ജോലി ചെയ്തിരുന്ന സ്ഥാപനത്തിൽ നിന്ന് 94 ലക്ഷം രൂപ തട്ടിയെടുത്തു; ജീവനക്കാരന് ശിക്ഷ വിധിച്ച് കോടതി

യുഎഇ: ജോലി ചെയ്തിരുന്ന സ്ഥാപനത്തിൽ നിന്ന് ലക്ഷങ്ങൾ തട്ടിയെടുത്ത പ്രവാസിക്ക് ശിക്ഷ വിധിച്ചു. ഒരു ഫുഡ് ട്രേഡിങ് കമ്പനിയിൽ സെയിൽസ് വിഭാഗത്തിൽ ജോലി ചെയ്തിരുന്ന ജീവനക്കാരനാണ് ആറ് മാസം ജയിൽ ശിക്ഷ വിധിച്ചത്. ശിക്ഷ പൂർത്തിയാക്കിയ ശേഷം ഇയാളെ നാടുകടത്തും. പ്രതിയുടെ പേരുവിവരങ്ങൾ അധികൃതർ പുറത്തുവിട്ടിട്ടില്ല. പ്രവാസി കുടുംബങ്ങള്‍ക്ക് ഉള്‍പ്പെടെ റമദാന്‍ കിറ്റുമായി ഖത്തര്‍; ഗിവിങ് ബാസ്‌ക്കറ്റ് പദ്ധതി നാലാം വര്‍ഷത്തിലേക്ക്
കഴിഞ്ഞ വർഷമാണ് കേസിനാസ്പദമായ സംഭവം ഉണ്ടായത്. സെയിൽസ് എക്സിക്യൂട്ടീവായി ജോലി ചെയ്തിരുന്ന പ്രതി കമ്പനിയിൽ നിന്ന് 4,19,000 ദിർഹം (94 ലക്ഷം ഇന്ത്യൻ രൂപ) ആണ് മോഷ്ടിച്ചത്. സാധനങ്ങൾ വിതരണം ചെയ്യുന്ന ഒരു ഉപഭോക്താവിൽ നിന്ന് പ്രതി പണം കൈപ്പറ്റിയെങ്കിലും കമ്പനിയുടെ കണക്കിൽ ചേർത്തില്ല.


തട്ടിപ്പ് നടന്ന സമയത്ത് പണം നഷ്ടമായ വിവരം കമ്പനി അറിഞ്ഞിരുന്നില്ല. എന്നാൽ, വാർഷിക കണക്കുകൾ പരിശോധിച്ചപ്പോൾ 4,19,000 ദിർഹത്തിൻ്റെ കുറവ് കണ്ടെത്തിയത്. സെയിൽസ് എക്സിക്യൂട്ടീവ് ജീവനക്കാരുമായി ബന്ധപ്പെട്ടാണ് തട്ടിപ്പ് നടന്നതെന്ന് പരിശോധനയിൽ വ്യക്തമായി. തുടർന്ന് ജീവനക്കാരനോട് വിവാം തിരക്കിയെങ്കിലും ഇയാൾ ആരോപണം നിഷേധിച്ചു.

അനുമതി വാങ്ങാതെ ഇഫ്താര്‍ വിതരണം ചെയ്യരുതെന്ന് ദുബായ്; നിയമം ലംഘിച്ചാല്‍ പിഴ ഒരു ലക്ഷം ദിര്‍ഹം
2006 മുതൽ കമ്പനിയുടെ ഭാഗമായി ജോലി ചെയ്തിരുന്ന ജീവനക്കാരിലേക്ക് സംശയം നീണ്ടതോടെ കമ്പനി പോലീസിൽ പരാതി നൽകുകയായിരുന്നു. പോലീസ് നടത്തിയ പരിശോധനയിൽ ജീവനക്കാരൻ തട്ടിപ്പ് നടത്തിയതായി കണ്ടെത്തി. കൈപ്പറ്റിയ പണം ഇയാൾ കമ്പനിയിൽ അടച്ചിട്ടില്ലെന്ന് വ്യക്തമായി. പണമിടപാട് നടന്നതിൻ്റെ റസിപ്റ്റ് തെളിവുകൾ അന്വേഷണത്തിൽ പോലീസ് കണ്ടെത്തി. തെളിവുകള്‍ വിശദമായി പരിശോധിച്ച കോടതി ഇയാള്‍ പണം മോഷ്ടിച്ചുവെന്ന് കണ്ടെത്തുകയായിരുന്നു.

Read Latest Gulf Newsand Malayalam News