‘ഇഷ കണക്ടഡ്’ ചിത്രപ്രദർശനം തുടങ്ങി; മോഡലായി മലയാളി വനിത

ദുബായ്: ‘ഇഷ കണക്ടഡ്’ എന്ന പേരിൽ ദുബായിൽ ഇന്ത്യൻ കലാകാരൻ നടത്തുന്ന ചിത്രപ്രദർശനത്തിന് തുടക്കമായി. മുംബൈ സ്വദേശിയായ കൗശൽ ചൗധരിയുടേതാണ് ചിത്രങ്ങൾ. 2019 ൽ മിസിസ് യൂനിവേഴ്സായി തെരഞ്ഞെടുക്കപ്പെട്ട മലയാളിയായ ഇഷാ ഫറാ ഖുറൈശിയെ മോഡലാക്കിയാണ് ചിത്രങ്ങൾ വരച്ചിരിക്കുന്നത്. 27 ചിത്രങ്ങളും മൂന്ന് ശിൽപങ്ങളുമാണ് ഈ പ്രദർശനത്തിലുള്ളത്.

Also Read: മലയാളികള്‍ ഉള്‍പ്പെടെ ആയിരക്കണക്കിന് ഇന്ത്യക്കാരും എക്‌സ്‌പോയുടെ ഭാഗമായി ദുബായിലുണ്ട്. എക്‌സ്‌പോ തുടങ്ങിയിട്ട് ആറു മാസമായെങ്കിലും അതിനും എത്രയോ മാസങ്ങള്‍ക്കു മുമ്പ് ലോക സാംസ്‌ക്കാരിക പ്രദര്‍ശനത്തിന്റെ അണിയറ ശില്‍പ്പികളായി എത്തിയവരാണ് ഇവരിലേറെയും.

ആത്മീയതെയും ചിത്രകലയെയും സംയോജിപ്പിച്ച് രചനകൾ നടത്തുന്ന കൗശൽ ചൗധരിയുടെ കണക്ടഡ് പരമ്പരയുടെ തുടർച്ചയാണ് ഇഷ കണക്ടഡ്. ഇഷ എന്നത് ചിത്രങ്ങൾക്ക് പ്രചോദനമായ ദേവതയുടെ പേരാണ്. അതേ പേരുള്ള മോഡലിനെ രചനക്കായി ലഭിച്ചത് ആകസ്മികമായിരുന്നു എന്ന് ചിത്രകാരൻ കൗശൽ ചൗധരി പറഞ്ഞു. മിസിസ് യൂനിവേഴ്സ്, മിസിസ് ഇന്റർനാഷണൽ പുരസ്കാരങ്ങൾ നേടിയ മലയാളി മോഡലും നർത്തകിയുമാണ് ചിത്രങ്ങളിലുള്ള തൃശൂർ ഇരിങ്ങാലക്കുട സ്വദേശി ഇഷ ഫറ ഖുറൈശി.

Also Read: റമദാനിലെ തട്ടിപ്പ്; ഓൺലൈൻ 'യാചകരെ' കുടുക്കാൻ അബുദാബി സൈബർ പോലീസ്

ഒരു വർഷം സമയമെടുത്താണ് ഇഷ കണക്ടഡിലെ ഈ ചിത്രങ്ങൾ പൂർത്തിയാക്കിയത്. മലയാളി ചിത്രകലാ അധ്യാപിക ജെസ്നോ ജാക്സനാണ് പ്രദർശനത്തിന്റെ കുറേറ്റർ. ദുബായ് ജുമൈറ ബോക്സ് പാർക്കിന് സമീപത്തെ ദി വർക് ഷോപ്പ് എന്ന ആർട്ട് ഗാലറിയിൽ ഏപ്രിൽ മൂന്ന് വരെ ടിത്ര പ്രദശനം തുടരും.