ആരാണ് വരൻ ഷെയ്ഖ് മാന
അല്‍ മക്തൂം കുടുംബാംഗം തന്നെയായ ഷെയ്ഖ് മാന ബിന്‍ മുഹമ്മദ് ബിന്‍ റാഷിദ് ബിന്‍ മാന അല്‍ മക്തൂം. റിയൽ എസ്റ്റേറ്റ് ബിസിനസാണ് അദ്ദേഹം ചെയ്യുന്നത്. നിരവധി സംരംഭങ്ങൾ അദ്ദേഹം ദുബായിൽ നടത്തുന്നുണ്ട്. ഒരു സ്കീയിംഗ് പ്രേമി കൂടിയാണ് ഷെയ്ഖ് മാന.
അദ്ദേഹം ഇൻസ്റ്റാഗ്രാമിൽ വളരെ സജീവമാണ്. സാങ്കേതിക വിദ്യയിയും വലിയ നേട്ടം കെെവരിച്ച വ്യക്തിയാണ്. ഫ്രാൻസിലെ പ്രശസ്തമായ സ്കീയിംഗ് ലൊക്കേഷനായ കോർഷെവലിലില്‍ നിന്നുള്ള നിരവധി ചിത്രങ്ങൾ അദ്ദേഹം ഇൻസ്റ്റഗ്രാമിൽ പങ്കുവെച്ചിട്ടുണ്ട്. കൂടാതെ റൊണാള്‍ഡീഞ്ഞോ ഉള്‍പ്പടേയുള്ള താരങ്ങളുടെ ആരാധകൻ ആണ് മാന.
വധൂവരന്മാരെക്കുറിച്ച് എഴുതിയ കവിതയുമായി വരന്റെ പിതാവ്
ഷെയ്ഖ മഹ്റ തന്നെയാണ് വിവാഹക്കാര്യം ഇന്‍സ്റ്റഗ്രാമിലൂടെ പങ്കുവെച്ചത്. വരന്റെ പിതാവ് ഷെയ്ഖ് മുഹമ്മദ് ബിന്‍ റാഷിദ് ബിന്‍ മാന അല്‍ മക്തൂം വധൂവരന്മാരെക്കുറിച്ച് എഴുതിയ കവിത ഇവർ സോഷ്യൽ മീഡിയയിൽ പങ്കുവെക്കുകയുണ്ടായി. പിന്നീട് ദുബായ് ഭരണാധികാരി തന്റെ മകളുടെ വിവാഹം സംബന്ധിച്ച വാർത്ത സ്ഥിരീകരിച്ച് എത്തി. വരന്റെ പിതാവും കവിത സോഷ്യൽ മീഡിയ വഴി പുറത്തുവിട്ടിട്ടുണ്ട്.
രണ്ട് പേർക്കും ആശംസകൾ അറിയിച്ചാണ് കവിത. ദെെവം നിങ്ങളെ അനുഗ്രഹിക്കട്ടെ. ഈ ഒരുമിക്കലിന് ദെെവത്തോട് നന്ദി പറയുന്നു എന്നിങ്ങനെയാണ് കവിതയിൽ പറയുന്നത്. നിഖാഹ് ദിവസത്തേക്ക് ആശംസയായി ആണ് കവിത രചിച്ചിരിക്കുന്നത്.
ഈ ആന മേളയിലെത്തുന്ന മേളയിലെ പ്രധാന ആകർഷണം
പൊതുപരിപാടിയിൽ നിറ സാന്നിധ്യമാണ് ഷെയ്ഖ മഹ്റ
ഇൻസ്റ്റാഗ്രാമിൽ മഹ്റ നിരവധി ഫോട്ടോകൾ പങ്കുവെക്കാറുണ്ട്. യുകെ സർവകലാശാലയിൽ നിന്ന് ഇന്റർനാഷണൽ റിലേഷൻസിൽ ബിരുദം കരസ്ഥമാക്കിയിട്ടുണ്ട് മഹ്റ. ദുബായിൽ നടക്കുന്ന നിരവധി പരിപാടിയിൽ മഹ്റ പങ്കെടുക്കാറുണ്ട്. ഇതിന്റെ ചിത്രങ്ങളും വിഡിയോകളും എല്ലാം സോഷ്യൽ മീഡിയയിൽ വെെറലാണ്. കഴിഞ്ഞ വർഷം ഷാർജ എക്‌സ്‌പോ സെന്ററിൽ നടന്ന മിഡിൽ ഈസ്റ്റ് വാച്ചസ് ആൻഡ് ജ്വല്ലറി എക്‌സിബിഷൻ പങ്കെടുക്കാൻ എത്തിയിരുന്നു. യുഎഇയുടെ ദേശീയ ദിനത്തിൽ പരമ്പരാഗത വസ്ത്രങ്ങങ്ങൾ അണിഞ്ഞ് എത്തിയതിന്റെ ചിത്രങ്ങളും മഹ്റ തന്റെ ഇൻസ്റ്റഗ്രാമിൽ പങ്കുവെച്ചിരുന്നു.
.