോധനയ്ക്ക് വിധേയമാക്കുന്നത്. പിസിആര്‍ ടെസ്റ്റുകള്‍, ഡിപിഐ ടെസ്റ്റുകള്‍ എന്നിവയെല്ലാമാണ് മറ്റ് കൊവിഡ് പരിശോധനകള്‍.