ഡ്യൂട്ടി ഫ്രീ മില്ലേനിയം മില്യനയര്‍ നറുക്കെടുപ്പ്; എട്ട് കോടിയിലധികം രൂപ സ്വന്തമാക്കി പ്രവാസി

ദുബായ്: കഴിഞ്ഞ ദിവസം നടന്ന ദുബായ് ഡ്യൂട്ടി ഫ്രീ മില്ലേനിയം മില്യനയര്‍ നറുക്കെടുപ്പില്‍ പ്രവാസിക്ക് ജയം. 10 ലക്ഷം ഡോളര്‍ (എട്ട് കോടിയിലധികം ഇന്ത്യന്‍ രൂപ)യാണ് പ്രവാസിക്ക് സമ്മാനമായി ലഭിച്ചത്. ദുബായ് അന്താരാഷ്‍ട്ര വിമാനത്താവളത്തിലെ കോണ്‍കോഴ്‍സ് 'ഡി'യില്‍ നടന്ന നറുക്കെടുപ്പില്‍ ആണ് പ്രവാസിക്ക് സമ്മാനം ലഭിച്ചത്. ലെബനാന്‍ പൗരനായ സിയാദ് നെഹ്‍മയാണ് സമ്മാനം കരസ്ഥമാക്കിയത്. നാല് വർഷമായി അദ്ദേഹം ഭാഗ്യപരീക്ഷണം നടത്താൻ തുടങ്ങിയിട്ട്. 44 വയസുകാരനാണ് സിയാദ് നെഹ്‍മ.

Also Read: മദീനയ്ക്ക് പിന്നാലെ ജിസാനിലും സൗദിവല്‍ക്കരണം; ഈ ജോലികളില്‍ 70 ശതമാനം സൗദികളായിരിക്കണം, ആറു മാസത്തിനു ശേഷം സൗദിവല്‍ക്കരണ തീരുമാനങ്ങള്‍ നിലവില്‍വരും.

ദുബായിലെ ഒരു ഐടി കമ്പനിയില്‍ ബിസിനസ് ഡെവലപ്‍മെന്റ് മാനേജറായി ജോലി ചെയ്യുകയാണ് സിയാദ്. നാല് വർഷമായി എല്ലാ മാസവും അദ്ദേഹം ടിക്കറ്റ് എടുക്കുന്നുണ്ട്. 2007 മുതല്‍ യുഎഇയില്‍ ആണ് സിയാദ് താമസിക്കുന്നത്. സമ്മാനം ലഭിച്ചതിന്റെ സന്തോഷം അദ്ദേഹം അറിയിച്ചു. കൂടാതെ ദുബായ് ഡ്യൂട്ടി ഫ്രീക്ക് നന്ദി അറിയിച്ചു. 1999ല്‍ ആണ് ദുബായ് ഡ്യൂട്ടി ഫ്രീയുടെ മില്ലേനിയം മില്യനയര്‍ നറുക്കെടുപ്പ് ആരംഭിച്ചത്. ഒന്നാം സമ്മാനം നേടുന്ന 13-ാമത്തെ ലെബനീസ് പൗരനാണ് അദ്ദേഹം.

Also Read: പിഎസ്ജിയിലെ ഇഷ്ടതാരങ്ങളുടെ പരിശീലനം കാണാന്‍ ഖത്തര്‍ സ്റ്റേഡിയത്തിലെത്തിയത് 30,000ത്തിലേറെ പേര്‍

മില്ലേനിയം മില്യനയര്‍ നറുക്കെടുപ്പിന് പുറമെ ആഡംബര വാഹനങ്ങള്‍ സമ്മാനം നൽകുന്ന നറുക്കെടുപ്പും കഴിഞ്ഞ ദിവസം നടന്നു. ഇന്ത്യക്കാരനായ ബിജു ജോസഫ് ആണ് ഹാര്‍ലി ഡേവിഡ്‍സണ്‍ മോട്ടോര്‍ബൈക്ക് സ്വന്തമാക്കിയത്. 54 വയസുകാരന്‍ ആണ് അദ്ദേഹം. ആദ്യമായാണ് ബിജു ജോസഫ് നറുക്കെടുപ്പില്‍ ടിക്കറ്റ് എടുത്തത്. മറ്റൊരു ആഡംബര ബൈക്ക് സമ്മാനം ലഭിച്ചത് ഇന്ത്യക്കാരന് തന്നെയാണ്. ബഹ്റൈന്‍ പൗരനാണ് മെര്‍സിഡസ് ബെന്‍സ് എസ് 500 ഡയമണ്ട് വൈറ്റ് കാര്‍ സമ്മാനമായി ലഭിച്ചത്. 32 വയസുകാരനാണ് അദ്ദേഹം. അദ്ദേഹവും ആദ്യമായാണ് ടിക്കറ്റ് എടുക്കുന്നത്.

Read Latest Gulf News and Malayalam News