ഒരു മാസത്തോളമായി പനി ബാധിച്ചു കിടപ്പില്‍; മലയാളി ദുബായില്‍ മരിച്ചു
കഴിഞ്ഞ 10 ദിവസമായി പനി മൂര്‍ഛിച്ച് സ്വകാര്യ ആശുപത്രിയില്‍ ചികിത്സയിലായിരുന്നു. മൃതദേഹം ഇന്ന് (14) വൈകിട്ട് 3 ന് സംസ്‌കരിക്കുമെന്ന് ബന്ധുക്കള്‍ പറഞ്ഞു.
Authored byമേരി മാര്‍ഗ്രറ്റ് | Samayam Malayalam14 Dec 2022, 8:52 am
ദുബായ്: ദുബായില്‍ പനി ബാധിച്ച് മലയാളി മരിച്ചു. ആലപ്പുഴ കായംകുളം കണ്ടല്ലൂര്‍ വൈക്കത്തുശ്ശേരില്‍ ഹൗസില്‍ അജിത് ചന്ദ്രന്‍ (44) ആണു മരിച്ചത്. ദുബായില്‍ സഹോദരന്റെ കമ്പനിയില്‍ ജോലി ചെയ്തിരുന്ന അജിത് ചന്ദ്രന്‍ ഒരു മാസത്തോളമായി പനി ബാധിച്ചു കിടപ്പിലായിരുന്നു.
കഴിഞ്ഞ 10 ദിവസമായി പനി മൂര്‍ഛിച്ച് സ്വകാര്യ ആശുപത്രിയില്‍ ചികിത്സയിലായിരുന്നു. അവിവാഹിതനാണ്. പരേതനായ ജി ചന്ദ്രസേനന്റെയും പി കെ ശാന്തമ്മയുടെയും മകനാണ്. സഹോദരന്‍: അശ്വിന്‍ ചന്ദ്രന്‍. മൃതദേഹം നാട്ടിലേക്കു കൊണ്ടുപോകും. മൃതദേഹം ഇന്ന് (14) വൈകിട്ട് 3 ന് സംസ്‌കരിക്കുമെന്ന് ബന്ധുക്കള്‍ പറഞ്ഞു.
അതേസമയം, ഉംറയ്ക്കെത്തിയ തീര്‍ഥാടകന്‍ മദീനയില്‍ മരിച്ചു. നാട്ടില്‍ നിന്ന് ഉംറയ്ക്കെത്തിയ തീര്‍ഥാടകന്‍ മദീനയിലെ താമസ സ്ഥലത്ത് കുഴഞ്ഞുവീണാണ് മരിച്ചത്. കോട്ടയം തലയോലപ്പറമ്പ് താവളത്തില്‍ അബ്ദുല്‍ കരീം (76) ആണ് മരിച്ചത്. ഈരാറ്റുപേട്ടയിലെ സ്വകാര്യ ഗ്രൂപ്പിനൊപ്പം കഴിഞ്ഞ ശനിയാഴ്ചയാണ് ഉംറയ്ക്കെത്തിയത്. പെണ്‍മക്കളും മരുമകന്‍ നജീബും ഒപ്പം ഉണ്ടായിരുന്നു. ഭാര്യ: പരേതയായ മറിയം ബീവി. Also Read: ഉംറയ്ക്കെത്തിയ തീര്‍ഥാടകന്‍ താമസസ്ഥലത്ത് കുഴഞ്ഞുവീണു മരിച്ചു
അതേസമയം, മലയാളി യുവാവ് സൗദി അറേബ്യയില്‍ വാഹനാപകടത്തില്‍ മരിച്ചു. മദീനയിലുണ്ടായ അപകടത്തില്‍ പാലക്കാട് ചെര്‍പ്പുളശ്ശേരി സ്വദേശി ഷന്‍ഫീദാണ് (23) മരിച്ചത്. മദീനയില്‍ നിന്ന് 100 കിമീ അകലെ ജിദ്ദ റോഡിലെ ഉതൈമിലാണ് അപകടം ഉണ്ടായത്.
