യുഎഇയില്‍ ജോലി ചെയ്യുന്ന കമ്പനിയില്‍ നിന്ന് 50 ലക്ഷം ദിര്‍ഹം മോഷ്ടിച്ചു, പ്രവാസിയും സഹോദരനും പിടിയിൽ

യുഎഇ: ജോലി ചെയ്യുന്ന കമ്പനിയിൽ നിന്നും 50 ലക്ഷം ദിര്‍ഹം മോഷ്ടിച്ച പ്രവാസിയും സഹോദരനും പിടിയിൽ. പിടിയിൽ ആയ പ്രതികളെ അഞ്ച് വര്‍ഷം ജയില്‍ ശിക്ഷക്ക് വിധിച്ചിരിക്കുകയാണ് കോടതി. ശിക്ഷ പൂർത്തിയായ ശേഷം ഇവരെ നാടുകടത്താൻ ആണ് തീരുമാനിച്ചിരിക്കുന്നത്. ദുബായിലെ പുകയില വ്യാപാര കമ്പനിയില്‍ അക്കൗണ്ടന്റായി ജോലി ചെയ്‍തിരുന്ന യുവാവാണ് കമ്പനിയിൽ നിന്നും പണം അടിച്ചുമാറ്റിയത്.

Also Read: അബുദാബി ബിഗ് ടിക്കറ്റ് നറുക്കെടുപ്പ്; ഖത്തറിൽ ജോലിചെയ്യുന്ന മലയാളിക്ക് 65 ലക്ഷം രൂപ

സ്ഥാപനത്തിലെ അക്കൗണ്ടന്റിനെ പറ്റിച്ച് ലോക്കറിന്റെ താക്കേൽ സ്വന്തമാക്കി. പിന്നീട് ഇലക്ട്രോണിക് കാര്‍ഡും തന്ത്രപൂർവം കെെവശപ്പെടുത്തി. കഴിഞ്ഞ മാർച്ചിലാണ് സംഭവം നടക്കുന്നത്. കമ്പനിയിലെ ക്യാഷ്യര്‍ ഒരു ദിവസം ലോക്കര്‍ തുറന്നപ്പോഴാണ് പണം നഷ്ട്ടപ്പെട്ട വിവരം മനസിലായത്. തുടർന്ന് കമ്പനിയിലെ സെക്യൂരിറ്റി ടീം സിസിടിവി ദൃശ്യങ്ങള്‍ പരിശോധിച്ചു. ജോലി സമയം കഴിഞ്ഞ് രണ്ട് പേര്‍ സ്ഥാപനത്തില്‍ എത്തിയതായി ഇതിൽ നിന്നും കണ്ടെത്തി. ഇതിൽ ഒരാൾ സ്ഥാപനത്തില്‍ ജോലി ചെയ്‍തിരുന്ന അക്കൗണ്ടന്റായിരുന്നു. സംഭവം വ്യക്തമായതോടെ ദൃശ്യങ്ങള്‍ കമ്പനി പോലീസിന് കെെമാറി. പരാതി നൽകി.

Also Read: ജോലി കഴിഞ്ഞ് വീട്ടിലേക്ക് മ‍ടങ്ങുന്നതിനിടെ അപകടം; മലയാളി വിദ്യാർത്ഥി ലണ്ടനിൽ മരിച്ചു

പിന്നീട് പോലീസ് കമ്പനിയിലെ അക്കൗണ്ടന്റിനെ കണ്ടെത്തി. ഇയാളെ ചോദ്യം ചെയ്തപ്പോൾ 12 ലക്ഷം ദിര്‍ഹവും ആഭരണങ്ങളും കംപ്യൂട്ടറുകളും കണ്ടെടുത്തു. സ്ഥാപനത്തില്‍ നിന്ന് പണം മോഷ്ടിച്ചെന്ന് പ്രതി സമ്മതിച്ചു. തന്റെ സഹോദരന്റെ സഹായത്തോടെയായിരുന്നു മോഷണം നടത്തിയത്. ക്യാഷ്യര്‍ അറിയാതെ എല്ലാ കെെക്കലാക്കി എല്ലാത്തിന്റെയും വ്യാജ കോപ്പികൾ ഉണ്ടാക്കി തിരികെ നൽകി. പിന്നീട് അവ ഉപയോഗിച്ച് മോഷണം നടത്തുകയുമായിരുന്നു.

മോഷ്ടിച്ച പണം ഒരു ബന്ധുവിന് നൽകി. ഇയാൾ അത് നിയമവിരുദ്ധമായ മാര്‍ഗങ്ങളിലൂടെ നാട്ടിലെത്തിച്ചു. ചോദ്യം ചെയ്യലിൽ പ്രതി കുറ്റം സമ്മതിച്ചിട്ടുണ്ട്. പ്രതികൾ കുറ്റക്കാരാണെന്ന് കോടതി കണ്ടെത്തി. മോഷ്ടിച്ച പണവും ഇവര്‍ രണ്ട് പേരും ചേര്‍ന്ന് തിരികെ നല്‍കണം.

Read Latest Gulf News and Malayalam News