ദുബായില്‍ കൊവിഡ് വ്യാപനം രൂക്ഷം; സുരക്ഷ കർശനമാക്കി, പുതിയ മേഖലയില്‍ നിയന്ത്രങ്ങള്‍ ഇങ്ങനെ

കാർ, ഡെലിവറി വാൻ, 3 ടൺ പിക്കപ്പ് ഡബിൾ കാബിൻ എന്നിവയിൽ രണ്ട് പേരില്‍ കൂടുതല്‍ ആളുകള്‍ സഞ്ചരിക്കാന്‍ പാഠില്ല. എന്നാല്‍ പാസഞ്ചർ വാനിൽ ഡ്രൈവറെ കൂടാതെ 5 പേർക്കും ടൊയോട്ട കോസ്റ്റർ ബസിൽ ഡ്രൈവറെ കൂടാതെ 13 പേർക്കും യാത്ര ചെയ്യാം. പുതുതായി പുറപ്പെടുവിച്ച നിയമങ്ങള്‍ ലംഘിച്ചാല്‍

ഡ്രൈവർ ആയിരിക്കും പിഴ അടക്കേണ്ടി വരുന്നത്. വാഹനത്തില്‍ സഞ്ചരിക്കുന്നവര്‍ മാസ്ക് ധരിച്ചിട്ടുണ്ട് ഡ്രൈവർ ആണ് ഉറപ്പുവരുത്തേണ്ടത്.

കൊവിഡ് ബാധിച്ചവരുടെ എണ്ണം ഓരോ ദിവസവും കൂടി വരുകയാണ്. നിരവധി മേഖലകളില്‍ ആണ് നിയന്ത്രങ്ങള്‍ എത്തിയിരിക്കുന്നത്. വാക്സിനേഷന്‍ ക്യാംപയിന്‍ ശക്തമായി തുടരുമ്പോഴും കൊവിഡ് കേസുകളുടെ എണ്ണത്തിലുണ്ടായ വര്‍ദ്ധനവ് തന്നെയാണ് അധികാരികളെ ഇത്തരത്തിലൊരു നിയന്ത്രണത്തിലേക്ക് എത്തിച്ചത്. വിനേദ കേന്ദ്രങ്ങളിലെ ഭക്ഷ്യവിൽപന നിർത്തലാക്കി.

റസ്റ്ററൻ്റുകളില്‍ ഭക്ഷണം വിളമ്പുന്നതിന് കര്‍ശന നിര്‍ദ്ദേശങ്ങള്‍ ആണ് നല്‍കിയിരിക്കുന്നത്. മൂന്നു മീറ്റർ അകലത്തിൽ മാത്രമേ ഭക്ഷണം കഴിക്കാന്‍ മേശകള്‍ ഇടാന്‍ പാടുള്ളു. ഒരു ടേബിളിന് ചുറ്റും ഇരിക്കാവുന്നവരുടെ എണ്ണവും 10 പേര്‍ ആയിരുന്നു എങ്കില്‍ അത് ഏഴാക്കി ചുരുക്കിയിട്ടുണ്ട്. കൊവിഡ് ബാധിക്കുന്നവരുടെ എണ്ണം ഓരോ ദിവസവും വര്‍ദ്ധിച്ച് വരുന്ന സാഹചര്യത്തില്‍ എല്ലാ സ്റ്റേജ് ഷോകളും ദുബായ് ടൂറിസം വിഭാഗം നിര്‍ത്തിവെച്ചു. നിയമ ലംഘനങ്ങള്‍ വര്‍ദ്ധിവരുന്നതും ശ്രദ്ധയില്‍പ്പെട്ടിട്ടുണ്ട്. ഇത് വരെ 200ല്‍ അധികം നിയമലംഘനങ്ങൾ ആണ് റിപ്പോര്‍ട്ട് ചെയ്തിരിക്കുന്നത്. നിരവധി സ്ഥാപനങ്ങള്‍ അടച്ചു പൂട്ടുകയും ചെയ്തിട്ടുണ്ട്.