രാജ്യാന്തര നിലവാരം പുലർത്തി; അബുദാബിയിലെ 7 ബീച്ചുകൾക്ക് ബ്ലൂ ഫ്ലാഗ് ബാഡ്ജ് ലഭിച്ചു

ദുബായ്. രാജ്യന്തര നിലവാരം പുലർത്തിയ അബുദാബിയിലെ 7 ബീച്ചുകൾക്ക് ബ്ലൂ ഫ്ലാഗ് ബാഡ്ജ് ലഭിച്ചു. അബുദാബി മുനിസിപ്പാലിറ്റി ആണ് ഇക്കാര്യം അറിയിച്ചത്. കടൽ തീരത്തെ സുരക്ഷ, പരിസ്ഥിതി സംരക്ഷണം, ലോകോത്തര നിലവാരമുള്ള സൗകര്യങ്ങൾ തുടങ്ങിയവ ഒരുക്കിയതാണ് ബ്ലൂ ഫ്ലാഗ് ലഭിക്കാൻ കാരണമായത്.

അൽ സാഹിൽ കോർണിഷ് ബീച്ച്, അൽബത്തീൻ വനിതാ ബീച്ച്, കോർണിഷ് ബീച്ച്–2, അൽ ബഹർ ബീച്ച്, അൽ ബത്തീൻ പബ്ലിക് ബീച്ച്, കോർണിഷ് പബ്ലിക് ബീച്ച്, കുടുംബങ്ങൾക്കുള്ള കോർണിഷ് ബീച്ച് എന്നീ ബാച്ചുകൾക്കാണ് ബ്ലൂ ഫ്ലാഗ് ബഹുമതി ലഭിച്ചിരിക്കുന്നത്.

Also Read: പ്രായഭേദമന്യേ എല്ലാവര്‍ക്കും ഉംറ തീര്‍ഥാടനം നിര്‍വഹിക്കാം: സൗദി ഹജ്ജ് ഉംറ മന്ത്രാലയം

അതേസമയം, കൊവിഡ് കേസുകൾ കുറഞ്ഞ സാഹചര്യത്തിൽ ഏർപ്പെടുത്തിയരുന്ന നിയന്ത്രണങ്ങൾ കുറക്കാൻ യുഎഇ സർക്കാർ തീരുമാനിച്ചു. ഭൂരിഭാഗവും ഇളവ് വന്നതോടെ ജനജീവിതം സാധാരണ നിലയിലേക്ക് മാറി. വാക്സിൻ എടുത്തവർക്ക് യുഎഇലേക്ക് വരാൻ ഇനി പിസിആർ പരിശോധന നടത്തേണ്ട ആവശ്യമില്ല. റോഡ് മാർഗം അബുദാബി പ്രവേശനത്തിന് നാളെ മുതൽ ഗ്രീൻപാസ് നൽകേണ്ടതില്ല.
പുറത്തിറങ്ങുമ്പോൾ മാസ്ക് ധരിക്കേണ്ട ആവശ്യമില്ല. പൊതുപരിപാടിയിൽ പങ്കെടക്കുന്നവർ മാസ്ക് ധരിക്കണം. ആവശ്യമുള്ളവർക്ക് മാത്രം മാസ്ക് ധരിച്ചാൽ മതിയാകും. പൊതുപരിപാടികളിൽ പങ്കെടുക്കാവുന്നവരുടെ എണ്ണം 90 ശതമാനം ആക്കി മാറ്റിയിട്ടുണ്ട്. ദേശീയ ദുരന്ത നിവാരണ സമിതിയാണ് പുതിയ പ്രഖ്യാപനങ്ങൽ പുറത്തുവിട്ടത്.

Also Read: യുക്രൈൻ റഷ്യ വിഷയത്തിൽ അമേരിക്ക സ്വീകരിച്ച നിലപാട് ആണ് ട്രോളൻമാർ ഇന്ന് ചർച്ച ചെയ്യുന്നത്. സോഷ്യൽ മീഡിയയിൽ വൈറലായ ട്രോളുകൾ കാണാം.

ഷോപ്പിങ് മാൾ, സ്കൂൾ തുടങ്ങി അടച്ചിട്ട സ്ഥലങ്ങളിൽ മാസ്ക് നിർബന്ധമാണ്. അല്ലാത്ത സ്ഥലങ്ങളിൽ മാസ്ക് ധരിക്കേണ്ട. ഇന്നലെ മുതൽ നിയമങ്ങൾ എല്ലാം പ്രാബല്യത്തിൽ വന്നു. എന്നാലും പുറത്തിറങ്ങുന്ന പലരും മാസ്ക് വെച്ചാണ് ഇറങ്ങുന്നത്. വരും ദിവസങ്ങളിൽ ഇനിയും കുടുതൽ ഇളവുകൾ വരാൻ ആണ് സാധ്യത.