യുഎഇയില്‍ സന്ദര്‍ശക വിസ പുതുക്കാന്‍ പുതിയ നിര്‍ദേശം യുഎഇയില്‍ സന്ദര്‍ശക വിസ പുതുക്കാന്‍ പുതിയ നിര്‍ദേശം. ഇനിമുതല്‍ രാജ്യത്ത് തുടര്‍ന്നുകൊണ്ട് വിസിറ്റ് വിസ പുതുക്കാനാകില്ല. സന്ദര്‍ശക വിസ പുതുക്കണമെങ്കില്‍ രാജ്യം വിടണമെന്നാണ് അബുദാബി, ദുബായ് എമിറേറ്റുകളിലെ ട്രാവല്‍ ഏജന്റുമാര്‍ക്ക് ലഭിച്ചിരിക്കുന്ന നിര്‍ദേശം.
യുഎഇയില്‍ സന്ദര്‍ശക വിസയിലുള്ളവര്‍ക്ക് രാജ്യത്തിനുള്ളില്‍ നിന്നു തന്നെ വിസ മാറാമെന്ന നിയമമാണ് ഇതോടെ ഒഴിവാകുന്നത്. ഷാര്‍ജ, അബുദാബി എമിറേറ്റുകളിലാണ് നിര്‍ദേശം പ്രാബല്യത്തില്‍ വന്നത്. ദുബായില്‍ പുതിയ നിര്‍ദേശം പ്രാബല്യത്തില്‍ വന്നിട്ടില്ലെന്ന് റിപ്പോര്‍ട്ടുകള്‍ വ്യക്തമാക്കുന്നു.
രാജ്യത്ത് വിസ പുതുക്കണമെങ്കിലോ മറ്റ് വിസയിലേക്ക് മാറണമെങ്കിലോ രാജ്യം വിടണം. മുമ്പ്, സന്ദര്‍ശക വിസയിലുള്ളവര്‍ യുഎഇയില്‍ തുടര്‍ന്നുകൊണ്ട് തന്നെ അധിക തുക നല്‍കി വിസ പുതുക്കിയിരുന്നു. ഇത് ഒഴിവാകുന്നതോടെ വിമാന മാര്‍ഗമോ ബസിലോ രാജ്യത്തിന് പുറത്തുപോയി എക്‌സിറ്റ് അടിച്ച് തിരികെയെത്തി വിസ പുതുക്കേണ്ടി വരും. താമസവിസക്കാര്‍ക്ക് ഇത് ബാധകമല്ല.
2016 ല്‍ ഡീ പോള്‍ കോളജില്‍നിന്ന് ജേര്‍ണലിസത്തില്‍ ബിരുദാനന്തര ബിരുദം പൂര്‍ത്തിയാക്കിയതിനുശേഷം 2017 മുതല്‍ മാധ്യമപ്രവര്‍ത്തനം ആരംഭിച്ചു. സിപിഐ മുഖപത്രമായ ജനയുഗം ദിനപത്രത്തില്‍ സബ് എഡിറ്ററായാണ് തുടക്കം. 2017 മുതല്‍ 2019 വരെ ജനയുഗത്തിന്‍റെ ഭാഗമായി പ്രവര്‍ത്തിച്ചു. 2019 മുതല്‍ സമയം മലയാളത്തില്‍ ഡിജിറ്റല്‍ കണ്ടന്‍റ് പ്രൊഡ്യൂസറായി പ്രവര്‍ത്തിക്കുന്നു. ആറു വർഷമായി മാധ്യമരംഗത്ത് പ്രവർത്തിക്കുന്ന മേരി രാഷ്ട്രീയ, സാമൂഹ്യവിഷയങ്ങളിലും മറ്റു പൊതുവിഷയങ്ങളിലും ലേഖനങ്ങൾ എഴുതുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
