ദുബായ്: ഖത്തറില് നടക്കുന്ന ഫിഫ ലോകകപ്പിലെ ടുണീഷ്യയുടെ പ്രകടനത്തെ വാനോളം പുകഴ്ത്തി ദുബായ് ഭരണാധികാരി ശെയ്ഖ് മുഹമ്മദ് ബിന് റാഷിദ് അല് മക്തൂം. തുനീഷ്യന് ടീം അറബികള്ക്ക് അഭിമാനമാണെന്ന് പറഞ്ഞു. ഈ അറബ് ടീമിന്റെ കളിയാണ് 'യഥാര്ഥ ഫുട്ബോള്' എന്നും യുഎഇ വൈസ് പ്രസിഡന്റും പ്രധാനമന്ത്രിയും കൂടിയായ ദുബായ് ഭരണാധികാരി ട്വിറ്ററില് കുറിച്ചു. ബുധനാഴ്ച രാത്രി നടന്ന മത്സരത്തില് ടുണീഷ്യ ഫ്രാന്സിനെ 1-0ന് പരാജയപ്പെടുത്തിയെങ്കിലും വേണ്ടത്ര പോയിന്റുകള് നേടാന് കഴിയാതിരുന്നതിനാല് രണ്ടാം റൗണ്ടിലേക്ക് കടക്കാന് കഴിഞ്ഞിരുന്നില്ല. Also Read: ചുവപ്പ് സിഗ്നല് മറികടന്ന് പ്രവാസി ഡ്രൈവര്; ഒരു മാസം ജയില് ശിക്ഷയും പിഴയും നാടുകടത്തലും
ഫിഫയുടെ നിലവിലെ ലോക റാങ്കിംഗില് നാലാമതും 2018ലെ റഷ്യ ലോകകപ്പില് വിജയിച്ച നിലവിലെ ചാംപ്യന്മാരുമായ ഫ്രാന്സിനെയാണ് റാങ്കിംഗില് മുപ്പതാം സ്ഥാനത്തുള്ള തുനീഷ്യ മികച്ച കളിയിലൂടെ മലര്ത്തിയടിച്ചത്. തുനീഷ്യയുടെ വിജയം ഒരു അറബ് വിജയവും ലോകകപ്പിലെ സവിശേഷമായ അറബ് മുദ്രയുമാണെന്നും ശെയ്ഖ് മുഹമ്മദ് ട്വിറ്ററില് കുറിച്ചു. അടുത്ത റൗണ്ടിലേക്ക് പ്രവേശിക്കാനായില്ലെങ്കിലും വീരോചിതമായ വരവേല്പ്പാണ് തുനീഷ്യന് സംഘത്തെ നാട്ടില് കാത്തിരിക്കുന്നത്.
ഫ്രാന്സിനെതിരായ ദേശീയ ടീമിന്റെ വിജയം വലിയ ആഘോഷാരവങ്ങളോടെയാണ് ടുണീഷ്യന് ജനത ആഘോഷിക്കുന്നത്. തലസ്ഥാന നഗരിയായ തൂണിസില് രാത്രി വൈകിയും ആരാധകര് ആഘോഷിച്ചു. 75 വര്ഷത്തെ കൊളോണിയലിസത്തിന് ഞങ്ങള് പ്രതികാരം ചെയ്തതുപോലെയാണ് ഫ്രാന്സിനെതിരായ വിജനയം അനുഭവപ്പെട്ടതെന്ന് 26 കാരിയായ തുനീഷ്യന് നിയമ വിദ്യാര്ഥിനി സാറാ അബ്ദുല് മജീദ് പറഞ്ഞു. 'ഞങ്ങള് ലോക ചാമ്പ്യനെ തോല്പിച്ചു, അതിനാല് ഞങ്ങള് അടുത്ത റൗണ്ടിലേക്ക് കടന്നില്ലെങ്കിലും സങ്കടമില്ല'- അവര് കൂട്ടിച്ചേര്ത്തു, ഇത് പറയുമ്പോള് അവരുടെ കണ്ണില് നിന്ന് സന്തോഷത്തിന്റെ കണ്ണുനീര് ഒഴുകുന്നുണ്ടായിരുന്നു.
Also Read: ഇതുവരെ വ്യക്തിഗത വിസിറ്റ് വിസ എടുത്തില്ലേ? ഇനി പൗരന്മാര്ക്ക് വിദേശ സുഹൃത്തുക്കളെ കൊണ്ടുവരാം
ഇത്തവണത്തെ ലോകകപ്പില് ആദ്യ കളിയില് അര്ജന്റീനയെ ഞെട്ടിച്ച് അറബ് ലോകത്തും പുറത്തും താരപരിവേഷം നേടിയ സൗദി അറേബ്യയും തലയുയര്ത്തിയാണ് ലോകകപ്പ് മടങ്ങുന്നത്. സൗദി ടീമിന്റെ പ്രകടനത്തെയും ദുബായ് ഭരണാധികാരി ശെയ്ഖ് മുഹമ്മദ് പുകഴ്ത്തി രംഗത്തെത്തിയിരുന്നു. അറബികളുടെ അഭിമാനമുയര്ത്തുന്ന വിജയമാണിതെന്നും അറബ് ലോകം എന്നും ഇത് ഓര്ത്തുവയ്ക്കുമെന്നും അദ്ദേഹം പറയുകയുണ്ടായി. സൗദി അറേബ്യയെ മെക്സിക്കോ ഒന്നിനെതിരേ രണ്ട് ഗോളുകള്ക്ക് തോല്പ്പിച്ചെങ്കിലും മികച്ച കളിയുടെ കെട്ടഴിച്ചായിരുന്നു സൗദി ടീമിന്റെ മടക്കം. ഈ രണ്ട് ടീമുകളുടെയും വിജയം അറബ് ലോകത്ത് പുതിയ ഫുട്ബോള് തരംഗം സൃഷ്ടിക്കുമെന്നാണ് നിരീക്ഷകരുടെ വിലയിരുത്തല്. അറബ് രാജ്യങ്ങളിലെ ഫുട്ബോളിന്റെ വളര്ച്ചയെ ഇത് വലിയ തോതില് സ്വാധീനിക്കുമെന്നും നിരീക്ഷിക്കപ്പെടുന്നുണ്ട്.
