അജ്മാൻ: യുഎഇയിലെ അജ്മാനിൽ കാലവസ്ഥ മോശമായതിനെ തുടർന്ന് ബസ് സർവീസുകൾ റദ്ദാക്കി. ബസ് ഓൺ ഡിമാൻഡ് സർവീസുകൾ ഇന്നത്തേക്ക് റദ്ദാക്കിയതായി അജ്മാനിലെ ട്രാൻസ്പോർട്ട് അതോറിറ്റി അറിയിച്ചു. നിലവിലെ കാലാവസ്ഥ മോശമായതിനെ തുടർന്നു യാത്രക്കാരുടെ സുരക്ഷ മുൻനിർത്തിയാണ് നടപടിയെന്നു ട്രാൻസ്പോർട്ട് അതോറിറ്റി അധികൃതർ അറിയിച്ചു.
ഇന്ന് പുലർച്ചെ മുതൽ ആരംഭിച്ച മഴ യുഎഇയുടെ എല്ലായിടങ്ങളിലും തോരാതെ പെയ്യുകയാണ്. ഇതേ തുടർന്നു ദുബായിലും അബുദാബിയിലും ഷാർജയിലും ഗതാഗതം താറുമാറായി. ചിലയിടങ്ങളിൽ ടണൽ റോഡുകളിൽ വെള്ളം കയറിയിട്ടുണ്ട്. മഴയുടെ തീവ്രതയിൽ വ്യത്യാസമുണ്ടാകാമെന്നു ദേശീയ കാലാവസ്ഥാ കേന്ദ്രം മുന്നറിയിപ്പു നൽകി. മഴ തുടങ്ങിയതോടെ താപനിലയിൽ കുറവ് അനുഭവപ്പെടുമെന്നും അധികൃതർ അറിയിച്ചു.
അതേസമയം മഴയത്ത് വാഹനമോടിക്കുന്നവർ ജാഗ്രത പാലിക്കണമെന്നു ദുബായ് റോഡ് ആൻ്റ് ട്രാൻസ്പോർട്ട് അതോറിറ്റി നിർദേശം നൽകി. സാവധാനത്തിലും ശ്രദ്ധയോടെയും ഡ്രൈവ് ചെയ്യുക, അനുയോജ്യമായ സാഹചര്യത്തിലല്ലാതെ മറ്റ് വാഹനങ്ങളെ മറികടക്കരുത്, മഴയത്ത് വാഹനമോടിക്കുന്നതിന് മുമ്പും വൈപ്പറുകൾ പ്രവർത്തിക്കുന്നുവെന്ന് ഉറപ്പാക്കുക, മഴയത്ത് വാഹനമോടിക്കേണ്ടി വന്നാൽ വാഹനങ്ങൾ തമ്മിലുള്ള സുരക്ഷിത അകലം എപ്പോഴും ഇരട്ടിയാക്കുക എന്നിങ്ങനെയാണ് ട്രാൻസ്പോർട്ട് അതോറിറ്റിയുടെ നിർദേശങ്ങൾ. വെള്ളപ്പൊക്ക പ്രദേശങ്ങൾ, താഴ്വരകൾ, നീർത്തടങ്ങൾ എന്നിവിടങ്ങളിൽനിന്നു വിട്ടുനിൽക്കാനും ജനങ്ങൾക്ക് നിർദേശം നൽകിയിട്ടുണ്ട്.
Read Latest Gulf Newsand Malayalam News
ഇന്ന് പുലർച്ചെ മുതൽ ആരംഭിച്ച മഴ യുഎഇയുടെ എല്ലായിടങ്ങളിലും തോരാതെ പെയ്യുകയാണ്. ഇതേ തുടർന്നു ദുബായിലും അബുദാബിയിലും ഷാർജയിലും ഗതാഗതം താറുമാറായി. ചിലയിടങ്ങളിൽ ടണൽ റോഡുകളിൽ വെള്ളം കയറിയിട്ടുണ്ട്. മഴയുടെ തീവ്രതയിൽ വ്യത്യാസമുണ്ടാകാമെന്നു ദേശീയ കാലാവസ്ഥാ കേന്ദ്രം മുന്നറിയിപ്പു നൽകി. മഴ തുടങ്ങിയതോടെ താപനിലയിൽ കുറവ് അനുഭവപ്പെടുമെന്നും അധികൃതർ അറിയിച്ചു.
അതേസമയം മഴയത്ത് വാഹനമോടിക്കുന്നവർ ജാഗ്രത പാലിക്കണമെന്നു ദുബായ് റോഡ് ആൻ്റ് ട്രാൻസ്പോർട്ട് അതോറിറ്റി നിർദേശം നൽകി. സാവധാനത്തിലും ശ്രദ്ധയോടെയും ഡ്രൈവ് ചെയ്യുക, അനുയോജ്യമായ സാഹചര്യത്തിലല്ലാതെ മറ്റ് വാഹനങ്ങളെ മറികടക്കരുത്, മഴയത്ത് വാഹനമോടിക്കുന്നതിന് മുമ്പും വൈപ്പറുകൾ പ്രവർത്തിക്കുന്നുവെന്ന് ഉറപ്പാക്കുക, മഴയത്ത് വാഹനമോടിക്കേണ്ടി വന്നാൽ വാഹനങ്ങൾ തമ്മിലുള്ള സുരക്ഷിത അകലം എപ്പോഴും ഇരട്ടിയാക്കുക എന്നിങ്ങനെയാണ് ട്രാൻസ്പോർട്ട് അതോറിറ്റിയുടെ നിർദേശങ്ങൾ. വെള്ളപ്പൊക്ക പ്രദേശങ്ങൾ, താഴ്വരകൾ, നീർത്തടങ്ങൾ എന്നിവിടങ്ങളിൽനിന്നു വിട്ടുനിൽക്കാനും ജനങ്ങൾക്ക് നിർദേശം നൽകിയിട്ടുണ്ട്.
Read Latest Gulf Newsand Malayalam News