വാട്സ്ആപ്പിലൂടെ പാർക്കിങ് പണമടക്കുന്ന സംവിധാനത്തിന് ദുബായിൽ തുടക്കമായി

ദുബായ്: പാർക്കിങിന് പണം അടക്കാൻ വാട്സാപ്പിലൂടെ സാധിക്കുന്ന പുതിയ സംവിധാനത്തിന് ദുബായിൽ തുടക്കമായി. 97158 8009090 എന്ന നമ്പറിലേക്ക് മെസേജ് അയച്ചാണ് പാർക്കിങ് തുക അടക്കാൻ സാധിക്കുക. എസ്.എം.എസ് വഴി നിലവിൽ ചെയ്യുന്ന ഫോർമാറ്റിൽ തന്നെ വാട്സ്ആപ്പിൽ മെസേജ് അയക്കുകയാണ് ചെയ്യേണ്ടത്. പാർക്കി ഫീസ് എടുപ്പത്തിൽ അടക്കുകയാണ് ഇതിലൂടെ ലക്ഷ്യം വെക്കുന്നത്. എസ്.എം.എസ് വഴി പെയ്മെന്‍റ് ചെയ്യുന്ന സംവിധാനം ഇപ്പോഴും തുടരും എന്ന് അധികൃതർ പറഞ്ഞു.

Also Read: മലയാളിയുടെ അക്കൗണ്ടിൽ നിന്ന് നഷ്ടമായത് 7810 റിയാൽ ; സൗദിയിൽ പ്രവാസികളെ പറ്റിക്കാൻ ബാങ്കിങ് തട്ടിപ്പ് വ്യാപകം

ഞായറാഴ്ചയും പൊതു അവധിദിവസങ്ങളിലും ഒഴികെ എല്ലാ ദിവസങ്ങളിലും പാർക്കിങ് ഫീസ് ഈടാക്കുന്നതാണ്. രാവിലെ എട്ടുമുതൽ രാത്രി 10വരെയാണ് പാർക്കിങ് ഫീസ് നൽകേണ്ടത്. ട്രോഫിക് പിഴകളെ കുറിച്ചും, ഡ്രൈവിങ്, വാഹന ലൈസൻസ് സംബന്ധ കാര്യങ്ങളും വാട്സാപ്പ് വഴി അറിയാൻ സാധിക്കും. വാട്സ്ആപ് വഴിയുള്ള പാർക്കിങ് പേയ്മെൻറ് സംവിധാനം പരീക്ഷണ ഘട്ടത്തിൽ ആദ്യം നടപ്പിലാക്കിയിരുന്നു ഇത് വിജയിച്ച സാഹചര്യത്തിൽ ആണ് ഇത് നടപ്പിലാക്കാൻ തീരുമാനിച്ചത്. പുതിയ സംവിധാനങ്ങൾ കൊണ്ടുവരുന്നത് ദുബായിൽ താമസിക്കുന്നവർക്ക് മെച്ചപ്പെട്ട ജീവിത സൗകര്യം ഒരുക്കുന്നത് ലക്ഷ്യം വെച്ചാണ്.

Also Read: ആരോഗ്യ മേഖലയിലും സ്വദേശിവത്ക്കരണം നടപ്പിലാക്കാന്‍ ഒരുങ്ങി സൗദി; അര ലക്ഷത്തിലേറെ പേർക്ക് ജോലി നല്‍കും. സൗദികള്‍ക്ക് 7000 റിയാല്‍ വരെ ശമ്പളം

അതേസമയം, ദുബായിൽ ഇ-സ്കൂട്ടറുകൾ വ്യാപിക്കുകയാണ്. ഇന്ധനവില വർധിക്കുന്ന സാഹചര്യത്തിൽ ഇ-സ്കൂട്ടറുകൾ ജനങ്ങളിലേക്ക് എത്തിക്കുകയാണ്. സെെക്കിൾ ട്രാക്കിലൂടെയാണ് ഇപ്പോൾ ഇ-സ്കൂട്ടറുകൾ ഓടിക്കാൻ അനുമതി നൽകിയിരിക്കുന്നത്. ഇ-സ്കൂട്ടറുകൾ ഉപയോഗിക്കുന്നതിന് ശക്തമായ മാർഗനിർദേശങ്ങൾ ആണ് പുറത്തിറക്കിയിരിക്കുന്നത്. കഴിഞ്ഞ ദിവസം ആണ് ഇതുസംബന്ധിച്ച വിരങ്ങൾ പുറത്തുവിട്ടത്.