അബുദാബി: അബൂദാബിയിലെ പ്രവാസികള് തിങ്ങിപ്പാര്ക്കുന്ന ഖാലിദിയ്യയിലെ റെസ്റ്റോറന്റിലുണ്ടായ ഗ്യാസ് സിലിണ്ടര് സ്ഫോടനത്തില് മരിച്ച രണ്ടു പേരില് ഒരാള് മലയാളിയാണെന്ന് സൂചന. മരിച്ചവരില് ആലപ്പുഴ സ്വദേശി ശ്രീകുമാര് ഉണ്ടെന്നാണ് ബന്ധുക്കള് നല്കുന്ന സൂചന. എന്നാല്, ഇക്കാര്യത്തില് ഔദ്യോഗിക സ്ഥിരീകരണം വന്നിട്ടില്ല. മരിച്ചവരില് ഒരു ഇന്ത്യക്കാരന് ഉള്പ്പെടുന്നതായി യുഎഇയിലെ ഇന്ത്യന് എംബസി ഉദ്യോഗസ്ഥര് ഇന്നലെ അറിയിച്ചിരുന്നു. എന്നാല് അത് ആരാണെന്ന കാര്യം സ്ഥിരീകരിക്കാനിരിക്കുന്നതേയുള്ളൂ. മരിച്ച മറ്റൊരാള് പാകിസ്ഥാന് പൗരനാണെന്ന് പാക് എംബസി അറിയിച്ചു. Also Read: യുഎഇയില് കുരങ്ങുപനി 29കാരിയില്; രോഗം കണ്ടെത്തിയിട്ടില്ലെന്ന് സൗദിയും ഒമാനും
തിങ്കളാഴ്ച ഉച്ചയോടെയാണ് ആളുകള് തിങ്ങിത്താമസിക്കുന്ന ഖാലിദിയ്യയിലെ റെസ്റ്റൊറന്റില് ഗ്യാസ് സിലിണ്ടര് പൊട്ടിത്തെറിച്ച് രണ്ടു പേര് മരിച്ചത്. 120ലേറെ പേര്ക്ക് പരിക്കേല്ക്കുകയും ചെയ്തിരുന്നു. ഇവരില് പലരുടെയും നില ഗുരുതരമായി തുടരുകയാണെന്ന് അധികൃതര് അറിയിച്ചു. ഉച്ചക്ക് ഒരു മണിയോടെ മലയാളിയുടെ ഉടമസ്ഥതയിലുള്ള ഫുഡ് കെയര് റെസ്റ്റോറന്റിലാണ് പൊട്ടിത്തെറിയുണ്ടായത്. ഗ്യാസ് സിലിണ്ടര് പൊട്ടിത്തെറിച്ചതാണെന്ന് അബൂദാബി പോലീസ് അറിയിച്ചു. രണ്ടുതവണ സ്ഫോടനമുണ്ടായതായി പ്രദേശവാസികള് പറഞ്ഞു. ആറ് കെട്ടിടങ്ങള്ക്ക് സ്ഫോടനത്തില് കേടുപാട് സംഭവിച്ചു. സമീപത്ത് പാര്ക്ക് ചെയ്തിരുന്ന വാഹനങ്ങള്ക്കും കേടുപാടുണ്ട്. ആദ്യം ചെറുതും പിന്നീട് വലിയ തോതിലും സ്ഫോടന ശബ്ദം കേട്ടതായി പ്രദേശവാസികള് പറഞ്ഞു. സ്ഫോടനത്തെ തുടര്ന്ന് കെട്ടിടങ്ങളുടെ ജനാലകള് കുലുങ്ങി ഗ്ലാസ്സുകള് തകര്ന്നുവീണു.
പരിക്കേറ്റവര് വിവിധ ആശുപത്രിയില് ചികിത്സയിലാണെന്ന് അവര്ക്ക് മികച്ച ചികില്സ ലഭ്യമാക്കി വരികയാണെന്നും അബുദാബി സിവില് ഡിഫന്സ് അധികൃതര് അറിയിച്ചു. ഇവര്ക്ക് ആവശ്യമായ എല്ലാ സൗകര്യങ്ങളും ആശുപത്രിയില് ഒരുക്കിയിട്ടുണ്ട്. പരിക്കേറ്റവരുടെ വിവരങ്ങള് ബന്ധപ്പെട്ട എംബസികളുമായും കുടുംബാംഗങ്ങളുമായും പങ്കുവച്ചുവരികയാണെന്നും അവരെ സന്ദര്ശിക്കാന് ബന്ധുക്കള്ക്ക് അവസരം ഒരുക്കുമെന്നും അധികൃതര് പ്രസ്താവനയില് വ്യക്തമാക്കി.
