റോഡ് മുറിച്ചുകടക്കുന്നതിനിടെ വാഹനമിടിച്ച് പ്രവാസി മരിച്ചു; രക്ഷപ്പെട്ട ഡ്രൈവറെ 48 മണിക്കൂറിനകം കണ്ടെത്തി ഷാർജ പോലീസ്

യുഎഇ: റോഡ് മുറിച്ച് കടക്കുന്നതിന് ഇടയിൽ വാഹനമിടിച്ച് പ്രവാസി മരിച്ചു. ഉടൻ തന്നെ സംഭവ സ്ഥലത്ത് നിന്നും ഓടി രക്ഷപ്പെട്ട ഡ്രൈവറെ 48 മണിക്കൂറിനകം പൊലീസ് അറസ്റ്റ്. രണ്ട് ദിവസം മുമ്പാണ് അപകടം സംഭവിച്ചത്. മരിച്ച പ്രവാസി ഏത് രാജ്യക്കാരൻ ആണെന്ന വിവരം ഇതുവരം പുറത്തുവിട്ടിട്ടില്ല.

ദുബായിലേക്കുള്ള ദിശയില്‍ ഷെയ്ഖ് ഖലീഫ ബ്രിഡ്ജിന് സമീപത്തെ റോഡിലൂടെ നടന്നു പോകുമ്പോൾ ആറ് വരിപ്പാത മുറിച്ചുകടക്കുന്നതിനിടെയാണ് പ്രവാസി യുവാവിന്റെ മേൽ കാർ വന്നു ഇടിക്കുന്നത്. വൈകുന്നേരം 6.38നാണ് അപകടം സംബന്ധിച്ചതെന്നാണ് ഷാർജ പോലീസ് പറയുന്നത്. ട്രാഫിക് ആന്റ് പട്രോള്‍സ് ഡിപ്പാര്‍ട്ട്മെന്റ് ഡെപ്യൂട്ടി ഡയറക്ടര്‍ ലെഫ്. കേണല്‍ ഒമര്‍ മുഹമ്മദ് ബു ഗനീം ആണ് വിവരങ്ങൾ പുറത്തുവിട്ടത്.

Also Read: സൗദിയില്‍ അനധികൃത താമസക്കാര്‍ക്കെതിരായ നടപടി തുടരുന്നു; ഒരാഴ്ചയ്ക്കിടെ അറസ്റ്റിലായത് 16,493 പ്രവാസികള്‍

സംഭവം അറിഞ്ഞ ഉടനെ പൊലീസ് സ്ഥലത്ത് എത്തി. അപ്പോഴേക്കും പ്രവാസി മരണപ്പെട്ടിരുന്നു. എന്നാൽ ഇടിച്ച വാഹനം അപ്പോൾ അവിടെ നിന്നും രക്ഷപ്പെട്ടു പോയി. സിസിടിവി ദൃശ്യങ്ങള്‍ പരിശോധിച്ചാണ് പോലീസ് വാഹനം കണ്ടെത്തിയത്. തുടർന്ന് ഡ്രൈവരെ കണ്ടെത്താനായി തെരച്ചില്‍ തുടങ്ങി. 48 മണിക്കൂറിനുള്ളിൽ ആളെ അറസ്റ്റ് ചെയ്തു. വാഹനം ഓടിച്ചിരുന്ന ഡ്രൈവർക്ക് 30 വയസിന് താഴെ മാത്രം പ്രായം ഉണ്ടായിരുന്നുള്ളു. കേസ് തുടര്‍ നടപടികള്‍ക്കായി പബ്ലിക് പ്രോസിക്യൂഷന് കെെമാറിയിട്ടുണ്ട്.

Also Read: ബീച്ചുകളിൽ വാഹനമോടിക്കുന്നവർ ശ്രദ്ധിക്കണം: മുന്നറിയിപ്പുമായി മസ്കത്ത് മുനിസിപ്പാലിറ്റി

140 കിലോമീറ്റര്‍ വേഗതയില്‍ മാത്രമാണ് വാഹനങ്ങള്‍ ഈ റോഡിലൂടെ സഞ്ചരിക്കാൻ പാടുള്ളു. ഹൈവേകള്‍ അനധികൃതമായി കാല്‍നട യാത്രക്കാര്‍ മുറിച്ചുകടക്കരുത് എന്ന് നിർദ്ദേശം നൽകിയിട്ടുണ്ട്. ഷാര്‍ജ പൊലീസ് ട്രാഫിക് ആന്റ് പട്രോള്‍സ് ഡിപ്പാര്‍ട്ട്മെന്റ് ഡെപ്യൂട്ടി ഡയറക്ടര്‍ ആണ് ഇതുമായി ബന്ധപ്പെട്ട മുന്നറിയിപ്പ് നൽകിയിരിക്കുന്നത്. ഗതാഗത നിയമങ്ങളും ചട്ടങ്ങളും എല്ലാവരും പാലിക്കണം. അപകടം സംഭവിച്ചാൽ ഡ്രൈവര്‍മാര്‍ വാഹനം നിര്‍ത്തണം. അവർക്ക് വേണ്ട സഹായങ്ങൾ ചെയ്തു നൽകണം.അല്ലാത്ത പക്ഷം അത് ക്രിമിനൽ കുറ്റമായി വരും.

Read Latest Gulf News and Malayalam News