ദുബായിൽ കെട്ടിടത്തിന്റെ 11-ാം നിലയിൽ നിന്ന് വീണ് ഇന്ത്യക്കാരൻ മരിച്ചു

ദുബായ്: ഷാർജയിൽ ആണ് കഴിഞ്ഞ ദിവസം ദാരുണമായി സംഭവം നടന്നത്. അൽ താവൂൻ ഏരിയയിൽ കെട്ടിടത്തിന്റെ 11-ാം നിലയിൽ നിന്ന് വീണായിരുന്നു ഇന്ത്യക്കാരൻ മരിച്ചത്. പുലർച്ചെ 12.30 നായിരുന്നു സംഭവം നടക്കുന്നത്. ഇയാൾ ആത്മഹത്യ ചെയ്തതാണെന്നാണ് പ്രാഥമിക നിഗമനം.

Also Read: വിദേശികൾക്ക് പ്രിയങ്കരമായ രാജ്യങ്ങൾ; 12ാം സ്ഥാനം കരസ്ഥമാക്കി ഒമാൻ, മറ്റ് ജി.സി.സി രാജ്യങ്ങളുടെ റാങ്ക് പരിശോധിക്കുമ്പോൾ ഒമാൻ ആണ് മുന്നിൽ

11-ാംമത്തെ കെട്ടിടത്തിന്റെ അപ്പാർട്ട്‌മെന്റിന്റെ ബാൽക്കണിയിൽ നിന്നാണ് ഇദ്ദേഹം താഴെ വീണത്. ഇയാൾ വീഴുന്ന സമയത്ത് മദ്യലഹരിയിലായിരുന്നുവെന്നു പ്രാഥമിക അന്വേഷണത്തിൽ പേലീസ് കണ്ടെത്തിയിട്ടുണ്ട്. താൻ കെട്ടിടത്തിൽ നിന്ന് ചാടി മരിക്കുമെന്ന് വീട്ടുക്കാരെ ഭീഷണിപ്പെടുത്തിയതായി പല തരത്തിലുള്ള റിപ്പോർട്ടുകളും ഉണ്ട്.

Also Read: നാട്ടിലേക്ക് പണമയയ്ക്കാൻ തിരക്ക്; ചരിത്രത്തിലെ ഏറ്റവും ഉയർന്ന നിരക്കിൽ ദിർഹം

ഇയാളുടെ ആത്മഹത്യാ ഭീഷണി വീട്ടുകാർ പൊലീസിൽ അറിയിച്ചിരുന്നു. എന്നാൽ പേലീസ് എത്തുന്നതിന് മുമ്പ് തന്നെ ഇയാൾ കെട്ടിടത്തിൽ നിന്നും ചാടി വീഴുകയായിരുന്നു. കുടുംബവുമായി ഇയാൾ വലിയ പ്രശ്നത്തിലായിരുന്നു. മകൾക്കൊപ്പം താനും തീകൊളുത്തി മരിക്കുമെന്ന് ഇയാൾ നേരത്തെ തന്നെ ഭാര്യയെ ഭീഷണിപ്പെടുത്തിയിരുന്നു. തുടർന്നു ഭാര്യ ഇതുമായി ബന്ധപ്പെട്ട് പോലീസിൽ പരാതി നൽകിയിട്ടുണ്ട്.

ഇയാളുടെ മൃതദേഹം ആശുപത്രിയിലേക്ക് മാറ്റി. ഇവിടെയുള്ള നടപടികൾ പൂർത്തിയാക്കിയ ശേഷം മൃതദേഹം ഫോറൻസിക് സയൻസ് ലബോറട്ടറിയിലേക്ക് മാറ്റും. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. മരിച്ചയാളെകുറിച്ച് കൂടുതൽ വിവരങ്ങൾ പോലീസ് പുറത്തിവിട്ടിട്ടില്ല.