Also Read: യുഎഇയില് കുരങ്ങു പനി സ്ഥിരീകരിച്ചു; ഗള്ഫ് മേഖലയില് ഇതാദ്യം
അതിനിടെ, അബുദാബിയില് ഗ്യാസ് സിലിണ്ടര് സ്ഫോടനത്തില് നാശനഷ്ടം നേരിട്ട പ്രദേശങ്ങളിലെ ബാരിക്കേഡുകള് നീക്കിയതായി പോലിസ് അറിയിച്ചു. മുന്കരുതല് നടപടിയെന്നോണം കേടുപാടുകള് സംഭവിച്ച കെട്ടിടങ്ങളില് നിന്ന് മാറ്റിയ താമസക്കാരെ തിരികെ പ്രവേശിപ്പിച്ചുവരുന്നതായും അധികൃതര് വ്യക്തമാക്കി. കെട്ടിടത്തിന്റെ സുരക്ഷ ഉറപ്പുവരുത്തിയ ശേഷമാണ് നടപടി. രക്ഷാ പ്രവര്ത്തനത്തില് പ്രദേശ വാസികള് നല്കിയ സഹായത്തിനും പിന്തുണയ്ക്കും പോലീസ് നന്ദി പറഞ്ഞു. അതോടൊപ്പം ഗ്യാസ് സിലിണ്ടര്, ഇലക്ട്രിക്കല് ഉപകരണങ്ങള് തുടങ്ങിയവയുടെ സുരക്ഷ കൃത്യമായ പരിശോധനകളിലൂടെ ഉറപ്പുവരുത്തണമെന്നും പോലീസ് അറിയിച്ചു.
തിങ്കളാഴ്ച ഉച്ചയോടെയാണ് ആളുകള് തിങ്ങിത്താമസിക്കുന്ന ഖാലിദിയ്യയിലെ റെസ്റ്റൊറന്റില് ഗ്യാസ് സിലിണ്ടര് പൊട്ടിത്തെറിച്ച് രണ്ടു പേര് മരിച്ചത്. 120ലേറെ പേര്ക്ക് പരിക്കേല്ക്കുകയും ചെയ്തിരുന്നു. ഇവരില് പലരുടെയും നില ഗുരുതരമായി തുടരുകയാണെന്ന് അധികൃതര് അറിയിച്ചു. ഉച്ചക്ക് ഒരു മണിയോടെ മലയാളിയുടെ ഉടമസ്ഥതയിലുള്ള ഫുഡ് കെയര് റെസ്റ്റോറന്റിലാണ് പൊട്ടിത്തെറിയുണ്ടായത്. ഗ്യാസ് സിലിണ്ടര് പൊട്ടിത്തെറിച്ചതാണെന്ന് അബൂദാബി പോലീസ് അറിയിച്ചു. രണ്ടുതവണ സ്ഫോടനമുണ്ടായതായി പ്രദേശവാസികള് പറഞ്ഞു. ആറ് കെട്ടിടങ്ങള്ക്ക് സ്ഫോടനത്തില് കേടുപാട് സംഭവിച്ചു. സമീപത്ത് പാര്ക്ക് ചെയ്തിരുന്ന വാഹനങ്ങള്ക്കും കേടുപാടുണ്ട്. ആദ്യം ചെറുതും പിന്നീട് വലിയ തോതിലും സ്ഫോടന ശബ്ദം കേട്ടതായി പ്രദേശവാസികള് പറഞ്ഞു. സ്ഫോടനത്തെ തുടര്ന്ന് കെട്ടിടങ്ങളുടെ ജനാലകള് കുലുങ്ങി ഗ്ലാസ്സുകള് തകര്ന്നുവീണു.
പരിക്കേറ്റവര് വിവിധ ആശുപത്രിയില് ചികിത്സയിലാണെന്ന് അവര്ക്ക് മികച്ച ചികില്സ ലഭ്യമാക്കി വരികയാണെന്നും അബുദാബി സിവില് ഡിഫന്സ് അധികൃതര് അറിയിച്ചു. ഇവര്ക്ക് ആവശ്യമായ എല്ലാ സൗകര്യങ്ങളും ആശുപത്രിയില് ഒരുക്കിയിട്ടുണ്ട്. പരിക്കേറ്റവരുടെ വിവരങ്ങള് ബന്ധപ്പെട്ട എംബസികളുമായും കുടുംബാംഗങ്ങളുമായും പങ്കുവച്ചുവരികയാണെന്നും അവരെ സന്ദര്ശിക്കാന് ബന്ധുക്കള്ക്ക് അവസരം ഒരുക്കുമെന്നും അധികൃതര് പ്രസ്താവനയില് വ്യക്തമാക്കി.
Also Read: യുഎഇയില് കുരങ്ങു പനി സ്ഥിരീകരിച്ചു; ഗള്ഫ് മേഖലയില് ഇതാദ്യം
അതിനിടെ, അബുദാബിയില് ഗ്യാസ് സിലിണ്ടര് സ്ഫോടനത്തില് നാശനഷ്ടം നേരിട്ട പ്രദേശങ്ങളിലെ ബാരിക്കേഡുകള് നീക്കിയതായി പോലിസ് അറിയിച്ചു. മുന്കരുതല് നടപടിയെന്നോണം കേടുപാടുകള് സംഭവിച്ച കെട്ടിടങ്ങളില് നിന്ന് മാറ്റിയ താമസക്കാരെ തിരികെ പ്രവേശിപ്പിച്ചുവരുന്നതായും അധികൃതര് വ്യക്തമാക്കി. കെട്ടിടത്തിന്റെ സുരക്ഷ ഉറപ്പുവരുത്തിയ ശേഷമാണ് നടപടി. രക്ഷാ പ്രവര്ത്തനത്തില് പ്രദേശ വാസികള് നല്കിയ സഹായത്തിനും പിന്തുണയ്ക്കും പോലീസ് നന്ദി പറഞ്ഞു. അതോടൊപ്പം ഗ്യാസ് സിലിണ്ടര്, ഇലക്ട്രിക്കല് ഉപകരണങ്ങള് തുടങ്ങിയവയുടെ സുരക്ഷ കൃത്യമായ പരിശോധനകളിലൂടെ ഉറപ്പുവരുത്തണമെന്നും പോലീസ് അറിയിച്ചു.