കളിക്കുന്നതിന് ഇടയിൽ 13ാം നിലയിലെ ജനൽ കമ്പിയിൽ തൂങ്ങിയാടി; ഒടുവിൽ രക്ഷ, കെെയ്യടിച്ച് സോഷ്യൽ മീഡിയ

ദുബായ്: അപ്പാര്‍ട്ട്മെന്റ് കെട്ടിടത്തിന്റെ പതിമൂന്നാം നിലയിലെ ജനലില്‍ തൂങ്ങിക്കിടന്ന കുട്ടിയെ കഴിഞ്ഞ ദിവസം വാച്ച്മാനും സഹായിയും ചേർന്ന് രക്ഷിച്ചു. ഷാര്‍ജയിലെ അല്‍ താവുന്‍ ഏരിയയിലെ ഒരു അപ്പാര്‍ട്ട്മെന്റ് കെട്ടിടത്തിൽ ആണ് സംഭവം നടന്നത്. അഞ്ച് വയസുള്ള കുട്ടി അപ്പാര്‍ട്ട്മെന്റ് കെട്ടിടത്തിന്റെ ജനലിൽ നിന്ന് കളിക്കുകയായിരുന്നു. താഴെ റോഡിൽ നിൽക്കുന്ന ചിലരാണ് കുട്ടി തൂങ്ങി കിടക്കുന്നത് കണ്ടത്. കളിക്കുന്നതിന് ഇടയിൽ ആണ് കുട്ടി ജനലിൽ നിന്ന് പുറത്തേക്ക് പോയത്.

കുട്ടിയെ കണ്ട് നിന്നവർ പരിഭ്രാന്തരായി. പ്രദേശവാസികള്‍ ഉടന്‍ തന്നെ പൊലീസില്‍ വിവരം അറിയിക്കുകയായിരുന്നു. ഫ്ലാറ്റിലെ മറ്റൊരു താമസക്കാരൻ ജോലി കഴിഞ്ഞ് എത്തിയപ്പോൾ ആണ് പ്രദേശത്ത് ആളുകള്‍ കൂടി നിന്ന് കുട്ടിയെ ശ്രദ്ധിക്കുന്നത് കണ്ടത്. അദ്ദേഹം ഇത് വലിയ അപകടം ആണെന്ന് മനസിലാക്കി ഉടൻ തന്നെ വാച്ച്മാനെ വിവരമറിയിക്കുകയായിരുന്നു. കെട്ടിടത്തിന്റെ 13-ാം നിലയിലേക്ക് പോയി അവിടെ നിന്നും ആണ് വാച്ച്മാനും സഹായിയും കുട്ടിയ രക്ഷിക്കാനുള്ള ശ്രമങ്ങൾ നടത്തി. എന്നാൽ ഇത് പരാജയപ്പെട്ടു.

Also Read: സ്‌നാപ്ചാറ്റ് വഴി ബ്രാന്റുകളുടെ വ്യാജ ഉല്‍പ്പന്നങ്ങള്‍ വിറ്റ സൗദി സെലിബ്രിറ്റിക്ക് 50,000 റിയാല്‍ പിഴ
പിന്നീട് ഫ്ലാറ്റിലെ വാതിലിൽ ഒരുപാട് തവണ മുട്ടി. എന്നാൽ വാതിൽ തുറന്നില്ല. ഉടൻ തന്നെ വാച്ച്മാൻ കുട്ടിയുടെ പിതാവിനെ ഫോണിൽ വിളിച്ചു കാര്യങ്ങൾ പറഞ്ഞു. വാതിൽ പൊളിച്ച് കുട്ടിയെ രക്ഷിക്കുകയാണെന്നും, ഞങ്ങൾ അകത്ത് കയറുന്നുണ്ടെന്നും ഇവർ കുട്ടിയുടെ പിതാവിനെ അറിയിച്ചു. തുടർന്ന് വാച്ച്മാനും സഹായിയും ജനലിന്റെ ഒരു വശത്ത് തൂങ്ങി നില്‍ക്കുകയായിരുന്ന കുട്ടിയെ കൈയില്‍ പിടിച്ച് മുകളിലേക്ക് ഉയര്‍ത്തി രക്ഷപ്പെടുത്തി. വളരെ സാഹസികമായി ആയിരുന്നു കുട്ടിയ രക്ഷിച്ചത്.

Also Read: റോഡ് മുറിച്ചുകടക്കുന്നതിനിടയിൽ അപകടം; സൗദിയിൽ മലയാളിയായ നാല് വയസുകാരി വാഹനമിടിച്ച് മരിച്ചു

കുട്ടിയെ രക്ഷപ്പെടുത്തി നിമിഷങ്ങള്‍ക്ക് ഉള്ളിൽ തന്നെ ആശുപത്രിയിൽ എത്തിച്ചു. ആറ് പൊലീസ് പട്രോള്‍ സംഘങ്ങൾ ആണ് ഇവിടെ എത്തിയിരുന്നത്. കുട്ടിയുടെ അമ്മയും പിന്നാലെ എത്തി. കുട്ടിയെ രക്ഷപ്പെടുത്തിയവർ സംഭവങ്ങൾ എല്ലാം പോലീസിൽ മൊഴി നൽകി. കുട്ടി വീണ്പോകുമോ എന്ന് ഭയന്ന് ഫ്ലാറ്റിലെ മൊത്തം താമസക്കാരോടും താഴെ മെത്തകൾ വിരിക്കാൻ വാച്ച്‍മാന്‍ ആവശ്യപ്പെട്ടിരുന്നു. കെട്ടിടത്തിന്റെ ജനലില്‍ കുട്ടി കുടുങ്ങിയതായി വിവരം ലഭിച്ചപ്പോൾ തന്നെ സംഭവസ്ഥലത്തേക്ക് ഓടിയെത്തി. എന്നാൽ അപ്പോഴേക്കും കുട്ടിയെ രക്ഷപ്പെടുത്തിക്കഴിഞ്ഞിരുന്നുവെന്ന് ഷാർജ ഡിഫന്‍സ് അറിയിച്ചു.

Read Latest Gulf News and Malayalam News