പിതാവിന്റെ കണ്ണുവെട്ടിച്ച് വീടിന് പുറത്തിറങ്ങി; രണ്ട് വയസുകാരന് കാറിടിച്ച് ദാരുണാന്ത്യം

അജ്മാൻ: പിതാവിന്റെ കണ്ണുവെട്ടിച്ച് വീടിന് പുറത്തുപോയ രണ്ടു വയസുക്കാരൻ മരിച്ചു. അജ്‍മാനിലെ അല്‍ നുഐമിയ ഏരിയയില്‍ ആണ് സംഭവം നടന്നത്. റമദാൻ രണ്ടിനാണ് കുട്ടി കാറിടിച്ച് ആശുപത്രിയിൽ എത്തുന്നത്. ഗുരുതര പരിക്കുകളോടെയാണ് കുട്ടിയെ ആശുപത്രിയിൽ എത്തിക്കുന്നത്. എന്നാൽ കഴിഞ്ഞ ദിവസം കുട്ടിയുടെ മരണം ആശുപത്രി അധികൃർ സ്ഥിരീകരിച്ചു.

Also Read: കേരളത്തിലേക്ക് ടിക്കറ്റ് നിരക്ക് കുറച്ച് ഒമാൻ എയർ

കുട്ടിയുടെ കുടുംബം താമസിച്ചിരുന്ന അല്‍ നുഐമിയയിലെ വില്ലക്ക് സമീപത്താണ് അപകടം ഉണ്ടായത്. കുട്ടിയുടെ കൂടെ പിതാവ് ഉണ്ടായിരുന്നു. കാറിൽ നിന്നും സാധനങ്ങൾ എടുക്കാൻ വേണ്ടി അദ്ദേഹം പുറത്തേക്ക് ഇറങ്ങി. പിതാവിന്റെ കണ്ണുവെട്ടിച്ച് കുട്ടിയും പുറത്തിറങ്ങി. എന്നാൽ പിതാവ് ഇത് കണ്ടില്ല. മറ്റൊരു അറബ് പൗരന്‍ ഓടിച്ചിരുന്ന കാർ കുട്ടിയെ വന്ന് ഇടിക്കുകയായിരുന്നു.

Also Read: നാട്ടിലെത്തിക്കാന്‍ പണം ചെലവഴിക്കാന്‍ ബുദ്ധിമുട്ടാണ്, മൃതദേഹം അവിടെ തന്നെ സംസ്‍കരിക്കൂ; ഉള്ളുപൊള്ളുന്ന അനുഭവം പങ്കുവെച്ച് അഷ്റഫ് താമരശേരി. ഒരു മലയാളി യുവാവിന്റെ കുടുംബാംഗങ്ങളുമായി സംസാരിച്ചപ്പോള്‍ അവരില്‍ നിന്ന് പ്രതികരണമാണ് അദ്ദേഹം ഫേസ്‍ബുക്ക് പോസ്റ്റില്‍ കുറിച്ചത്.

കുട്ടിയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. കുട്ടി അതീവ ഗുരുതരാവസ്ഥായിലാണെന്നും എല്ലാവരും പ്രാർത്ഥിക്കണമെന്നും കുട്ടിയുടെ മാതാവ് സോഷ്യൽ മീഡിയയിലൂടെ വീഡിയോ പുറത്തുവിട്ടിരുന്നു. മൂന്ന് ദിവസം കുട്ടി ആശുപത്രിയിൽ കിടന്നു അതിന് ശേഷം ആണ് മരണത്തിന് കീഴടങ്ങിയത്. അറബ് ദമ്പതികളുടെ ചെറിയ മകൻ ആണ് മരണപ്പെട്ട രണ്ടു വയസുക്കാരൻ.

Read Latest Gulf News and Malayalam News