കേബിള്‍ റെയിലിലൂടെ മണിക്കൂറില്‍ 500 കിമീ വേഗത; യാത്രയ്‌ക്കൊരുങ്ങി സ്‌കൈ വേ, അറിയേണ്ടതെല്ലാം

ഷാര്‍ജ: യുഎഇയിലെ ആദ്യ അതിവേഗ ഇലക്ട്രിക് സ്‌കൈ പോഡ് പദ്ധതിയായ ഷാരജ സ്‌കൈ വേ യാത്രയ്‌ക്കൊരുങ്ങുന്നു. മാര്‍ച്ച് മുതല്‍ യാത്രക്കാര്‍ക്ക് പോഡില്‍ കയറാനായേക്കും. കേബിള്‍ റെയിലിലൂടെ മണിക്കൂറില്‍ 500 കിമീ വേഗതയില്‍ സഞ്ചരിക്കാനാകും.

Also Read: ഏറ്റവും ശക്തമായ അറബ് രാജ്യമായി സൗദി; ആഗോള തലത്തില്‍ പതിനൊന്നാമത്

യാത്രയ്ക്ക് മാത്രമല്ല, ചരക്കുനീക്കത്തിനും സ്‌കൈ വേ ഉപയോഗപ്പെടുത്താം. ഷാര്‍ജ റിസര്‍ച്, ടെക്‌നോളജി ആന്‍ഡ് ഇന്നവേഷന്‍ പാര്‍ക്കില്‍ (എസ്ആര്‍ടിഐപി) ആദ്യ ഘട്ടത്തില്‍ 2 കിമീ പാതയാണ് ഒരുങ്ങുന്നത്. 2019 ഒക്ടോബര്‍ മുതല്‍ പരീക്ഷണ ഓട്ടങ്ങള്‍ ആരംഭിച്ചു. ബെലൈറസിലെ സ്‌കൈവേ ടെക്‌നോളജീസിനാണ് നിര്‍മ്മാണ ചുമതല.

മേയ് മാസം ആകുമ്പോഴേയ്ക്കും 2 കിമീ ട്രാക്ക് കൂടി പൂര്‍ത്തിയാകും. ഷാര്‍ജ മുതല്‍ ഖോര്‍ഫക്കാന്‍ വരെ 130 കിമീ പാത യാഥാര്‍ഥ്യമാക്കുകയാണ് ലക്ഷ്യം. ഗ്രാമീണ മേഖലകളില്‍ നിന്നുള്ള ചരക്ക് നീക്കത്തിനും പദ്ധതി വന്‍ നേട്ടം കൊയ്യും.

ട്രെയിന്‍ പോകുന്നതില്‍ നിന്ന് വ്യത്യസ്തമായി സ്‌കൈവേയുടെ ട്രാക്ക് മുകളിലായിരിക്കും. സ്‌റ്റേഷനുകള്‍ ഉണ്ടാകും. കേബിള്‍ റെയിലിലൂടെ ആയതിനാല്‍ ആരുടെയും ഭൂമി നഷ്ടപ്പെടില്ല. ഗ്രാമീണ മേഖലകളിലെ ഹരിത പദ്ധതികളെ ബാധിക്കില്ല. റോഡ് നിര്‍മ്മാണത്തിനും അറ്റകുറ്റപ്പണിക്കും വേണ്ടിവരുന്ന തുകയെ അപേക്ഷിച്ച് ചെലവ് കുറവാണ്. ഇന്ധനച്ചെലവും കുറവാണ്.

Also Read: കാരണങ്ങളില്ലാതെ ജോലിയില്‍ നിന്ന് പിരിച്ചുവിട്ടു; പ്രവാസിക്ക് 9000 ദിനാര്‍ നഷ്ടപരിഹാരം നല്‍കാന്‍ ബഹ്റൈന്‍ കോടതി വിധി

നഗരമേഖലകളിലെ പോഡുകളില്‍ 14 യാത്രക്കാര്‍ക്ക് കയറാം. പരമാവധി വേഗം മണിക്കൂറില്‍ 150 കിമീ ആണ്. വലിയ പോഡുകളില്‍ ആണെങ്കില്‍ 48 മുതല്‍ 75 വരെ യാത്രക്കാര്‍ക്ക് കയറാം. 500 കിമീ ആണ് മണിക്കൂറില്‍ പരമാവധി വേഗത.