നിയന്ത്രണങ്ങൾക്ക് ഇളവ്; ഷാർജയിൽ പരിപാടികള്‍ ഹോളുകളിലലും ഹോട്ടലുകളിലും നടത്തുവാന്‍ അനുമതി

ഷാര്‍ജ: യുഎഇ എമിറേറ്റായ ഷാർജയിൽ കൊവിഡ് നിയന്ത്രണങ്ങള്‍ക്ക് ഇളവ് പ്രഖ്യാപിച്ച് ഭരണകൂടം. നവംബർ ഒന്ന് ചൊവ്വാഴ്ച മുതൽ ഹാളുകളിലും ഹോട്ടലുകളിലും വീടുകളിലുമായി സാമൂഹിക പരിപാടികൾ നടത്തുന്നതിന് അനുമതി നൽകുകയും ചെയ്തു.

Also Read : യുഎഇയിൽ ഏറ്റവും ഉയര്‍ന്ന് രോഗമുക്തി: 24 മണിക്കൂറിനിടെ രണ്ടായിരത്തിലധികം ആളുകള്‍ക്ക് രോഗം ഭേദമായി

എന്നാൽ, പരിപാടികള്‍ വ്യവസ്ഥകളും നിയന്ത്രണങ്ങളും അനുസരിച്ചുവേണം നടത്തുവാന്‍ എന്നും നിര്‍ദ്ദേശിച്ചിരിക്കുന്നത്. കിരീടാവകാശിയും ഷാർജയിലെ ഡെപ്യൂട്ടി ഭരണാധികാരിയുമായ ഷെയ്ഖ് സുൽത്താൻ ബിൻ മുഹമ്മദ് ബിൻ സുൽത്താൻ അൽ ഖാസിമിയുടെ നിർദേശപ്രകാരം ഷാർജ എക്സിക്യൂട്ടീവ് കൗൺസിലാണ് ഈ വിവരങ്ങള്‍ പ്രഖ്യാപിച്ചിരിക്കുന്നത്.

Also Read : അബുദാബി ഖലീഫ സിറ്റിയിൽ പുതിയ ലുലു ഹൈപ്പര്‍മാര്‍ക്കറ്റ്; കൊവിഡ് 'തരണം ചെയ്‍ത്' എം എ യൂസഫലി

സാമൂഹിക പരിപാടികള്‍ ഒരു ഹാളിലോ ഹോട്ടലിലോ നടക്കുന്ന സാഹചര്യത്തിൽ കൊവിഡ് നിയന്ത്രണങ്ങള്‍ പൂര്‍ണമായും പാലിക്കണമെന്ന് അധികൃതര്‍ നിര്‍ദ്ദേശിച്ചിട്ടുണ്ട്. ഷാർജ എമിറേറ്റിലെ എമർജൻസി ക്രൈസിസ് ആൻഡ് ഡിസാസ്റ്റർ മാനേജ്‌മെന്റ് കമ്മിറ്റി പുറപ്പെടുവിച്ച കൊവിഡ് മുൻ കരുതൽ നടപടികളും പാലിക്കേണ്ടതുണ്ട് എന്നാണ് അധികൃതര്‍ വ്യക്തമാക്കിയിരിക്കുന്നത്.

ഇത്തരം ചെറു പരിപാടികള്‍ വീടുകളിൽ നടത്തിയാൽ അടുത്തുള്ള സബർബൻ കൗൺസിലിൽ നിന്ന് വീട്ടിലേക്ക് അനുമതി ആവശ്യമാണെന്നും അറിയിച്ചു.

Also Read : Fact Check: മെട്രോ സ്റ്റേഷനിലെ ലിഫ്റ്റിനുള്ളിൽ യുവതിക്ക് നേരെ ആക്രമണം; സത്യമെന്ത് ?

ഇത്തരം പരിപാടികളിൽ പങ്കെടുക്കുന്ന എല്ലാവരുടെയും സുരക്ഷയും ആരോഗ്യവും ഉറപ്പുവരുത്തുന്ന ഒരു കൂട്ടം നിയന്ത്രണങ്ങൾ, മുൻ കരുതൽ ആവശ്യകതകൾ, പ്രതിരോധ നടപടികൾ എന്നിവയും തീരുമാനത്തിൽ വ്യക്തമാക്കിയിട്ടുണ്ട്. ഇതിന്റെ വിശദാംശങ്ങൾ പിന്നീട് ഷാർജ എമിറേറ്റിലെ അടിയന്തര, പ്രതിസന്ധി, ദുരന്തനിവാരണ സമിതി അറിയിക്കും.