കൊലയാളി തിമിംഗലങ്ങളുടെ സാന്നിധ്യം; യുഎഇ കടലിൽ 2 ദിവസത്തേക്ക് നീന്തരുതെന്ന ജാഗ്രതാ നിർദേശം

യുഎഇ: ഓർക്കസ് അതായത് കൊലയാളി തിമിംഗലങ്ങളുടെ സാന്നിധ്യം കണ്ടെത്തിയതിനാൽ 2 ദിവസത്തേക്ക് കടലിൽ നീന്തരുതെന്ന് ജാഗ്രതാ നിർദേശം. അബുദാബിയിലും ദുബായിലും ആണ് ഇതുമായി ബന്ധപ്പെട്ട തീരുമാനം പുറപ്പെടുവിച്ചത്. ചൊവ്വ, ബുധൻ ദിവസങ്ങളിലാണ് കടലിൽ
2 ഓർക്കസുകളെ കണ്ടെത്തിയത്.

അബുദാബി സാംസ്കാരിക, വിനോദസഞ്ചാര വകുപ്പിലെ പരിസ്ഥിതി ആരോഗ്യ സുരക്ഷാ വകുപ്പ് ആണ് ഇതുമായി ബന്ധപ്പെട്ട മുന്നറിയിപ്പ് നൽകിയത്. അബുദാബിയിലെയും, ദുബായിലേയും സ്സ്റ്റാർ ഹോട്ടലുകൾക്ക് സമീപത്തുള്ള ബീച്ച് വെള്ളിയാഴ്ച വരെ അടച്ചിടും. എല്ലാവരും ജാഗ്രത പാലിക്കണം. കടലിൽ നിൽക്കാൻ പാടില്ല. സുരക്ഷിത അകലം പാലിക്കണം. ഇവയെ കണ്ടെത്തിയാൽ 800 555 എന്ന നമ്പറിൽ അറിയിക്കണമെന്ന് അധികൃതർ അറിയിപ്പ് നൽകിയിട്ടുണ്ട്.

Read Latest Gulf News and Malayalam News

Also Read:
സ്ഥാപനത്തിന്റെ ഓഫീസില്‍ കുഴഞ്ഞു വീണു; പ്രവാസി മലയാളി മരിച്ചു

മിച്ചഭൂമി പതിച്ചു നല്‍കല്‍: അപേക്ഷ ക്ഷണിച്ചു

ഭൂപരിഷ്‌കരണ നിയമപ്രകാരം പാലക്കാട് താലൂക്ക് പുതുശ്ശേരി ഈസ്റ്റ് വില്ലേജില്‍ മരഗതം രാജമ്മാള്‍ എന്നിവരില്‍ നിന്നും ഏറ്റെടുത്തിട്ടുള്ള 3.76 ഏക്കര്‍ പാറ വഹകള്‍ നല്‍കുന്നതിനായി പുതുശ്ശേരി ഈസ്റ്റ് വില്ലേജിലേയും സമീപ വില്ലേജുകളിലെയും ഭൂരഹിത കര്‍ഷക തൊഴിലാളികളില്‍ നിന്നും യാതൊരുവിധ ഭൂമിയും വീണ്ടെടുക്കാന്‍ അവകാശമില്ലാത്ത ചെറുകിട ഭൂഉടമകളില്‍ നിന്നും ജില്ലാ കലക്ടര്‍ അപേക്ഷ ക്ഷണിച്ചു. അപേക്ഷകള്‍ 1970ലെ ഭൂപരിഷ്‌കരണ പരിധി ചട്ട പ്രകാരമുള്ള പതിനേഴാം നമ്പര്‍ ഫോറത്തില്‍ പാലക്കാട് ഭൂരേഖ തഹസില്‍ദാര്‍ക്ക് മെയ് 15 ന് വൈകിട്ട് അഞ്ചിനകം നല്‍കണം. അപേക്ഷാഫോറത്തിന്റെ മാതൃക ബന്ധപ്പെട്ട താലൂക്ക് ഓഫീസില്‍ നിന്നും വില്ലേജ് ഓഫീസുകളില്‍ നിന്നും ലഭിക്കും. ഫോണ്‍: 0491 2505309.

കൊടുമ്പ് ഗ്രാമപഞ്ചായത്തില്‍ ശുചീകരണ യജ്ഞം

കൊടുമ്പ് ഗ്രാമപഞ്ചായത്തിലെ ശുചീകരണ പ്രവര്‍ത്തനങ്ങളില്‍ ഊര്‍ജിത പങ്കാളിത്തവുമായി കോളെജ് വിദ്യാര്‍ത്ഥികളും. രണ്ട് ദിവസങ്ങളിലായി നടന്ന ജനകീയ പങ്കാളിത്തത്തോടെയുള്ള ശുചീകരണ പ്രവര്‍ത്തനങ്ങളില്‍ കോളെജ് വിദ്യാര്‍ത്ഥികളും സന്നദ്ധപ്രവര്‍ത്തകരും പങ്കാളികളായി. ആദ്യദിനം കൊടുമ്പ് ഗ്രാമപഞ്ചായത്തിലെ വാര്‍ഡ് അഞ്ചില്‍ ഉള്‍പ്പെട്ട എരട്ടയാല്‍ ബസ് സ്റ്റോപ്പ് മുതല്‍ പോളിടെക്‌നിക്ക് ബസ് സ്റ്റോപ്പ് വരെ പ്രൈം കോളെജ് ഓഫ് ഫാര്‍മസിയിലെ എന്‍.എസ്.എസ് കോ-ഓര്‍ഡിനേറ്റര്‍ ഐശ്വര്യയുടെ നേതൃത്വത്തിലുള്ള 20 വിദ്യാര്‍ത്ഥികള്‍ ശുചീകരണ പ്രവര്‍ത്തനങ്ങള്‍ നടത്തി. കൊടുമ്പ് ഗ്രാമപഞ്ചായത്ത് പ്രസിഡന്റ് ആര്‍. ധനരാജ് ഉദ്ഘാടനം ചെയ്തു. രണ്ടാംദിനം വാര്‍ഡ് രണ്ടില്‍ ഉള്‍പ്പെട്ട കൂട്ടുപാത ജങ്ഷന്‍ ശ്മശാനം, കൂട്ടുപാത ജങ്ഷന്‍ മുതല്‍ പോളിടെക്‌നിക്ക് കോളെജ് വരെയുള്ള റോഡിന്റെ വശത്തുള്ള മാലിന്യങ്ങള്‍ വാര്‍ഡ് മെമ്പര്‍ എം.എ പ്രവീണയുടെ നേതൃത്വത്തില്‍ ഗവ പോളിടെക്‌നിക് കോളെജിലെ രണ്ട് അധ്യാപകരും 35 വിദ്യാര്‍ത്ഥികളും ചേര്‍ന്ന് നീക്കം ചെയ്തു. ഹരിതകര്‍മ്മസേനാംഗങ്ങള്‍, അങ്കണവാടി പ്രവര്‍ത്തകര്‍, ആശാവര്‍ക്കര്‍മാര്‍, സന്നദ്ധ പ്രവര്‍ത്തകര്‍, തൊഴിലുറപ്പ് തൊഴിലാളികള്‍ എന്നിവരുടെ പങ്കാളിത്തത്തോടെയാണ് ശുചീകരണ പ്രവര്‍ത്തനങ്ങള്‍ നടന്നത്.