റോഡുവഴി അബുദാബിയിലെത്താൻ പാസും പരിശോധനയും വേണ്ട; ഇളവ് പ്രാബല്യത്തിൽ

അബുദാബി: റോഡ് മാർഗം അബുദാബിയിൽ പ്രവേശിക്കാനുള്ള നിയമത്തിൽ വരുത്തിയ ഇളവ് ഇന്നു മുതൽ പ്രാബല്യത്തിൽ. പിസിആർ നെഗറ്റീവ് ഫലമോ ഗ്രീൻ പാസോ കാണിക്കണമെന്ന നിബന്ധനയാണ് ഇപ്പോൾ ഒഴിവായിരിക്കുന്നത്. ഇനി വലിയ തടസ്സമില്ലാതെ അതിർത്തി കടക്കാൻ സാധിക്കും. മലയാളികൾ ഉൾപ്പടെയുള്ള നിരവധി വിദേശികൾക്ക് പുതിയ തീരുമാനം വന്നതോടെ വലിയ ആശ്വസത്തിലാണ്. യുഎഇയിലെ വലിയ വാടക നൽകി താമസിക്കാൻ കഴിയാത്തവർ പലരും അബുദാബിയിൽ താമസിച്ച് ദുബായിൽ ദിവസവും ജോലിക്കായി എത്തുന്നവർ ആണ്. കടാതെ ഭക്ഷ്യോൽപന്ന വിതരണ വാഹനങ്ങളും പ്രതിസന്ധി നേരിട്ടിരുന്നു. നിയന്ത്രണം എടുത്തുകളഞ്ഞതോടെ രണ്ട് എമിരേറ്റുകളും തമ്മിലുള്ള യാത്ര വലിയ സുഖമായി.

Also Read: സ്വയം ട്രോളുകളിറക്കി ബോബി ചെമ്മണ്ണൂര്‍ എത്തുന്നത് ഇത് ആദ്യമായല്ല. അദ്ദേഹം പങ്കുവെച്ച പുതിയ വീഡിയോ സോഷ്യൽ മീഡിയയിൽ വൈറലാകുന്നു. വീഡിയോ കാണാം

2020 ഏപ്രിൽ മുതലാണ് അബുദാബി പ്രവേശനത്തിന് കടുത്ത നിബന്ധനകൾ ദുബായ് ഏർപ്പെടുത്തിയത്. പിന്നീട് കൊവിഡ് തീവ്രത കുറഞ്ഞതോടെ ഇളവ് നൽകി. എന്നാൽ കൊവിഡ് കേസുകൾ വീണ്ടും കൂടിയ സാഹചര്യത്തിൽ വീണ്ടും അതിർത്തിയിൽ പരിശോധന കർശനമാക്കി. ദുബായിലും, അബൂദാബിയിലും ഉള്ളവരിൽ ഭൂരിഭാഗം പേരും വാക്സിൻ സ്വീകരിച്ചവർ ആണ്. രണ്ട് ഡോസ് വാക്സിന് പുറമെ പലരും ബൂസ്റ്റർ ഡോസും സ്വീകരിച്ച് കഴിഞ്ഞു. കൊവിഡ് വലിയ രീതിയിൽ കുറഞ്ഞതോടയാണ് വലിയ ഇളവുമായി ദുബായ് എത്തിയിരിക്കുന്നത്.

Also Read: സമൂഹ മാധ്യമങ്ങളില്‍ വ്യാജ അക്കൗണ്ട് ഉണ്ടാക്കി പണം തട്ടുന്ന സംഘം ദുബായിൽ സജീവം; ജാഗ്രത പാലിക്കാൻ നിർദ്ദേശം

അബുദാബിയിലെ പൊതുസ്ഥലങ്ങൾ, ഷോപ്പിങ് മാളുകൾ, സർക്കാർ ഓഫീസുകൾ, എന്നിവിടങ്ങളിലേക്ക് പ്രവേശിക്കാൻ ഗ്രീൻ പാസ് നിബന്ധന തുടരും. പലർക്കും അബുദാബിയിൽ നിന്നും ദുബായിലേക്ക് വരാൻ വേണ്ടി വലിയ പ്രയാസം ആയിരുന്നു അതാണ് ഇപ്പോൾ ഒഴിവായിരിക്കുന്നത്. ദുബായിലും അബുദാബിയിലും റിപ്പോർട്ട് ചെയ്യുന്ന കൊവി‍‍ഡ് കേസുകൾ കുറവാണ്.