Read Latest Gulf News and Malayalam News
ഫിഫയുടെ നിലവിലെ ലോക റാങ്കിംഗില് നാലാമതും 2018ലെ റഷ്യ ലോകകപ്പില് വിജയിച്ച നിലവിലെ ചാംപ്യന്മാരുമായ ഫ്രാന്സിനെയാണ് റാങ്കിംഗില് മുപ്പതാം സ്ഥാനത്തുള്ള തുനീഷ്യ മികച്ച കളിയിലൂടെ മലര്ത്തിയടിച്ചത്. തുനീഷ്യയുടെ വിജയം ഒരു അറബ് വിജയവും ലോകകപ്പിലെ സവിശേഷമായ അറബ് മുദ്രയുമാണെന്നും ശെയ്ഖ് മുഹമ്മദ് ട്വിറ്ററില് കുറിച്ചു. അടുത്ത റൗണ്ടിലേക്ക് പ്രവേശിക്കാനായില്ലെങ്കിലും വീരോചിതമായ വരവേല്പ്പാണ് തുനീഷ്യന് സംഘത്തെ നാട്ടില് കാത്തിരിക്കുന്നത്.
ഫ്രാന്സിനെതിരായ ദേശീയ ടീമിന്റെ വിജയം വലിയ ആഘോഷാരവങ്ങളോടെയാണ് ടുണീഷ്യന് ജനത ആഘോഷിക്കുന്നത്. തലസ്ഥാന നഗരിയായ തൂണിസില് രാത്രി വൈകിയും ആരാധകര് ആഘോഷിച്ചു. 75 വര്ഷത്തെ കൊളോണിയലിസത്തിന് ഞങ്ങള് പ്രതികാരം ചെയ്തതുപോലെയാണ് ഫ്രാന്സിനെതിരായ വിജനയം അനുഭവപ്പെട്ടതെന്ന് 26 കാരിയായ തുനീഷ്യന് നിയമ വിദ്യാര്ഥിനി സാറാ അബ്ദുല് മജീദ് പറഞ്ഞു. 'ഞങ്ങള് ലോക ചാമ്പ്യനെ തോല്പിച്ചു, അതിനാല് ഞങ്ങള് അടുത്ത റൗണ്ടിലേക്ക് കടന്നില്ലെങ്കിലും സങ്കടമില്ല'- അവര് കൂട്ടിച്ചേര്ത്തു, ഇത് പറയുമ്പോള് അവരുടെ കണ്ണില് നിന്ന് സന്തോഷത്തിന്റെ കണ്ണുനീര് ഒഴുകുന്നുണ്ടായിരുന്നു.
Also Read: ഇതുവരെ വ്യക്തിഗത വിസിറ്റ് വിസ എടുത്തില്ലേ? ഇനി പൗരന്മാര്ക്ക് വിദേശ സുഹൃത്തുക്കളെ കൊണ്ടുവരാം
ഇത്തവണത്തെ ലോകകപ്പില് ആദ്യ കളിയില് അര്ജന്റീനയെ ഞെട്ടിച്ച് അറബ് ലോകത്തും പുറത്തും താരപരിവേഷം നേടിയ സൗദി അറേബ്യയും തലയുയര്ത്തിയാണ് ലോകകപ്പ് മടങ്ങുന്നത്. സൗദി ടീമിന്റെ പ്രകടനത്തെയും ദുബായ് ഭരണാധികാരി ശെയ്ഖ് മുഹമ്മദ് പുകഴ്ത്തി രംഗത്തെത്തിയിരുന്നു. അറബികളുടെ അഭിമാനമുയര്ത്തുന്ന വിജയമാണിതെന്നും അറബ് ലോകം എന്നും ഇത് ഓര്ത്തുവയ്ക്കുമെന്നും അദ്ദേഹം പറയുകയുണ്ടായി. സൗദി അറേബ്യയെ മെക്സിക്കോ ഒന്നിനെതിരേ രണ്ട് ഗോളുകള്ക്ക് തോല്പ്പിച്ചെങ്കിലും മികച്ച കളിയുടെ കെട്ടഴിച്ചായിരുന്നു സൗദി ടീമിന്റെ മടക്കം. ഈ രണ്ട് ടീമുകളുടെയും വിജയം അറബ് ലോകത്ത് പുതിയ ഫുട്ബോള് തരംഗം സൃഷ്ടിക്കുമെന്നാണ് നിരീക്ഷകരുടെ വിലയിരുത്തല്. അറബ് രാജ്യങ്ങളിലെ ഫുട്ബോളിന്റെ വളര്ച്ചയെ ഇത് വലിയ തോതില് സ്വാധീനിക്കുമെന്നും നിരീക്ഷിക്കപ്പെടുന്നുണ്ട്.
Read Latest Gulf News and Malayalam News