ജോലിക്ക് പോകാനായി ഇറങ്ങുമ്പോൾ അബദ്ധത്തിൽ കെട്ടിടത്തിൽ നിന്ന് വീണു; മലയാളി മരിച്ചു

ദുബായ്: ജോലിക്ക് പോകാൻ ഇറങ്ങുമ്പോൾ ആണ് അബദ്ധത്തിൽ കെട്ടിടത്തിൽ നിന്ന് വീണ് മലയാളി മരിച്ചത്. പാലക്കാട് ചേങ്ങോട്ടുകാവിൽ പ്രഭാകരന്റെ മകൻ പി.പ്രസാദ് ആണ് മരിച്ചത്. 31 വയസായിരുന്നു. ഷാർജയിലെ ഒരു ജ്വല്ലറിയിൽ ആണ് ഇദ്ദേഹം ജോലി ചെയ്തിരുന്നത്. ഈ മാസം ഒമ്പതിനാണ് താമസസ്ഥലത്ത് വെച്ച് അപകടം സംഭവിക്കുന്നത്. ജോലിക്ക് പോകാൻ വേണ്ടി താമസസ്ഥലത്ത് നിന്നും വേഗത്തിൽ ഇറങ്ങിയപ്പോൾ ആണ് അപകടം സംഭവിച്ചത്. കെട്ടിടത്തിൽ നിന്നും താഴെ വീഴുകയായിരുന്നു. നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കും.

Also Read: ലീവ് എടുക്കാനായി മെഡിക്കല്‍ വ്യാജ സര്‍ട്ടിഫിക്കറ്റുണ്ടാക്കി; പ്രവാസി യുവാവിന് മൂന്ന് വര്‍ഷം തടവ്

അതേസമയം, കഴിഞ്ഞ ആഴ്ചയിലെ വെള്ളി, ശനി ദിവസങ്ങളിലുണ്ടായ വാഹനാപകടങ്ങളില്‍ രണ്ട് പേർ യുഎഇയിൽ മരിച്ചു. അപകടത്തിൽ 11 പേർക്ക് പരിക്കേറ്റു. റോഡ് നിയമങ്ങൾ പാലിക്കുന്നതിൽ ഡ്രൈവര്‍മാര്‍ വീഴ്ച വരുത്തിയതാണ് അപകടത്തിന് കാരണം എന്ന് ദുബായ് പോലീസ് അറിയിച്ചു. ക്രൌണ്‍ പ്ലാസ ഹോട്ടലിന് സമീപം ആണ് ശനിയാഴ്ച അപകടം സംഭവിച്ചത്. ഇവിടെ രണ്ട് പേർ ആണ് മരിച്ചത്. നാല് പേർക്ക് ഗുരുതരമായി പരിക്കേറ്റു. റോഡിൽ മറ്റു വാഹനങ്ങൾ വരുന്നത് നോക്കാതെ യു-ടേണ്‍ എടുത്തതാണ് അപകടം സംഭവിക്കാൻ കാരണമായത്.

Also Read: യുഎഇയില്‍ വാട്ട്‌സ്ആപ്പ് കോള്‍ അനുവദനീയമാണോ? ഉപയോഗിക്കാവുന്ന ഇന്റര്‍നെറ്റ് കോള്‍ ആപ്പുകള്‍ ഏതൊക്കെ?

അല്‍ ഖലീല്‍ റോഡില്‍ ഡ്രൈവര്‍ ഉറങ്ങിപ്പോയത് കൊണ്ടാണ് വെള്ളിയാഴ്ച അപകടം സംഭവിച്ചത്. വാഹനം നിയന്ത്രണം വിട്ട് മറിഞ്ഞു. വാഹനം തലകീഴായി ആണ് മറിഞ്ഞത്. കഴിഞ്ഞ ദിവസം എമിറേറ്റ്സ് റോഡില്‍ ഒരു പാലത്തിന് മുകളില്‍ ട്രക്ക് മറിഞ്ഞ് ഒരു അപകടം ഉണ്ടായി. അപകടത്തിൽ രണ്ട് പേർക്ക് പരിക്കേറ്റു. ഡ്രെെവർ പെട്ടെന്ന് ലെെൻ മാറിയതാണ് അപകടത്തിന് കാരണമായത്. വാഹനങ്ങൾ ഓടിക്കുമ്പോൾ ഡ്രെെവർമാർ നിയമങ്ങൾ പാലിക്കണം. വാഹനങ്ങള്‍ തമ്മില്‍ സുരക്ഷിതമായ അകലം പാലിക്കുന്ന രീതിയിൽ ആയിരിക്കണം ഓടിക്കേണ്ടത്.