പ്രവാസി മലയാളി യുവാവ് യുഎഇയില്‍ മരിച്ചു

യുഎഇ: പ്രവാസി മലയാളി യുവാവ് യുഎഇയില്‍ ഹൃദയാഘാതം മൂലം മരിച്ചു. തൃശൂര്‍ നാട്ടിക സ്വദേശി ഉണ്യാരന്‍ പുരയ്ക്കല്‍ ശരവണന്റെ മകന്‍ സാലീഷ് ആണ് മരിച്ചത്. 42 വയസായിരുന്നു. ദുബായിലെ ഒരു സ്വകാര്യ കമ്പനിയിൽ ജോലി ചെയ്യുകയായിരുന്നു അദ്ദേഹം. പ്രവാസി കൂട്ടായ്‍മയായ നാട്ടിക എക്സ്പാട്രിയേറ്റ് അസോസിയേഷന്‍റെ സജീവ പ്രവർത്തകൻ ആയിരുന്നു. ഭാര്യയും ദുബായിൽ ആണ് ജോലി ചെയ്യുന്നത്.

Also Read: നിയമങ്ങള്‍ ലംഘിച്ചു, തൊഴിലാളികളുടെ പരാതികള്‍ കേട്ടില്ല; 23 റിക്രൂട്ട്‌മെന്റെ ഓഫീസുകള്‍ അടച്ചുപൂട്ടി

ദുബായ് ജെംസ് സ്‍കൂളില്‍ അധ്യാപികയാണ് ഭാര്യ. നിയമ നടപടി പൂർത്തിയാക്കിയ ശേഷം മൃതദേഹം നാട്ടിലേക്ക് കൊണ്ടുവരാൻ ആണ് തീരുമാനിച്ചിരിക്കുന്നത്. നാട്ടികയിൽ കൊണ്ടുവന്നായിരിക്കും മൃതദേഹം സംസ്കരിക്കുന്നത്. അതിന് വേണ്ടിയുള്ള പ്രവർത്തനങ്ങൾ നടന്നു കൊണ്ടിരിക്കുകയാണ്.

ഫുജൈറ ഭരണാധികാരിയുമായി യുഎഇ പ്രസിഡന്റെ കൂടിക്കാഴ്ച നടത്തി

യുഎഇ പ്രസിഡന്‍റ് ഷെയ്ഖ് മുഹമ്മദ് ബിൻ സായിദ് ആൽ നഹ്യാന്‍ ഫുജൈറ ഭരണാധികാരിയുമായി കൂടിക്കാഴ്ച നടത്തി. ഖസർ അൽ ബഹർ മജ്‌ലിസിൽ വെച്ചാണ് ഇവർ കൂടിക്കാഴ്ച നടത്തിയത്. സുപ്രീം കൗൺസിൽ അംഗവും ഫുജൈറ ഭരണാധികാരിയുമായ ഷെയ്ഖ് ഹമദ് ബിൻ മുഹമ്മദ് അൽ ശർഖി, ഫുജൈറ കിരീടാവകാശി ഷെയ്ഖ് മുഹമ്മദ് ബിൻ ഹമദ് ബിൻ മുഹമ്മദ് അൽ ശർഖി എന്നിവരാണ് ഇവിടെ എത്തിയത്. രാജ്യത്തെ പൗരൻമാരെ കുറിച്ചും വിവിധ വിഷയങ്ങളെ കുറിച്ചും ചർച്ച നടത്തി.

Read Latest Gulf News and Malayalam News