യുഎഇയിലെ മലമുകളില്‍ കുടുങ്ങി;അഞ്ച് പ്രവാസികളെ രക്ഷപ്പെടുത്തി പോലീസ്

യുഎഇ.. മലമുകളിൽ കുടുങ്ങിയ അഞ്ച് പ്രവാസികളെ പൊലീസ് രക്ഷപ്പെടുത്തി. റാസൽഖൈമയിലെ ഖുദാ മലനിരകളിൽ ആണ് ഇവർ കുടുങ്ങിയത്. ഇന്നലെ വെെകുന്നേരം ആയിരുന്നു ഇവർ മലമുകളിലേക്ക് പോയത്. റാസൽഖൈമ പൊലീസ് സ്‍പെഷ്യൽ ടാസ്‍ക്സ് ഡിപ്പാർട്ട്മെന്റ് ഡയറക്ടർ കേണൽ ഡോ. യൂസഫ് സലീം ബിൻ യാഖൂബ് ആണ് ഇവരെ രക്ഷപ്പെടുത്തിയ കാര്യം പുറത്തുവിട്ടത്.

വാദി ഖുദാ മലനിരകളിൽ അഞ്ച് പേർ കുടുങ്ങിയിട്ടുണ്ടെന്ന് റിപ്പോർട്ട് ആണ് ആദ്യം ലഭിച്ചത്. പിന്നീട് ഇവരെ കണ്ടെത്തുന്നതിന് വേണ്ടിയുള്ള ശ്രമങ്ങൾ നടത്തി. ഹെലികോപ്റ്ററിൽ ആണ് ഇവരെ രക്ഷപ്പെടുത്താൻ വേണ്ടിയുള്ള ശ്രമങ്ങളുമായി പോലീസ് മുന്നോട്ട് പോയത്. മലമുകളിൽ ആളുകൾ കുടുങ്ങി കിടക്കുന്നുണ്ടെന്ന് വിവരം ഉറപ്പിച്ച് ശേഷം പിന്നീട് ഒരു നിമിഷം പോലും ഇവർ കാത്തു നിന്നില്ല. മിനിറ്റുകൾ കൊണ്ടുതന്നെ മലമുകളിൽ കുടുങ്ങിയവരെ കണ്ടെത്തി. ഇവർക്ക് ആവശ്യമായ എല്ലാ സഹായവും ചെയ്തിട്ടുണ്ട്.

Also Read: ഇൻട്രോ പറയണം, അതിന് ശേഷം ഡാൻസ് കളിക്കണം; പിന്നെ അവാർഡ് കൊടുക്കാം കൂടാതെ കോമഡി ഷോയും!! 'അമ്മ ഷോ' ട്രോളുകളിൽ

അഞ്ച് പേരുണ്ടായിരുന്നു ഇവർ. നാല് പേരെയും രക്ഷാപ്രവർത്തകർ അവരുടെ കാറിന് സമീപത്ത് എത്തിച്ചു. ഗൾഫിൽ ഇപ്പോൾ കൊടും ചൂട് ആണ് അനുഭപ്പെടുന്നത്. ചൂടും ക്ഷീണവും കാരണം വലിയ രീതിയിൽ അവശരായിരുന്നു അവർ. എന്നാൽ ഒരാൾ വലിയ രീതിയിൽ അവശനായിരുന്നു. ഇദ്ദേഹത്തെ അവിടെ നിന്നും പെട്ടെന്ന് മറ്റൊരു ആശുപത്രിയിലേക്ക് മാറ്റി. ഇയാളുടെ ഇപ്പോഴത്തെ ആരോഗ്യനില വളരെ തൃപ്തികരമാണെന്ന് പൊലീസ് അറിയിച്ചു.

ഇപ്പോൾ ചൂട് കൂടുന്ന സമയമാണ്. ഈ സമയത്ത് പർവത പ്രദേശങ്ങളിലേക്കുള്ള യാത്ര പരമാവധി ഒഴിവാക്കണം. തുറന്ന സ്ഥലങ്ങളിൽ അധികം നിൽക്കുന്നത് തന്നെ വലിയ ആരോഗ്യ പ്രശ്നങ്ങൾ ഉണ്ടാക്കും. കേണൽ ഡോ. യൂസഫ് സലീം ബിൻ യാഖൂബ് പൊതുജനങ്ങളോട് പുറത്തിറങ്ങരുതെന്നും ചൂട് സമയത്ത് മലമുകളിൽ പോകരുതെന്നും അഭ്യർത്ഥിച്ചു.

Also Read: പഴങ്ങള്‍ കൊണ്ടുവന്ന പെട്ടികളില്‍ ഖുര്‍ആന്‍ പേജുകള്‍ മുറിച്ചിട്ട നിലയില്‍; നടപടിയുമായി ഒമാൻ അധികൃതർ

രാജ്യത്തെ പൗരൻമാർക്ക് മാത്രമല്ല പ്രവാസികൾക്കും എന്ത് ആവശ്യം വരുമ്പോഴും സഹായിക്കാൻ റാസൽഖൈമ പൊലീസ് എപ്പോഴും ഒരുക്കമാണ്. അവരെ സഹായിക്കാൻ എപ്പോഴും തയ്യാറായി ഇരിക്കുകയാണെന്ന് അദ്ദേഹം പറഞ്ഞു. രക്ഷാപ്രവർത്തനം നടത്തുന്നതിന്റെ വീഡിയോയും ചിത്രങ്ങളും എല്ലാം പോലീസ് പുറത്തുവിട്ടിട്ടുണ്ട്. സോഷ്യൽ മീഡിയയിലൂടെയാണ് പോലീസ് ഇതെല്ലാം പുറത്തുവിട്ടിട്ടുണ്ട്.