ജിസിസി രാജ്യങ്ങളിൽ കഴിയുന്ന വിദേശികൾക്ക് രാജ്യത്തേക്ക് പ്രവേശിക്കണമെങ്കിൽ ഓൺലൈൻ വിസ വേണം: യുഎഇ

യുഎഇ: ജിസിസി രാജ്യങ്ങളിൽ കഴിയുന്ന വിദേശികൾക്ക് യുഎഇയിലേക്ക് പ്രവേശിക്കണമെങ്കിൽ ഓൺലൈൻ വിസ വേണം എന്ന് അധികൃതർ അറിയിച്ചു. യുഎഇയിൽ നിന്നും ജിസിസിയിലെ മറ്റു രാജ്യങ്ങളിലേക്ക് പോകുകയാണെങ്കിൽ യാത്രക്ക് മുമ്പ് തന്നെ ഇ- വിസ എടുത്ത് എൻട്രി പെർമിറ്റ് നേടണം.

യുഎഇ സന്ദർശിക്കാൻ താൽപര്യമുള്ള മറ്റു ജിസിസി രാജ്യങ്ങളിൽ നിന്നുള്ള വിദേശ പൗരൻമാർ ഓൺലൈൻ വഴി വിസക്ക് അനുമതി തേടിയിരിക്കണം. ഇതിന് ശേഷമായിരിക്കണം യാത്ര പുറപ്പെടേണ്ടത്. എമിറേറ്റുകളിലെ വിമാനത്താവളങ്ങളിൽ ഇറങ്ങിയ ദിവസം മുതൽ 30 ദിവസം യുഎഇയിൽ തങ്ങാൻ ആവശ്യമായ വിസകൾ സർക്കാർ പോർട്ടലുകൾ വഴി ലഭിക്കുമെന്ന് യുഎഇ അധികൃതർ വ്യക്തമാക്കി.

Also Read: 2021ല്‍ കുവൈറ്റില്‍ പുകവലിക്കാര്‍ വലിച്ചൂതിയത് 100 കോടിയിലേറെ രൂപയുടെ പുകയില ഉല്‍പ്പന്നങ്ങള്‍

പിന്നീട് 30 ദിവസത്തേക്ക് കൂടി ലഭിച്ച പെർമിറ്റ് പുതുക്കാൻ അവസരം ഉണ്ടായിരിക്കും. ദുബായ് താമസ കുടിയേറ്റ വകുപ്പ് , ഫെഡറൽ അതോറിറ്റി ഫോർ ഐഡന്റിറ്റി സിറ്റിസൺഷിപ്, കസ്റ്റംസ് ആന്റ് പോർട്ട് സെക്യൂരിറ്റി വെബ് സൈറ്റുകൾ വഴിയാണ് ദുബായിലേക്കുള്ള ഓൺലൈൻ എൻട്രി പെർമിറ്റുകൾക്ക് വിദേശികൾ അപേക്ഷ നൽകേണ്ടത്. വിദേശികൾ സമർപ്പിച്ച അപേക്ഷകൾ അധികൃതർ സൂക്ഷ്മ പരിശോധന നടത്തിയ ശേഷം അപേക്ഷകന് ഇമെയിൽ വഴി മറുപടി നൽകും.


Also Read: ദുബായിൽ വൻ ശമ്പളം വാഗ്ദാനം, വഞ്ചിതരായത് മലയാളി നഴ്സുമാർ, നഷ്ടമായത് ലക്ഷങ്ങൾ

കുടുംബസമേതം യുഎഇയിലേക്ക് പോകാൻ വേണ്ടി അപേക്ഷിക്കുന്നവർ മുഴുവൻ ആളുകൾക്കും അനുമതി ലഭിച്ചെന്ന് യാത്രക്ക് മുമ്പ് തന്നെ ഉറപ്പുവരുത്തണം. എല്ലാവർക്കും പ്രവേശനാനുമതിയുണ്ടോ എന്ന് ഉറപ്പിച്ച് ശേഷം മാത്രം യാത്ര ചെയ്യുക. ജിസിസി പൗരന്മാർക്കൊപ്പം വരുന്നവരുടെ എൻട്രി പെർമിറ്റിന് 60 ദിവസത്തെ കാലാവധി ഉണ്ടായിരിക്കും. ഏത് രാജ്യത്താണോ പ്രവേശിക്കുന്നത് അവിടെ എത്തിയ അന്നു മുതൽ 60 ദിവസം വരെ നിക്കാൻ സാധിക്കും. പിന്നീട് വിസ പുതുക്കാൻ അവസരം നൽക്കുന്നുണ്ട്.